«Գրանցված է»

ՀՀ արդարադատության

նախարարության կողմից

26 դեկտեմբերի 2002 թ.

Պետական գրանցման թիվ 60302401

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ

12 օգոստոսի 2002 թ. ք. Երևան

N 170-Ն

Ո Ր Ո Շ ՈՒ Մ

«ԺԱՄԱՆԱԿԱՎՈՐ ԱՆԱՇԽԱՏՈՒՆԱԿՈՒԹՅԱՆ, ԴԺԲԱԽՏ ՊԱՏԱՀԱՐՆԵՐԻ ԵՎ ՎՆԱՍՎԱԾՔՆԵՐԻ ՄԱՍԻՆ» ՁԵՎ ԹԻՎ 7-ԺԱՎ (ՏԱՐԵԿԱՆ) ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ՁԵՎԸ ԵՎ ԼՐԱՑՄԱՆ ՀՐԱՀԱՆԳԸ ՀԱՍՏԱՏԵԼՈՒ ՄԱՍԻՆ

Ղեկավարվելով «Պետական վիճակագրության մասին» ՀՀ օրենքի 10 հոդվածի երրորդ մասի ե) կետով՝ Հայաստանի Հանրապետության վիճակագրության պետական խորհուրդը որոշում է.

Հաստատել «Ժամանակավոր անաշխատունակության, դժբախտ պատահարների և վնասվածքների մասին» Ձև թիվ 7-ժավ (տարեկան) պետական վիճակագրական հաշվետվության ձևը և լրացման հրահանգը համաձայն թիվ 1 հավելվածի:

Նախագահ

Ս. Մնացականյան

Հավելված 1

Հաստատված է ՀՀ վիճակագրության պետական խորհրդի 12 օգոստոսի 2002 թ. թիվ 170-Ն որոշմամբ

Հ Ր Ա Հ Ա Ն Գ

«ԺԱՄԱՆԱԿԱՎՈՐ ԱՆԱՇԽԱՏՈՒՆԱԿՈՒԹՅԱՆ, ԴԺԲԱԽՏ ՊԱՏԱՀԱՐՆԵՐԻ ԵՎ ՎՆԱՍՎԱԾՔՆԵՐԻ ՄԱՍԻՆ» ՁԵՎ N 7-ԺԱՎ (ՏԱՐԵԿԱՆ) ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ԼՐԱՑՄԱՆ

1. ԸՆԴՀԱՆՈՒՐ ԴՐՈՒՅԹՆԵՐ

1. Հրահանգը սահմանում է «Ժամանակավոր անաշխատունակության, դժբախտ պատահարների և վնասվածքների մասին» ձև N 7-ժավ (տարեկան) պետական վիճակագրական հաշվետվության լրացման կարգը:

2. Հաշվետվությունը կազմում են իրավաբանական անձինք, հիմնարկները, անհատ ձեռնարկատերերը:

3. Հաշվետվության ներկայացվում է Հայաստանի Հանրապետության Ազգային վիճակագրական ծառայության մարզային գործակալություն` մինչև հունվարի 25-ը, որն ամփոփը` Հայաստանի Հանրապետության Ազգային վիճակագրական ծառայություն մինչև փետրվարի 15-ը:

4. Վիճակագրական տեղեկությունների ներկայացման հետ կապված խնդիրները կարգավորվում են Հայաստանի Հանրապետության օրենսդրությամբ:

