ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ

ԵՐԵՎԱՆ ՔԱՂԱՔ

22 հունվարի 2003 թվականի թիվ 4
քաղ. Երևան

ՆՈՐՔ-ՄԱՐԱՇ ԹԱՂԱՅԻՆ ՀԱՄԱՅՆՔԻ ՏԱՐԱԾՔՈՒՄ 2003 Թ. ՀԱՄԱՐ ՏԵՂԱԿԱՆ ՏՈՒՐՔԵՐԻ ԵՎ ՎՃԱՐՆԵՐԻ ԴՐՈՒՅՔԱՉԱՓԵՐԸ ՍԱՀՄԱՆԵԼՈՒ ՄԱՍԻՆ

Ղեկավարվելով «Տեղական ինքնակառավարման մասին» ՀՀ օրենքի 34-րդ հոդվածի 2-րդ մասով և «Տեղական տուրքերի և վճարների մասին» ՀՀ օրենքի 10-րդ հոդվածի համաձայն`

Համայնքի ավագանին որոշում է`

1. Սահմանել Նորք-Մարաշ թաղային համայնքի 2003 թ. համար տեղական տուրքերի հետևյալ դրույքաչափերը.

1.1 Համայնքի տարածքում նոր կառուցվող օբյեկտների, շենքերի, շինությունների (ներառյալ ժամանակավոր) շինարարության, շինարարական մոնտաժային աշխատանքներ սկսելու թույլտվության համար տեղական տուրք:
ա) Հիմնական օբյեկտների թույլտվության համար	100000 դրամ
բ) մինչև 6 քմ տարածք զբաղեցնող ժամանակավոր (ոչ հիմն.) շինությունների համար	20000 դրամ
գ) 6 քմ և ավելի տարածք զբաղեցնող ժամանակավոր (ոչ հիմն.) շինությունների համար	30000 դրամ
1.2 Համայնքի տարածքում գտնվող օբյեկտները վերակառուցելու, ամրացնելու, արդիականացնելու, վերականգնելու, օբյեկտների արտաքին տեսքը փոփոխող այլ աշխատանքներ կատարելու թույլտվության համար տեղական տուրք	15000 դրամ
1.3 Համայնքի տարածքում գտնվող օբյեկտները քանդելու, աշխատանքներ սկսելու թույլտվության համար տեղական տուրք	5000 դրամ
1.4 Համայնքի տարածքում ոգելից խմիչքներ և (կամ) ծխախոտի արտադրանքի վաճառքի թույլտվության համար տեղական տուրք:
ա) Հիմնական շինությունների ներսում վաճառքի կազմակերպման դեպքում յուրաքանչյուր եռամսյակի համար	12500 դրամ
բ) Ոչ հիմնական շինությունների ներսում վաճառքի կազմակերպման դեպքում յուրաքանչյուր եռամսյակի համար:	8750 դրամ
1.5 Համայնքի տարածքում բացօթյա վաճառք կազմակերպելու թույլտվության համար տեղական տուրք:
Գազի և վառելիքաքսայուղային նյութերի տեղական տուրք ընթացիկ տարվա համար	220000 դրամ
1.6 Համայնքի տարածքում խաղատները, հանրային սննդի օբյեկտները, բաղնիքները (սաունաները), զվարճանքի օբյեկտները ժամը 24-ից հետո աշխատելու թույլտվության համար` տեղական տուրք ընթացիկ տարվա համար:	80000 դրամ
ա) Հանրային սննդի և զվարճանքի օբյեկտների համար
բ) Համաքաղաքային կանոններին համապատասխան Երևան քաղաքի և քաղաքային համայնքների տարածքում ընտանի կենդանիներ պահելու թույլտվություն ընթացիկ տարվա համար տեղական տուրք:	5000 դրամ
1.7 Համայնքի տարածքում արտաքին գովազդ տեղադրելու ըստ յուրաքանչյուր տեղի թույլտվության համար` տեղական տուրք ընթացիկ տարվա համար:
ա) Ծխախոտի արտադրանք գովազդող արտաքին գովազդի համար	250000 դրամ
բ) այլ արտաքին գովազդի համար	15000 դրամ
1.8 Համայնքի արխիվից փաստաթղթերի պատճենները և կրկնօրինակները տրամադրելու համար տեղական տուրք ընթացիկ տարվա համար	3000 դրամ
1.9 Համայնքի տարածքում մարդատար տաքսու (բացառությամբ երթուղային տաքսիների) ծառայություն իրականացնելու թույլտվության համար	5000 դրամ
2. Սահմանել Նորք-Մարաշ թաղային համայնքի տարածքում 2003 թ. համար տեղական վճարների հետևյալ դրույքաչափերը.
2.1 Համայնքի տարածքում շինարարության կամ շինության արտաքին տեսքը փոփոխող վերակառուցման աշխատանքներ կատարելու հետ կապված տեխնիկական-տնտեսական պայմաններ մշակելու և հաստատելու, շինարարության ավարտը փաստագրելու համար, տեղական ինքնակառավարման մարմնի մատուցած ծառայությունների դիմաց փոխհատուցման վճարը	50000 դրամ
2.2 Տեղական ինքնակառավարման մարմինների կողմից մրցույթներ և աճուրդներ կազմակերպելու հետ կապված ծախսերի փոխհատուցման համար մասնակիցներից վճարը սահմանել	5000 դրամ

Թաղապետ`

Վ. Մկրտչյան