«Գրանցված է»

ՀՀ արդարադատության

նախարարության կողմից

4 հոկտեմբերի 2002 թ.

Պետական գրանցման թիվ 60302235

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ

12 օգոստոսի 2002 թ. ք. Երևան

N 180-Ն

Ո Ր Ո Շ ՈՒ Մ

«ՀԱՇՎԵՏՎՈՒԹՅՈՒՆ ՔԱՂԱՔԱՅԻՆ ՀՈՂԵՐԻ ԵՎ ԿԱՆԱՉԱՊԱՏ ՏԱՐԱԾՔՆԵՐԻ ՄԱՍԻՆ» ՁԵՎ ԹԻՎ 1-ԿԱՆԱՉ ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ՁԵՎԸ ԵՎ ԼՐԱՑՄԱՆ ՀՐԱՀԱՆԳԸ ՀԱՍՏԱՏԵԼՈՒ ՄԱՍԻՆ

Ղեկավարվելով «Պետական վիճակագրության մասին» ՀՀ օրենքի 10 հոդվածի երրորդ մասի ե) կետով` Հայաստանի Հանրապետության վիճակագրության պետական խորհուրդը որոշում է.

Հաստատել «Հաշվետվություն քաղաքային հողերի և կանաչապատ տարածքների մասին» Ձև թիվ 1-կանաչ պետական վիճակագրական հաշվետվության ձևը և լրացման հրահանգը համաձայն թիվ 1 հավելվածի:

Նախագահ

Ս. Մնացականյան

Հավելված 1   Հաստատված է ՀՀ վիճակագրության պետական խորհրդի 12 օգոստոսի 2002 թ. թիվ 180-Ն որոշմամբ

Հ Ր Ա Հ Ա Ն Գ

«ՔԱՂԱՔԱՅԻՆ ՀՈՂԵՐԻ ԵՎ ԿԱՆԱՉԱՊԱՏ ՏԱՐԱԾՔՆԵՐԻ ՄԱՍԻՆ» ՁԵՎ N 1-ԿԱՆԱՉ (ՏԱՐԵԿԱՆ) ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ԼՐԱՑՄԱՆ

1. ԸՆԴՀԱՆՈՒՐ ԴՐՈՒՅԹՆԵՐ

1. Հրահանգը սահմանում է «Քաղաքային հողերի և կանաչապատ տարածքների մասին» ձև N 1-կանաչ (տարեկան) պետական վիճակագրական հաշվետվության լրացման կարգը:

2. Հաշվետվությունը ներկայացնում են քաղաքապետարանները, որոնք այդ մասին նախապես տեղեկացվում են, Հայաստանի Հանրապետության Ազգային վիճակագրական ծառայության մարզային գործակալության տարածքային բաժին՝ մինչև փետրվարի 15-ը, որը՝ Հայաստանի Հանրապետության Ազգային վիճակագրական ծառայության մարզային գործակալություն՝ մինչև փետրվարի 25-ը, որը՝ Հայաստանի Հանրապետության Ազգային վիճակագրական ծառայություն մինչև մարտի 1-ը:

3. Վիճակագրական տեղեկությունների ներկայացման հետ կապված այլ խնդիրները կարգավորվում են Հայաստանի Հանրապետության օրենսդրությամբ:

2. ՀԱՇՎԵՏՎՈՒԹՅԱՆ ԼՐԱՑՄԱՆ ԿԱՐԳԸ

Բ ա ժ ի ն  1

Քաղաքային հողեր, կանաչապատ տարածքներ

4. «Քաղաքային հողերի ընդհանուր մակերեսը քաղաքի սահմանագծում տարեվերջին» տողում (101) բերվում է քաղաքի՝ հաստատված սահմանագծում առկա բոլոր հողային և ջրային տարածքները: Քաղաքի սահմանագիծ է համարվում այն սահմանը (գիծը), որը բաժանում է քաղաքի տարածքը շրջակա հողերից և այլ բնակավայրերից: Եթե հաշվետու ժամանակահատվածում տեղի է ունեցել քաղաքի տարածքի փոփոխություն, ապա այդ մասին հաշվետվությանը կից վավերացված գրությամբ բերվում է Հայաստանի Հանրապետության կառավարության համապատասխան որոշման համարը և ընդունման ամսաթիվը:

