«Գրանցված է»
ՀՀ արդարադատության
նախարարության կողմից
4 օգոստոսի 2005 թ.
Պետական գրանցման թիվ 60005313

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՀԱՆՐԱՅԻՆ ԾԱՌԱՅՈՒԹՅՈՒՆՆԵՐԸ ԿԱՐԳԱՎՈՐՈՂ ՀԱՆՁՆԱԺՈՂՈՎ

22 հուլիսի 2005 թ. ք. Երևան

N 99-Ն

Ո Ր Ո Շ ՈՒ Մ

«ՇԻՐԱԿ-ՋՐՄՈՒՂԿՈՅՈՒՂԻ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ԿՈՂՄԻՑ ԿԵՆՑԱՂԱՅԻՆ ԿԱՐԻՔՆԵՐԻ ՀԱՄԱՐ ԽՄԵԼՈՒ ՋՐԻ ՄԱՏԱԿԱՐԱՐՄԱՆԸ ՆԵՐԿԱՅԱՑՎՈՂ ՍՊԱՍԱՐԿՄԱՆ ՈՐԱԿԻ ՆՎԱԶԱԳՈՒՅՆ ՊԱՀԱՆՋՆԵՐԸ ՀԱՍՏԱՏԵԼՈՒ ՄԱՍԻՆ

Հիմք ընդունելով Հայաստանի Հանրապետության ջրային օրենսգրքի 38-րդ հոդվածը` Հայաստանի Հանրապետության հանրային ծառայությունները կարգավորող հանձնաժողովը որոշում է.

1. Հաստատել`

ա) «Շիրակ-ջրմուղկոյուղի» փակ բաժնետիրական ընկերության կողմից կենցաղային կարիքների համար խմելու ջրի մատակարարմանը ներկայացվող սպասարկման որակի նվազագույն պահանջները (հավելված N 1):

բ) «Շիրակ-ջրմուղկոյուղի» փակ բաժնետիրական ընկերության կողմից սպասարկվող այն բնակավայրերի ցանկը, որոնց նկատմամբ սույն կետի ա) ենթակետով հաստատված N 1 հավելվածի 2-րդ կետը կկիրառվի ըստ ժամանակացույցի (հավելված N 2):

2. Սույն որոշման 1-ին կետի ա) ենթակետով հաստատված N 1 հավելվածի 2-րդ կետը չի կիրառվում` Գյումրի քաղաքի Ղանդիլյան փողոցի բազմաբնակարան շենքերի, Հ. Մազմանյան փողոցի 1-ին, 4-րդ և 5-րդ նրբանցքների, Ղուկասյան, Կոմինտերնի, Ս. Մատնիշյանի, Կրուպսկայայի, Ֆրունզեի փողոցների, Ավզնոց, Նոր-Ավան, «Կազաչի պոստ» թաղամասերի, ինչպես նաև Ախուրիկ, Երազգավորս, Բայանդուր, Ազատան, Սարատակ, Այգաբաց, Հոռոմ, Ձորակապ գյուղական համայնքների, Ամասիա գյուղական համայնքի բազմաբնակարան շենքերի 4-ից բարձր հարկերի և Մարալիկ քաղաքի բաժանորդների նկատմամբ:

3. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

ՀՀ հանրային ծառայությունները կարգավորող հանձնաժողովի նախագահ`

Ռ. Նազարյան

	Հավելված N 1
	Հաստատված է ՀՀ հանրային ծառայությունները կարգավորող հանձնաժողովի 2005 թ. հուլիսի 22-ի N 99-Ն որոշմամբ

«ՇԻՐԱԿ-ՋՐՄՈՒՂԿՈՅՈՒՂԻ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ԿՈՂՄԻՑ ԿԵՆՑԱՂԱՅԻՆ ԿԱՐԻՔՆԵՐԻ ՀԱՄԱՐ ԽՄԵԼՈՒ ՋՐԻ ՄԱՏԱԿԱՐԱՐՄԱՆԸ ՆԵՐԿԱՅԱՑՎՈՂ ՍՊԱՍԱՐԿՄԱՆ ՈՐԱԿԻ ՆՎԱԶԱԳՈՒՅՆ ՊԱՀԱՆՋՆԵՐԸ

