ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

4 օգոստոսի 1998 թվականի N 472

քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՁԵՌՆԱՐԿՈՒԹՅՈՒՆՆԵՐԻ ՊԵՏԱԿԱՆ ՌԵԳԻՍՏՐՈՒՄ ՁԵՌՆԱՐԿՈՒԹՅՈՒՆՆԵՐԻ ԵՎ ԱՆՀԱՏ ՁԵՌՆԵՐԵՑՆԵՐԻ ՊԵՏԱԿԱՆ ԳՐԱՆՑՄԱՆ ԺԱՄԿԵՏՆԵՐԸ ԿՐՃԱՏԵԼՈՒ ՄԻՋՈՑԱՌՈՒՄՆԵՐԻ ՄԱՍԻՆ

Հայաստանի Հանրապետության վիճակագրության, պետական ռեգիստրի և վերլուծության նախարարությանը`

ա) ձեռնարկել միջոցներ ձեռնարկությունների (դրանց առանձնացված ստորաբաժանումների), անհատ ձեռներեցների` սկզբնական և ընթացիկ պետական գրանցման աշխատանքները` դիմում տալու օրվանից 5-օրյա, իսկ Սյունիքի և Տավուշի մարզերի համար` 7-օրյա ժամկետներում իրականացնելու համար.

բ) ձեռնարկությունների (դրանց առանձնացված ստորաբաժանումների) վերաբերյալ Հայաստանի Հանրապետության օրենսդրությամբ սահմանված տեղեկությունները էլեկտրոնային գրանցամատյանում գրառել դրանց պետական գրանցումից հետո.

գ) Հայաստանի Հանրապետության ձեռնարկությունների պետական ռեգիստրի տեղեկություններից օգտվող անձանց տրամադրել տեղեկություններ միայն էլեկտրոնային գրանցում ստացած ձեռնարկությունների և անհատ ձեռներեցների վերաբերյալ.

դ) 15-օրյա ժամկետում Հայաստանի Հանրապետության արտոնագրային վարչության հետ համատեղ Հայաստանի Հանրապետության կառավարություն ներկայացնել առաջարկություն ֆիրմային անվանումների գրանցման ժամկետները կրճատելու վերաբերյալ:

Հայաստանի Հանրապետության վարչապետ

Ա. Դարբինյան