5. Քաղաքային հողերի ընդհանուր մակերեսից առանձնացվում են կառուցապատված հողամասերի (տող 102) և օգտահողերի (տող 103) մակերեսները:

6. Տող 102-ում հաշվառվում են՝

1) շենքերով և այլ կառույցներով կառուցապատված տարածքները,

2) ընդհանուր օգտագործման հողերը՝ բնակելի թաղամասերին կից տարածքները՝ զբաղեցված փողոցներով, հրապարակներով, գետափներով և այլն, հողային տարածքները, որոնք օգտագործվում են բնակչության հանգստի, զվարճանքների, հիգիենիկ ու մշակութային պահանջների համար (զբոսայգի, անտառապուրակներ, այգիներ, բացատներ, ծառուղիներ և այլն), ջրային տարածքները (բացի ձկնային տնտեսության ջրամբարներից), գերեզմանոցները,

3) հատուկ նշանակության հողերը՝ օտարացված հողաշերտերը (երկաթուղային գծեր, մայրուղիներ, օդանավակայաններ, ափամերձ կառուցվածքներով զբաղեցված տարածքներ և այլն), հողեր, որոնք ունեն պետական պաշտպանության կառույցներ (հրաձգարաններ, կրակակետեր, պաշտպանական ամրություններ, զորանոցներ և այլն), արգելոցները, արգելավայրերը և նմանատիպ հողերը:

7. Տող 103-ում բերվում է քաղաքի ոչ կառուցապատված մասերում գտնվող այգիների, դաշտերի, արոտավայրերի, մարգագետինների, առուների (ձորերի), ճահիճների և նմանատիպ այլ տարածքների մակերեսը, որը չի հաշվառվում նախորդ բաշխվածությունում:

8. «Բոլոր կանաչ զանգվածների և ծառատնկված վայրերի ընդհանուր մակերեսը քաղաքի սահմանագծում տարեվերջին» տողում (104) բերվում են տվյալներ տնկված կամ բնական անտառների, կանաչ և պահպանիչ տարածությունների, անտառպուրակների, համաքաղաքային մշակութային և հանգստի զբոսայգիների, մանկական զբոսայգիների, այգիների, ծառուղիների, բացատների, գերեզմանոցների և այլ հատուկ նշանակության կանաչ զանգվածների, ուսումնական հաստատությունների, առողջապահական հիմնարկների, նախադպրոցական հիմնարկների (մանկապարտեզներ, մսուր-մանկապարտեզներ), հասարակական շենքերի, սպորտային համալիրների, արդյունաբերական օբյեկտների և այլնի տարածքում գտնվող սահմանափակ օգտագործման տնկարկների, փողոցներին, հրապարակներին, գետափնյա փողոցներին կից տնկարկների, ծաղկանոցների ու մարգերի մասին:

9. Այդ տարածքներից առանձնացվում են հասարակական օգտագործման կանաչ զանգվածների և ծառատնկված վայրերի մակերեսը (տող 105), որն իր մեջ ներառում է կուլտուրայի և հանգստի, մանկական, բուսաբանական, կենդանաբանական և այլ այգիներն ու պուրակները (տող 106), անտառները, պաշտպանական գոտիները (տող 107), մարզադաշտերը և այլ կանաչ տարածքները (տող 108):

10. Փողոցներին կից ծառատնկված շերտերի ընդհանուր երկարությունը բերվում է տող 109-ում:

Բ ա ժ ի ն  2

Ֆինանսական ընդհանրացված ցուցանիշներ

11. Բաժնում բերվող՝ ֆինանսական մուտքերի և ծախսերի վերաբերյալ տվյալները լրացվում են հաշվապահական հաշվառման փաստաթղթերի համապատասխան տողերի հիման վրա:

12. 201 տողում բերվում է բոլոր տեսակի ֆինանսական մուտքերը, որից առանձնացվում է բյուջեից մուտքերը (տող 202), մուտքեր նվիրատվությունից (տող 203) և այլ մուտքեր (տող 204):

13. Ընդհանուր ծախսերից (տող 205) առանձնացվում են.