1. Մատակարարվող խմելու ջրի որակը պետք է բավարարի «Խմելու ջուր: Ջրամատակարարման կենտրոնացված համակարգերի ջրի որակին ներկայացվող հիգիենիկ պահանջները: Որակի հսկողություն» N 2-III-Ա 2-1 սանիտարական կանոններին և նորմերին (գրանցված է Հայաստանի Հանրապետության արդարադատության նախարարությունում 28.12.2002 թ., N 10002340):

2. Ընկերությունը պարտավոր է ջրամատակարարման հաստատված գրաֆիկով բաժանորդներին ապահովել ամենօրյա առնվազն չորսժամյա ջրամատակարարմամբ` ժամը 7⁰⁰-24⁰⁰-ն ընկած ժամանակահատվածում: Նշված ժամանակահատվածից դուրս իրականացված ջրամատակարարումը չի համարվում սույն կետով սահմանված պահանջի կատարում:

3. Ընկերությունը պարտավոր է զանգվածային լրատվական կամ այլ միջոցներով բաժանորդներին նախապես իրազեկել տվյալ տարածքի ջրամատակարարման հաստատված գրաֆիկների մասին, իսկ դրանցում կատարվող փոփոխությունների դեպքում` առնվազն 2 օր առաջ:

4. Ընկերությունը պարտավոր է ապահովել խմելու ջրի ճնշումը բազմաբնակարան շենքի և առանձնատան մուտքագծում` առնվազն վերջին հարկի հատակի նիշի վրա եղած հաշվարկային ճնշմանը ավելացրած 0,05 ՄՊա (5մ ջրի սյուն): Մուտքագծում փաստացի ճնշումը չպետք է գերազանցի 0,6 ՄՊա-ն (60մ ջրի սյուն):

5. Ընկերությունը պարտավոր է բաժանորդներին տրամադրել վթարային ծառայության, ինչպես նաև տարածքային սպասարկման ստորաբաժանման այն հեռախոսահամարները և հասցեները, որոնցով սպառողները կարող են ստանալ կամ հաղորդել տեղեկատվություն` ներառյալ ահազանգեր, բողոքներ, հարցադրումներ և այլն, այդ թվում` ջրի որակի մասին: Ստացված տեղեկատվությունը գրանցվում է հատուկ մատյանում:

6. Խմելու ջրի մատակարարման համակարգում պլանային աշխատանքներ իրականացնելու պատճառով ջրամատակարարումը լրիվ կամ մասնակի դադարեցվելու կամ ջրամատակարարման հաստատված գրաֆիկը խախտելու դեպքում ընկերությունը պարտավոր է աշխատանքներն սկսելուց երկու օր առաջ բաժանորդներին իրազեկել այդ աշխատանքների կատարման և ջրամատակարարումը վերսկսելու կանխատեսվող ժամկետի մասին, որը չպետք է գերազանցի հաստատված գրաֆիկով նախատեսված խմելու ջրի վերջին մատակարարումից հետո 24 ժամը:

7. Մատակարարման համակարգում վթարների դեպքում ընկերությունը պարտավոր է Հայաստանի Հանրապետության օրենքներով և այլ իրավական ակտերով սահմանված կարգով այդ մասին տեղյակ պահել համապատասխան մարմիններին, հնարավորինս սեղմ ժամկետում իրազեկել բաժանորդներին վթարի և այն վերացնելուց հետո խմելու ջրի մատակարարման վերսկսման ժամկետի մասին: Բնականոն ջրամատակարարման վերսկսման ժամկետը չպետք է գերազանցի հաստատված գրաֆիկով նախատեսված խմելու ջրի վերջին մատակարարումից հետո 36 ժամը:

8. Եթե մատակարարվող խմելու ջրի որակը չի համապատասխանում սույն պահանջների 1-ին կետին, ապա` ընկերությունն այդ մասին սահմանված կարգով տեղեկացնում է համապատասխան իրավասու մարմիններին, ձեռնարկում անհրաժեշտ բոլոր միջոցները ջրի որակը նշված նորմերին համապատասխանեցնելու համար` զանգվածային լրատվական և հնարավոր այլ միջոցներով տեղեկացնելով բաժանորդներին: Բնականոն ջրամատակարարման վերսկսման ժամկետը չպետք է գերազանցի հաստատված գրաֆիկով նախատեսված խմելու ջրի վերջին մատակարարումից հետո 36 ժամը:

