Գլխավոր տեղեկություն
Номер
N 2284-Ն
Տիպ
Որոշում
Тип
Ինկորպորացիա (26.01.2006-մինչ օրս)
Статус
Գործում է
Первоисточник
ՀՀՊՏ 2006.01.25/5(460) Հոդ.129
Принят
ՀՀ կառավարություն
Дата принятия
29.12.2005
Подписан
ՀՀ վարչապետ
Дата подписания
11.01.2006
Վավերացնող մարմին
ՀՀ Նախագահ
Վավերացման ամսաթից
14.01.2006
Дата вступления в силу
26.01.2006

«Վավերացնում եմ»
Հայաստանի Հանրապետության
Նախագահ Ռ. Քոչարյան
14 հունվարի 2006 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

29 դեկտեմբերի 2005 թվականի N 2284-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2005 ԹՎԱԿԱՆԻ ՓԵՏՐՎԱՐԻ 24-Ի
N 309-Ն ՈՐՈՇՄԱՆ ՄԵՋ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2005 թվականի փետրվարի 24-ի «Հայաստանի Հանրապետության 2005 թվականի պետական բյուջեով նախատեսված հատկացումների հաշվին բնակարանների գնման վկայագրերի տրամադրման միջոցով բնակարանային ապահովման ծրագրի մասին» N 309-Ն որոշման մեջ կատարել հետևյալ լրացումները և փոփոխությունները`

որոշման 1-ին կետով հաստատված` Հայաստանի Հանրապետության 2005 թվականի պետական բյուջեով բնակարանային ապահովման ծախսային ծրագրով նախատեսված հատկացումների հաշվին բնակարանների գնման վկայագրերի տրամադրման կարգում`

ա) 5-րդ կետի չորրորդ պարբերությունը «գրավ դրվել» բառերից հետո լրացնել «(բացառությամբ այն դեպքերի, երբ վկայագիր ստացողը վկայագրով բնակարան (բնակելի տուն) ձեռք բերելու նպատակով ներգրավում է հիփոթեքային վարկի միջոցներ)» բառերով.

 բ) 11-րդ կետի երկրորդ և երրորդ պարբերությունները շարադրել հետևյալ խմբագրությամբ.

 «Վկայագրի միջոցով բնակարանի (բնակելի տան) ձեռքբերման ժամկետը սահմանվում է 6 ամիս` առանց ժամկետի երկարաձգման հնարավորության».

գ) 12-րդ կետը շարադրել հետևյալ խմբագրությամբ.

«12. Վկայագրի միջոցով աջակցություն ստացող անձի ընտանիքի չափահաս անդամների համաձայնության դեպքում ձեռք բերվող բնակարանի (բնակելի տան) չափը (սենյակների թվով) կարող է պակաս լինի սույն կարգի 9-րդ կետով սահմանված նորմերով անձին հասանելիք բնակարանի չափից (սենյակների թվով): Ընդ որում, բնակարան ձեռք բերելու դեպքում` մեկ սենյակ պակաս, իսկ բնակելի տուն ձեռք բերելու դեպքում՝ առանց սահմանափակման, գնվող բնակելի տան ընդլայնման հնարավորության առկայության պայմաններում».

դ) 15-րդ կետի առաջին պարբերությունում «9-րդ կետում» բառերը փոխարինել «12-րդ կետում» բառերով.

ե) 15-րդ կետը լրացնել հետևյալ բովանդակությամբ նոր պարբերությամբ.

«Վկայագիր ստացած անձանց ընտանիքների չափահաս անդամների համաձայնության դեպքում 2 վկայագրի միջոցով կարող է գնվել մեկ բնակարան (բնակելի տուն), որի չափը չպետք է պակաս լինի սույն կարգի 12-րդ կետում նշված չափերից»:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից։

Հայաստանի Հանրապետության
վարչապետ

 Ա. Մարգարյան
   

2006 թ. հունվարի 11
Երևան