2. ՀԱՇՎԵՏՎՈՒԹՅԱՆ ԼՐԱՑՄԱՆ ԿԱՐԳԸ

Բ Ա Ժ Ի Ն  1

ԱՇԽԱՏԱՆՔԱՅԻՆ ԳՈՐԾՈՒՆԵՈՒԹՅԱՆ ԸՆԹԱՑՔՈՒՄ ԴԺԲԱԽՏ ՊԱՏԱՀԱՐՆԵՐԻ ՔԱՆԱԿԸ ԵՎ ՏՈՒԺԱԾՆԵՐԻ ԹՎԱՔԱՆԱԿԸ

5. «Աշխատողների միջին ցուցակային թվաքանակը» տողում (101) բերվում է հաշվետվությունը կազմող իրավաբանական անձի, հիմնարկի կամ անհատ ձեռնարկատիրոջ մոտ աշխատողների միջին ցուցակային թվաքանակը, որից՝ 102-ից 104 տողերում առանձնացվում են կանանց և մինչև 18 տարեկանների թվաքանակները սեռային բաշխվածությամբ:

6. «Դժբախտ պատահարների քանակը» տողում (105) բերվում է աշխատանքային գործունեության ընթացքում տեղի ունեցած, ակտավորված դժբախտ պատահարների քանակը:

7. «Խմբակային դեպքերի քանակը, որոնց հետևանքով տուժել են 2 և ավելի մարդ» տողում (106) բերվում է այն դժբախտ դեպքերի քանակը, որոնք կրում են միայն խմբակային բնույթ:

8. «Աշխատունակությունը 1 և ավելի աշխատանքային օրով կորցրած տուժածների և մահացածների թվաքանակը, ընդամենը» տողում (107) բերվում է դժբախտ պատահարի հետևանքով տուժածների և մահացածների թվաքանակը, 108 տողում առանձնացնելով կանանց թվաքանակը:

9. Տող 107-ից առանձնացվում են մինչև 18 տարեկանների (տող 109), կանանց (տող 110) և հարբածների (տող 111) թվաքանակները:

10. «Մահացածներ» տողում (112) բերվում է աշխատանքային գործունեության ընթացքում դժբախտ պատահարի հետևանքով մահացածների ընդհանուր թվաքանակը, որից՝ 113 տողում առանձնացնելով կանանց թվաքանակը:

11. Տող 112-ից առանձնացվում են մինչև 18 տարեկանների (տող 114), կանանց (տող 115) և հարբածների (տող 116) թվաքանակները:

12. «Հաշմանդամության ելքով» տողում (117) բերվում է դժբախտ պատահարի հետևանքով հաշմանդամ դարձած մարդկանց թվաքանակը, որից՝ կանանց թվաքանակն առանձնացվում է տող 118-ում: Իսկ 119-130 տողերում առանձնացվում են I, II և III կարգերի հաշմանդամների և մինչև 18 տարեկանների թվաքանակները սեռային բաշխվածությամբ:

13. Աշխատունակությունը 1 և ավելի աշխատանքային օրով կորցրածների (ներառյալ մահացածները) անաշխատունակ մարդ-օրերի ընդհանուր քանակը, որոնց ժամանակավոր անաշխատունակությունն ավարտվել է հաշվետու տարում, բերվում է տող 131-ում, որից կանանց թվաքանակը` տող 132-ում: Ժամանակավոր անաշխատունակության պատճառով բացակա մարդ-օրերի թվի մեջ ներառվում են միայն աշխատած օրերը (առանց հանգստյան և տոնական օրերի) հիվանդության ժամանակաշրջանում՝ կապված արտադրական վնասվածքների հետ, որոնք ձևակերպված են անաշխատունակության թերթիկներով կամ տեղեկանքներով՝ տրված բժշկական հաստատություններից, աշխատանքի չներկայանալը՝ կապված կարանտինի կամ հիվանդի խնամքի հետ, կենցաղային վնասվածքի և աբորտի հետ` եթե նույնիսկ այդ օրերի համար չի ներկայացվել անաշխատունակության թերթիկ, անկախ նրանից վճարված են այդ օրերն ըստ անաշխատունակության թերթիկների, թե ոչ: Մարդ-օրերի քանակի մեջ ներառվում են նաև այն աշխատողների բացակա օրերը, որոնք հիվանդ են, հարբեցողությամբ և որոնք ձևակերպված են բժշկական հաստատություններից տրված տեղեկանքներով:

14. «Աշխատունակությունը մասամբ կորցրած 1 և ավելի աշխատանքային օրով հիմնական աշխատանքից այլ աշխատանքի փոխադրված տուժածների թվաքանակը» տողում (133) բերվում է տուժածների այն թվաքանակը, ովքեր ըստ արտոնագրված բժշկական վկայականի հիմնական աշխատանքից փոխադրվել են այլ աշխատանքի, որից՝ տող 134-ում առանձնացնելով կանանց թվաքանակը:

Բ Ա Ժ Ի Ն  2

ԱՇԽԱՏԱՆՔԻ ԳՆԱԼՈՒ ԿԱՄ ԱՇԽԱՏԱՆՔԻՑ ՏՈՒՆ ՎԵՐԱԴԱՌՆԱԼՈՒ ՃԱՆԱՊԱՐՀԻՆ ԴԺԲԱԽՏ ՊԱՏԱՀԱՐՆԵՐԻ ՔԱՆԱԿԸ ԵՎ ՏՈՒԺԱԾՆԵՐԻ ԹՎԱՔԱՆԱԿԸ

15. Աշխատանքի գնալու ճանապարհին դժբախտ պատահարների քանակը բերվում է տող 201-ում:

16. Աշխատանքի գնալու ճանապարհին դժբախտ պատահարների հետևանքով տուժած մարդկանց ընդհանուր թվաքանակը բերվում է տող 202-ում, որից՝ տող 203-ում առանձնացնելով կանանց թվաքանակը: 202 տողից առանձնացվում է մինչև 18 տարեկանների ընդհանուր թվաքանակը (տող 204), որից կանայք` տող 205-ում:

17. Աշխատանքից տուն վերադառնալու ճանապարհին դժբախտ պատահարների քանակը բերվում է տող 206-ում:

18. Աշխատանքից տուն վերադառնալու ճանապարհին դժբախտ պատահարների հետևանքով տուժած մարդկանց ընդհանուր թվաքանակը բերվում է տող 207-ում, որից կանայք` տող 208-ում: 206 տողից առանձնացվում է մինչև 18 տարեկանների ընդհանուր թվաքանակը (տող 209), որից կանայք` տող 210-ում:

Բ Ա Ժ Ի Ն  3

ԴԺԲԱԽՏ ՊԱՏԱՀԱՐՆԵՐԻ ՀԵՏ ԿԱՊՎԱԾ ԵՎ ԱՇԽԱՏԱՆՔԱՅԻՆ ՊԱՅՄԱՆՆԵՐԻ ԲԱՐԵԼԱՎՄԱՆՆ ՈՒՂՂՎԱԾ ԾԱԽՍԵՐԸ

19. Աշխատողների աշխատանքային պարտականությունների կատարման հետ կապված խեղման, մասնագիտական հիվանդության և առողջության վնասման հետևանքով պատճառված վնասի փոխհատուցման ընդհանուր ծախսերը, որը տրվում է տուժողին կամ տուժողի մահվան դեպքում դրա իրավունքն ունեցող անձանց, բերվում է տող 301-ում, որից առանձնացվում են ժամանակավոր անաշխատունակության նպաստները (տող 302), կորցրած աշխատավարձի փոխհատուցումը (տող 303), միանվագ նպաստները (տող 304) և բժշկական, սոցիալական և մասնագիտական վերականգնման համար ծախսերը (տող 305):

20. Շարքից դուրս եկած սարքավորումների, գործիքների, քանդված շենքերի, շինությունների արժեքը բերվում է տող 306-ում:

21. Դժբախտ պատահարներից տուժածների աշխատանքի չներկայանալու հետևանքով կրած վնասը բերվում է տող 307-ում:

22. Աշխատանքի պաշտպանության միջոցների վրա ծախսված ընդհանուր գումարը բերվում է տող 308-ում, որից առանձնացվում է հատուկ արտահագուստի համար ծախսված գումարը (տող 309) և անհատական պաշտպանության միջոցառումների վրա ծախսված գումարը (տող 310):

	ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅՈՒՆ
ՀՀ ԱԶԱԳՅԻՆ ՎԻՃԱԿԱԳՐԱԿԱՆ ԾԱՌԱՅՈՒԹՅՈՒՆ

Ներկայացվում է համաձայն «Պետական վիճակագրության մասին» ՀՀ  օրենքի, ՀՀ վիճակագրական պետական խորհրդի կողմից հաստատված «Պետական վիճակագրական աշխատանքների ծրագրի» և «Վիճակագրական տեղեկությունների ներկայացման» կարգի
Ում է ներկայացվում ____________________________ (անվանումը)	Տրամադրված տեղեկությունների գաղտնիության պահպանումը երաշխավորվում է օրենքով
Ով է ներկայացնում _____________________________ (անվանումը)   ՀՀ իրավաբ. անձանց պետռեգիստրում գրանցման համարը* /_/_/_/_/_/_/_/_/_/_/_/ Նույնականացման (իդենտիֆիկացիոն) կոդը * /_/_/_/_/_/_/_/_/ Մարզը _________________________ /_/_/ Գտնվելու վայրը ______________________________ Էլեկտրոնային փոստի հասցեն ______________________ * լրացվում է իրավաբանական անձանց ռեգիստրի կողմից տրված գրանցման վկայականից	Ձև N 7-ժավ տարեկան Հաստատված է՝ ՀՀ Վիճակագրության պետական խորհրդի 12 օգոստոսի 2002 թ. թիվ 170-Ն որոշմամբ Ներկայացվում է՝ ՀՀ Ազգային վիճակագրական ծառայության մարզային գործակալություն մինչև հունվարի 25-ը, որն ամփոփը` ՀՀ ազգային վիճակագրական ծառայություն` մինչև փետրվարի 15-ը: Ներկայացնում են՝ իրավաբանական անձինք, հիմնարկները, անհատ ձեռնարկատերերը
Պետական  վիճակագրական դիտարկումների համար անհրաժեշտ վիճակագրական տեղեկատվություն չներկայացնելը կամ սահմանված կարգի խախտումով (ոչ արժանահավատ տվյալներ, դրանց ոչ ամբողջական արտացոլում և աղավաղումներ) ներկայացնելը վիճակագրական տեղեկություններ տրամադրողների համար առաջացնում է պատասխանատվություն` ՀՀ օրենքով սահմանված կարգով:

Հ Ա Շ Վ Ե Տ Վ ՈՒ Թ Յ ՈՒ Ն

ԺԱՄԱՆԱԿԱՎՈՐ ԱՆԱՇԽԱՏՈՒՆԱԿՈՒԹՅԱՆ, ԴԺԲԱԽՏ ՊԱՏԱՀԱՐՆԵՐԻ ԵՎ ՎՆԱՍՎԱԾՔՆԵՐԻ ՄԱՍԻՆ

200…թ. համար

Բաժին 1. Աշխատանքային գործունեության ընթացքում դժբախտ պատահարների քանակը և տուժածների թվաքանակը