9. Սույն պահանջների 6-րդ 7-րդ և 8-րդ կետերով նախատեսված ժամկետներում խմելու ջրի մատակարարումը որևէ պատճառով չվերականգնելու դեպքում ընկերությունը պարտավոր է Հայաստանի Հանրապետության կառավարության 2004 թվականի հունվարի 22-ի N 130-Ն որոշմամբ հաստատված «Խմելու ջրի մատակարարման և ջրահեռացման կանոններով» սահմանված կարգով ջրազրկված տարածքների բաժանորդներին անվճար ապահովել խմելու ջրի որակին ներկայացվող պահանջներին համապատասխանող ջրով:

10. Եթե ընկերությունը չի կատարել 9-րդ կետի պահանջը, ապա նա պարտավոր է բաժանորդների տվյալ ամսվա վճարման ենթակա գումարը նվազեցնել թերմատակարարված ջրի արժեքի քառապատիկի չափով (թերմատակարարված ջրի քանակը որոշվում է նախորդ 3 ամիսների միջին օրական ծախսի և թերմատակարարված օրերի արտադրյալով):

	Հավելված N 2
	Հաստատված է ՀՀ հանրային ծառայությունները կարգավորող հանձնաժողովի 2005 թ. հուլիսի 22-ի N 99-Ն որոշմամբ

N	1	3	4	5	6	7
	Բնակավայրի անվանումը	Ջրամատակա-րարման տևողությունը առ 01.07.05 թ.	Ջրամատակա-րարման առ տևողությունը 01.08.05 թ.	Ջրամատակա-րարման տևողությունը առ 01.09.05 թ.	Ջրամատակա-րարման տևողությունը առ 15.10.05 թ.	Ջրամատակա-րարման տևողությունը առ 01.11.05 թ.
1	Ախուրյան			4 ժամ
2	Հովունի		4 ժամ
3	Հացիկ			4 ժամ
4	Մայիսյան		4 ժամ
5	Արեգնադեմ*				4 ժամ
6	Գտաշեն				4 ժամ
7	Մեղրաշատ				4 ժամ
8	Կառնուտ	4 ժամ
9	Քեթի*		5 ժամ
10	Կապս		6 ժամ
11	Վահրամաբերդ	6 ժամ
12	Մարմաշեն		6 ժամ
13	ԼենԳԷՍավան	6 ժամ
14	Ողջի				4 ժամ
15	Հայկավան*				4 ժամ
16	Ոսկեհասկ*				4 ժամ
17	Ախուրիկ *			4 ժամ
18	Առափի	6 ժամ
19	Ղարիբջանյան		6 ժամ
20	Գետք			4 ժամ
21	Ամասիա			4 ժամ
22	Ջրաձոր			5 ժամ
23	Հայրենյաց	6 ժամ
24	Գոգհովիտ				4 ժամ
25	Հողմիկ				4 ժամ
26	Ազատան*					4 ժամ
27	Սարատակ*	4 ժամ
28	Լուսակերտ		5 ժամ
29	Բենիամին		5 ժամ
30	Հոռոմ *				4 ժամ
ԳՅՈՒՄՐԻ
31	Երկաթգծի ավան			4 ժամ
32	Արցախի թ.			4 ժամ
33	Լ. Մադոյան փողոց				4 ժամ
34	Ղանդիլյան փողոց				4 ժամ
35	Մյասնիկյանի փողոց				4 ժամ
36	Ղորղանյան փողոց				8 ժամ
37	Աբովյան փողոց			4 ժամ
38	Շահումյան փողոց				4 ժամ
39	Տերյան փողոց			4 ժամ
40	Արագած փողոց			8 ժամ
41	Անի, Տեքստիլ, Հանցման, Հույս, Արագած, Սլաբոդկա թաղամասեր		5 ժամ
42	Իսահակյան փողոց		5 ժամ

* նշված համայնքներում ոչ բոլորն են հանդիսանում «Շիրակ-ջրմուղկոյուղի» փակ բաժնետիրական ընկերության բաժանորդներ