ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԷՆԵՐԳԵՏԻԿԱՅԻ ՀԱՆՁՆԱԺՈՂՈՎ

Ո Ր Ո Շ ՈՒ Մ

6 հոկտեմբերի 2000 թ.

N 20

քաղ. Երևան

2000-2001 ԹԹ. ՁՄՌԱՆ ԺԱՄԱՆԱԿԱՇՐՋԱՆԻ ԿԵՆՏՐՈՆԱՑՎԱԾ ՋԵՌՈՒՑՄԱՆ ՍԱԿԱԳՆԵՐԻ ՄԱՍԻՆ

Ղեկավարվելով «Էներգետիկայի մասին» ՀՀ օրենքի 14-րդ, 36-րդ հոդվածներով և 20-րդ հոդվածի ա) կետով, ինչպես նաև ելնելով հանրապետությունում 2000-2001 թթ. ձմռան ժամանակաշրջանում ջեռուցման ապահովման անհրաժեշտությունը, Հայաստանի Հանրապետության էներգետիկայի հանձնաժողովը որոշում է.

1. Սահմանել`

1.1. 2000-2001 թթ. ձմռան ժամանակաշրջանի կենտրոնացված ջեռուցման սակագներն ըստ բնակավայրերի ներառյալ ավելացված արժեքի հարկը`

N	Բնակավայրի անվանումը	Ջեռուցման տևողությունը (օր)	2000/2001 թթ. սակագները
			Բնակչությանը 1 քմ բնակելի մակերեսի ջեռուցման համար (դր/քմ)	Այլ սպառողների ջեռուցման համար (դր/Գկալ)
1	Երևան	90	1450	10696
2	Գյումրի	120	2628	10413
3	Աբովյան	90	1304	9165
4	Հրազդան	120	1518	9796
5	Վեդի	90	1339	10351
6	Սևան	120	1645	8097
7	Չարենցավան	100	1327	8392
8	Ջերմուկ	120	1679	8466

1.2. 2000-2001 թթ. ձմռան ժամանակաշրջանի համար «Հայգազարդ» ՊՓԲԸ-ի «Գյումրիջերմո» ջերմամատակարարման արտադրամասի կողմից ջեռուցման նպատակով առաքվող ջերմային էներգիայի սակագինը` 8231 դրամ/Գկալ` ներառյալ ավելացված արժեքի հարկը:

2. Մինչ սահմանված կարգով Հայաստանի Հանրապետությունում ջեռուցում իրականացնող ընկերություններին համապատասխան ջերմային էներգիայի արտադրման, փոխադրման և բաշխման գործունեության լիցենզիաների տրամադրումը, թույլատրել`

ա) 2000-2001 թթ. ջեռուցման ժամանակաշրջանում ջերմային էներգիայի արտադրման, փոխադրման և բաշխման գործունեություն իրականացնել հետևյալ կազմակերպություններին.

- Երևանի քաղաքապետարանի «Ջերմային տնտեսություն» ՊՓԲԸ

- «Հայգազարդ» ՊՓԲԸ-ի «Գյումրի ջերմո» ջերմամատակարարման արտադրամաս

- «Աբովյանի համայնքային ջերմամատակարարում» ՓԲԸ

- Վեդու քաղաքային համայնքի «Արև» ՓԲԸ

- «Սևանի համայնքային ջերմամատակարարում» ՓԲԸ

- Չարենցավանի քաղաքապետարանի ջերմաարտադրական ձեռնարկություն

- Ջերմուկի քաղաքապետարանի ջերմաարտադրական վարչություն

բ) 2000-2001 թթ. ջեռուցման ժամանակաշրջանում ջերմային էներգիայի բաշխման գործունեություն իրականացնել Գյումրիի «Ջերմամատակարարում» ՓԲԸ-ին:

Նախագահ

Վ. Մովսեսյան