ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԷՆԵՐԳԵՏԻԿԱՅԻ ՀԱՆՁՆԱԺՈՂՈՎ

Ո Ր Ո Շ ՈՒ Մ

10 մարտի 2000 թվականի N 6
քաղ. Երևան

ԷԼԵԿՏՐԱԷՆԵՐԳԻԱՅԻ ԱԶԳԱՅԻՆ ՑԱՆՑ ԷԼԵԿՏՐԱԿԱՆ ԷՆԵՐԳԻԱՅԻ ԱՌԱՔՄԱՆ 2000 ԹՎԱԿԱՆԻ ՔՎՈՏԱՆԵՐԻ ՍԱՀՄԱՆՄԱՆ ՄԱՍԻՆ

Ղեկավարվելով «էներգետիկայի մասին» Հայաստանի Հանրապետության օրենքի 20-րդ հոդվածով, հաշվի առնելով Հայաստանի Հանրապետությունում էլեկտրական էներգիայի 2000 թվականի կանխատեսվող սպառման քանակը և էներգետիկական պաշարների ծավալները, Հայաստանի Հանրապետության էներգետիկայի հանձնաժողովը որոշում է.

1. Հայաստանի Հանրապետության տարածքում էլեկտրաէներգիա արտադրող ընկերությունների համար սահմանել էլեկտրաէներգիայի ազգային ցանց առաքման 2000 թվականի հետևյալ քվոտաները.

__________________________________________________________________
N	Կազմակերպության անվանումը	Էլեկտրաէներգիայի առաքման 2000 թ. քվոտաները (մլն կՎտժ)
__________________________________________________________________
1	«ՀԱԷԿ» ՓԲԸ	1860.17
2	«Հրազդանի ՋԷԿ» ՊՓԲԸ	1690.26
3	«Երևանի ՋԷԿ» ՊՓԲԸ	417.17
4	«Սևան-Հրազդանյան կասկադ» ՊՓԲԸ	396.20
5	«Որոտանի ՀԷԿՀ» ՊՓԲԸ	855.00
6	«Հայէներգո» ՊՓԲԸ-ի Ձորա ՀԷԿ	89.00
7	«Լուսաղբյուր» ՍՊԸ-ի «Այրում ՀԷԿ»	9.45
8	«Ակադեմիկոս Ա. Լ. Մնջոյանի անվան Գյումրի ՀԷԿ» ՍՊԸ	7.71
9	«Երէներգո» ՓԲԸ-ի «Արենի ՀԷԿ», «Ազատեկ ՀԷԿ»	3.31
10	«Կապանի էնեղժի» ՓԲԸ-ի «Ողջի-2 ՀԷԿ», «Ողջի-3 ՀԷԿ»	23.37
11	«Հակոբջանյանի և Գալստյանի ՀԷԿ» ԼՏԸ (Շաքիի Հէկ)	2.72
12	«Նիկիտա Գրիգորյանի Մեղրի ՀԷԿ» ԱՁ	1.75
13	«Ագարակի ՀԷԿ» ՎՁԱԿ	1.73
14	«Գամմա-էներգո» ՓԲԸ (Արմավիրի ՀԷԿ)	4.39
15	«Մուշեղ ՀԷԿ» ԱԿ (Ջերմուկի ՀԷԿ)	1.57
16	«Իջևանի ՀԷԿ» ԲԲԸ	1.98
17	«Էներգիա» ՍՊԸ-ի (հարկային դասիչ` 00402047) «Երևանյան լճի մերձպատվարային ՀԷԿ»	2.70
18	«Էներգիա» ՍՊԸ (Կաթնաղբյուր-Երևան ջրատար)	1.00
19	Ընդամենը (քվոտավորված առաքում)	5369.48

2.Ընդունել ի գիտություն, որ.

2.1 Սահմանված քվոտաներին համապատասխան էլեկտրական էներգիայի արտադրության ռեժիմները կարգավորվում է «Հայէներգո» ՊՓԲԸ-ն:

2.2. Սույն որոշմամբ սահմանված էլեկտրաէներգիայի քվոտաներում ներառված չէ 2000 թվականին արտահանվող էլեկտրաէներգիան:

2.3. Սեփականաշնորհված փոքր ՀԷԿ-երի էլեկտրական էներգիայի փաստացի օգտակար առաքման ամբողջ քանակությունը ենթակա է պարտադիր գնման «Հայէներգո» ՊՓԲԸ-ի կողմից, պայմանով, որ սահմանված կարգով փոփոխություն կատարվի քվոտաներում և արտադրող ընկերությունների ու «Հայէներգո» ՊՓԲԸ-ի միջև կնքված պայմանագրերը գրանցվեն ՀՀ էներգետիկայի հանձնաժողովում:

2.4. Սույն որոշմամբ սահմանված քվոտաների փաստացի կատարման կիսամյակային արդյունքներից ելնելով` Հայաստանի Հանրապետության էներգետիկայի հանձնաժողովն անհրաժեշտության դեպքում համապատասխան ճշգրտումներ կկատարի տարեկան քվոտաներում և կքննարկի ներհամակարգային սակագների վերանայման անհրաժեշտությունը:

ՀՀ էներգետիկայի հանձնաժողովի նախագահ`

Վ. Մովսեսյան