«Գրանցված է»
ՀՀ արդարադատության
նախարարության կողմից
19 սեպտեմբերի 2002 թ.
Պետական գրանցման թիվ 05002191

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
 
ԿԵՆՏՐՈՆԱԿԱՆ ԸՆՏՐԱԿԱՆ ՀԱՆՁՆԱԺՈՂՈՎ

11 սեպտեմբերի 2002 թ. ք. Երևան

N 12/1-Ն

Ո Ր Ո Շ ՈՒ Մ

ՀԱՄԱՅՆՔԻ ՂԵԿԱՎԱՐ ԵՎ ԱՎԱԳԱՆՈՒ ԱՆԴԱՄ ԱՌԱՋԱԴՐՎԱԾ ԹԵԿՆԱԾՈՒՆԵՐԻ ՆԱԽԸՆՏՐԱԿԱՆ ՀԻՄՆԱԴՐԱՄՈՒՄ ԵՂԱԾ ՄԻՋՈՑՆԵՐԻ ՕԳՏԱԳՈՐԾՄԱՆ ՎԵՐԱԲԵՐՅԱԼ ՀԱՅՏԱՐԱՐԱԳՐԻ ՁԵՎԸ ԵՎ ԱՅՆ ՆԵՐԿԱՅԱՑՆԵԼՈՒ ԿԱՐԳԸ ՍԱՀՄԱՆԵԼՈՒ ՄԱՍԻՆ

Ղեկավարվելով Հայաստանի Հանրապետության ընտրական օրենսգրքի 25-րդ հոդվածի 11-րդ կետով ՀՀ կենտրոնական ընտրական հանձնաժողովը

ՈՐՈՇՈՒՄ Է.

1. Սահմանել համայնքի ղեկավար և ավագանու անդամ առաջադրված թեկնածուների նախընտրական հիմնադրամներում եղած միջոցների օգտագործման վերաբերյալ հայտարարագրի ձևը (Հավելված 1):

2. Համայնքի ղեկավար և ավագանու անդամ առաջադրված թեկնածուները ոչ ուշ, քան ընտրությունների ավարտից 15 օր հետո իրենց գրանցած ընտրատարածքային ընտրական հանձնաժողովներին են ներկայացնում իրենց նախընտրական հիմնադրամում եղած միջոցների օգտագործման վերաբերյալ հայտարարագիր՝ սույն որոշման թիվ 1 հավելվածի համաձայն, որին կից կարող են ներկայացնել նաև անհրաժեշտ պարզաբանումներ և բացատրություններ:

3. Ընտրատարածքային ընտրական հանձնաժողովը կազմակերպում է համայնքի ղեկավարի և ավագանու անդամի թեկնածուների ներկայացրած հայտարարագրերի ընդունումը և յուրաքանչյուր հայտարարագիր ստանալուց հետո՝ 3 օրվա ընթացքում դրանք ուղարկում է Կենտրոնական ընտրական հանձնաժողովի վերահսկիչ-վերստուգիչ ծառայություն:

4. Կենտրոնական ընտրական հանձնաժողովին առընթեր վերահսկիչ-վերստուգիչ ծառայությունը ներկայացված հայտարարագրերի ստուգված և ամփոփված տվյալները մեկ ամսվա ընթացքում ներկայացնում է Կենտրոնական ընտրական հանձնաժողովի քննարկմանը:

Հայաստանի Հանրապետության կենտրոնական ընտրական հանձնաժողովի նախագահ`

Ա. Սահրադյան

Հավելված ՀՀ ԿԸՀ-ի 2002 թ. սեպտեմբերի 11-ի թիվ 12/1-Ն որոշման

Հ Ա Յ Տ Ա Ր Ա Ր Ա Գ Ի Ր

Ձև

Նախընտրական հիմնադրամներում եղած միջոցների օգտագործման վերաբերյալ

Թիվ _______ ընտրատարածքի ______________ համայնքում

____________	թեկնածու գրանցված	___________	-ի նախընտրական հիմնադրամի	__________
համայնքի ղեկավար, ավագանու անդամ		անուն, հայրանուն, ազգանուն		հաշվեհամարը

(հազար դրամներով)

ՄՈՒՏՔԵՐ					ԾԱԽՍԵՐ
Հ/Հ	Մուծումներ կատարողների անվանումը և հասցեն	Ամիս, ամսաթիվ	Վճարման հանձնա- րարագրի համարը	Գու- մարը	Հ/Հ	Ծախսերի անվանումը (տեսակը և ուղղվածությունը)	Ամիս, ամսաթիվ	Վճարման հանձնա- րարագրի համարը	Գու- մարը
	Ընդամենը մուծումներ					Ընդամենը ծախսեր
						Մնացորդը առ

___________________	___________________
(թեկնածուի ա.ա.հ)	(ստորագրություն)
___________________	___________________
(թեկնածուի լիազոր ներկայացուցիչ ա.ա.հ)	(ստորագրություն)