600.0035.10.08.01

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԷՆԵՐԳԵՏԻԿԱՅԻ ԿԱՐԳԱՎՈՐՈՂ ՀԱՆՁՆԱԺՈՂՈՎ

Ո Ր Ո Շ ՈՒ Մ

10 օգոստոսի 2001 թ. ք. Երևան

N 35

ՀՀ ԷՆԵՐԳԵՏԻԿԱՅԻ ԿԱՐԳԱՎՈՐՈՂ ՀԱՆՁՆԱԺՈՂՈՎԻ 2001 ԹՎԱԿԱՆԻ ԱՊՐԻԼԻ 10-Ի N 14, ՀՈՒՆԻՍԻ 19-Ի N 28 ԵՎ N 29 ՈՐՈՇՈՒՄՆԵՐԻ ՄԵՋ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ

ՀՀ էներգետիկայի կարգավորող հանձնաժողովը որոշում է.

1. ՀՀ էներգետիկայի կարգավորող հանձնաժողովի 2001 թվականի ապրիլի 10-ի N 14 որոշմամբ հաստատված` երկդրույք սակագնային համակարգում էլեկտրաէներգիայի առուվաճառքի (արտադրողի-մեծածախ գնորդ-վաճառողի միջև) պայմանագրի օրինակելի ձևի ամբողջ տեքստում «էլեկտրաէներգիայի գին» բառերը փոխարինել «էլեկտրաէներգիայի դրույք» բառերով, իսկ «էլեկտրաէներգիայի հզորության գին» բառերը` «էլեկտրաէներգիայի հզորության դրույք (ամսական վճար)» բառերով:

2. ՀՀ էներգետիկայի կարգավորող հանձնաժողովի 2001 թվականի ապրիլի 10-ի N 14 որոշմամբ հաստատված` երկդրույք սակագնային համակարգում էլեկտրաէներգիայի առուվաճառքի (արտադրողի-մեծածախ գնորդ-վաճառողի միջև) պայմանագրի օրինակելի ձևի 8-րդ հոդվածի 8.1 կետից հանել «ինչպես նաև ՀՀ կառավարության գործողությունները կամ անգործությունը (ներառյալ գույքի բռնագրավումը)» բառերը:

3. ՀՀ էներգետիկայի կարգավորող հանձնաժողովի 2001 թվականի հունիսի 19-ի N 28 որոշմամբ հաստատված` էլեկտրաէներգիայի առուվաճառքի (մեծածախ գնորդ (վաճառող)-բաշխող) պայմանագրի օրինակելի ձևի 6-րդ հոդվածի 6.3 կետի նախավերջին նախադասության մեջ «Վաճառողը Գնորդին» բառերը փոխարինել «Գնորդը Վաճառողին» բառերով:

4. ՀՀ էներգետիկայի կարգավորող հանձնաժողովի 2001 թվականի հունիսի 19-ի N 29 որոշման 1-ին կետի 6.3 և 2-րդ կետի 5.3 ենթակետերի նախավերջին նախադասություններում «Վաճառողը Գնորդին» բառերը փոխարինել «Գնորդը Վաճառողին» բառերով:

ՀՀ էներգետիկայի կարգավորող հանձնաժողովի նախագահ`

Վ. Մովսեսյան