«ԳՐԱՆՑՎԱԾ Է»

ՀՀ ԱՐԴԱՐԱԴԱՏՈՒԹՅԱՆ

ՆԱԽԱՐԱՐՈՒԹՅԱՆ ԿՈՂՄԻՑ

23 ՀՈՒԼԻՍԻ 2002 Թ.

ՊԵՏԱԿԱՆ ԳՐԱՆՑՄԱՆ ԹԻՎ 05002139

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ

11 հուլիսի 2002 թ. Երևան

N 236-Ն

Ո Ր Ո Շ ՈՒ Մ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՐԱԾՔՈՒՄ ԳՈՐԾՈՂ ԲԱՆԿԵՐԻՆ ԵՎ ՕՏԱՐԵՐԿՐՅԱ ԲԱՆԿԵՐԻ ՄԱՍՆԱՃՅՈՒՂԵՐԻՆ ՎՃԱՐԱՅԻՆ, ԶԵՂՉԱՅԻՆ ԵՎ ԿԱՆԽԱՎՃԱՐԱՅԻՆ ՔԱՐՏԵՐԻ ՎԱՃԱՌՔ ԻՐԱԿԱՆԱՑՆԵԼՈՒ ԹՈՒՅԼՏՎՈՒԹՅՈՒՆ ՏԱԼՈՒ ՄԱՍԻՆ

Հիմք ընդունելով «Բանկերի և բանկային գործունեության մասին» Հայաստանի Հանրապետության օրենքի 34-րդ հոդվածի 2-րդ կետը, ղեկավարվելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 20-րդ և «Իրավական ակտերի մասին» Հայաստանի Հանրապետության օրենքի 16-րդ հոդվածներով և հաշվի առնելով, որ բանկերի կողմից վճարային, զեղչային և կանխավճարային քարտերի վաճառքը սերտորեն կապված է բանկային գործունեության և օրենքով նախատեսված ֆինանսական գործառնությունների հետ, քննարկելով բանկերի դիմումները` Հայաստանի Հանրապետության կենտրոնական բանկի խորհուրդը

Որոշում է.

Սահմանել, որ Հայաստանի Հանրապետության տարածքում գործող բանկերը և օտարերկրյա բանկերի մասնաճյուղերը կարող են իրականացնել վճարային, զեղչային և կանխավճարային քարտերի վաճառք` նախապես այդ մասին տեղեկացնելով Հայաստանի Հանրապետության կենտրոնական բանկին` հաշվառում և վերահսկողություն իրականացնելու նպատակով:

ՀՀ կենտրոնական բանկի նախագահ`	Տ. Սարգսյան
2002 թ. հուլիսի 17 ք. Երևան