Տողի համարը			Ընդա- մենը
Ա	Բ		1
101	Աշխատողների միջին ցուցակային թվաքանակը, մարդ	ընդամենը
102		կանայք
103	նրանցից՝ մինչև 18 տարեկան, մարդ	ընդամենը
104		կանայք
105	Դժբախտ պատահարների քանակը
106	դրանցից, երբ միաժամանակ տուժել են 2 և ավելի մարդ
107	Աշխատունակությունը1 և ավելի աշխատանքային օրով կորցրած տուժածների և մահացածների թվաքանակը, մարդ	ընդամենը
108		կանայք
109	նրանցից՝ մինչև 18 տարեկան, մարդ	ընդամենը
110		կանայք
111	հարբած վիճակում
112	Տող 107–ից մահացածներ	ընդամենը
113		կանայք
114	նրանցից՝ մինչև 18 տարեկան, մարդ	ընդամենը
115		կանայք
116	հարբած վիճակում
117	Տող 107–ից` հաշմանդամության ելքով	ընդամենը
118		կանայք
119	նրանցից՝ I կարգ	ընդամենը
120		կանայք
121	մինչև 18 տարեկան, մարդ	ընդամենը
122		կանայք
123	II կարգ	ընդամենը
124		կանայք
125	մինչև 18 տարեկան, մարդ	ընդամենը
126		կանայք
127	II կարգ	ընդամենը
128		կանայք
129	մինչև 18 տարեկան, մարդ	ընդամենը
130		կանայք
131	Դժբախտ պատահարի հետևանքով աշխատունակությունը 1 և ավելի աշխատանքային օրով կորցրածների (ներառյալ մահացածները) անաշխատունակ մարդ-օրերի քանակը, որոնց ժամանակավոր անաշխատունակությունը ավարտվել է հաշվետու տարում, մարդ/օր	ընդամենը
132		կանայք
133	Դժբախտ պատահարի հետևանքով աշխատունակությունը մասամբ կորցրած 1 և ավելի աշխախատանքային օրով հիմնական աշխատանքից այլ աշխատանքի փոխադրված տուժածների թվաքանակը	ընդամենը
134		կանայք

Բաժին 2. Աշխատանքի գնալու կամ աշխատանքից տուն վերադառնալու ճանապարհին դժբախտ պատահարների քանակը և տուժածների թվաքանակը

Տողի համարը			Ընդամենը
Ա	Բ		1
201	Աշխատանքի գնալու ճանապարհին դժբախտ պատահարների քանակը
202	տուժածների թվաքանակը, մարդ	ընդամենը
203		կանայք
204	նրանցից՝ մինչև 18 տարեկան, մարդ	ընդամենը
205		կանայք
206	Աշխատանքից տուն վերադառնալու ճանապարհին դժբախտ պատահարների քանակը
207	տուժածների թվաքանակը, մարդ	ընդամենը
208		կանայք
209	նրանցից՝ մինչև 18 տարեկան, մարդ	ընդամենը
210		կանայք

Բաժին 3. Դժբախտ պատահարների հետ կապված և աշխատանքային պայմանների բարելավմանն ուղղված ծախսերը

Տողի համարը		Ընդամենը, հազ.դրամ
Ա	Բ	1
301	Աշխատողների աշխատանքային պարտականությունների կատարման հետ կապված խեղման, մասնագիտական հիվանդության և առողջության այլ վնասման հետևանքով պատճառված վնասի փոխհատուցման ծախսեր, որը տրվում է տուժողին կամ տուժողի մահվան դեպքում դրա իրավունքն ունեցող անձանց
302	որից՝ ժամանակավոր անաշխատունակության նպաստներ
303	կորցրած աշխատավարձի փոխհատուցում
304	միանվագ նպաստներ
305	ծախսեր բժշկական, սոցիալական և մասնագիտական վերականգման համար
306	Շարքից դուրս եկած սարքավորումների, գործիքների, քանդված շենքերի, շինությունների արժեքը
307	Դժբախտ պատահարներից տուժածների աշխատանքի չներկայանալու հետևանքով կրած վնասը
308	Աշխատանքի պաշտպանության միջոցների վրա ծախսված գումարը
309	այդ թվում՝ հատուկ արտահագուստի համար
310	անհատական պաշտպանության միջոցառումների վրա

	Ղեկավար
	Անուն, ազգանուն______________
Կատարող_________________	Պաշտոն____________________
Հեռ._____________	Ստորագրություն______________
___ ___________200__ թ.