1) նյութական ծախսերը (տող 206), ինչը ներառում է ընթացիկ նորոգման աշխատանքների և ծախսված նյութերի արժեքը, տեխնիկայի անվտանգության և աշխատանքի պահպանության ծախսերը, արտահագուստի, փոքրարժեք և արագամաշ գույքի մաշվածությունը, վառելիքի, էլեկտրաէներգիայի և այլ նմանատիպ ծախսերը:

2) ոչ նյութական ծառայությունների վճարումները տողում (207) ներառվում են՝ աշխատողների մասնագիտական պատրաստմանն ուղղված վճարումները, շենքերի, մեքենաների և սարքավորումների վարձակալական վճարումները, գիտահետազոտական և փորձարարական աշխատանքների, ֆինանսական, իրավաբանական, պահակային և հակահրդեհային ծառայությունների վճարումները, ներկայացուցչական, գովազդային, լիցենզավորման և սերտիֆիկացման ծախսերը և այլն:

3) գործուղման ծախսերի տողում (208) տողում բերվում են հաստիքացուցակում ընդգրկված աշխատողների աշխատանքի մշտական վայրից դուրս որոշակի ժամկետով այլ վայրում հանձնարարություն կատարելու համար տրվող վճարները:

4) աշխատանքի վարձատրության և դրան հավասարեցված այլ վճարումները տողում (209) բերվում է ինչպես հիմնական, այնպես էլ պայմանագրային աշխատողների կողմից փաստացի կատարված աշխատանքների դիմաց հաշվարկված աշխատավարձը, ներառյալ խթանող և փոխհատուցող վճարները: Խթանող վճարներ են համարվում, մասնավորապես, արտադրական ցուցանիշների, տարվա աշխատանքի արդյունքների համար պարգևատրումները, մասնագիտական վարձատրության համար տրվող հավելումները, երկարամյա ծառայության համար աշխատողներին տրվող միանվագ պարգևատրումները: Փոխհատուցող վճարներ (կապված աշխատանքային ռեժիմի և պայմանների հետ) են համարվում գիշերային աշխատանքի, արտաժամյա աշխատանքի, հանգստյան և տոն (ոչ աշխատանքային) օրերին, բազմահերթ ռեժիմով աշխատանքի, մասնագիտությունների համատեղման, սպասարկման գոտիների ընդլայնման, Հայաստանի Հանրապետության օրենսդրությամբ սահմանված կարգով ծանր, վնասակար և խիստ վնասակար համարվող աշխատանքի պայմաններում աշխատանքի համար աշխատավարձի նկատմամբ սահմանված հավելավճարներն ու լրավճարները: Աշխատանքի վարձատրության և դրան հավասարեցված այլ վճարումների մեջ են ներառվում նաև հերթական (ամենամյա) և լրացուցիչ արձակուրդների վարձատրությունները (չօգտագործված արձակուրդի համար փոխհատուցումը) և աշխատողների աշխատանքի վարձատրությանն ուղղված այլ վճարումները:

5) աշխատանքի վարձատրությանն ուղղվող միջոցներից զբաղվածության, կենսաթոշակային, պարտադիր սոցիալական ապահովագրության համար կատարված վճարները բերվում են 210 տողում:

6) 211 տողում բերվում են կազմակերպությունների կողմից կատարված շենքերի և շինությունների, ինչպես նաև մեքենաների և սարքավորումների ձեռք բերման և վերանորոգման ծախսերը:

7) այլ ծախսեր տողում (212) բերվում են վերը նշված տողերում չընդգրկված և ընթացիկ գործունեության հետ կապված այլ ծախսերը:

14. «Աշխատողների միջին ցուցակային թվաքանակը» (տող 213), տարվա համար որոշվում է հաշվետու տարվա բոլոր ամիսների աշխատողների միջին ամսական թվաքանակների գումարը ամիսների թվի (12-ի) վրա բաժանելով: Աշխատողների ցուցակային թվաքանակը միջին հաշվով ամսվա համար հաշվարկվում է հաշվետու ամսվա յուրաքանչյուր օրացուցային օրվա (ամսվա 1-ից մինչև 30 կամ 31, փետրվարի համար 28 կամ 29-ը) ցուցակային կազմի աշխատողների թվաքանակի հանրագումարը (ներառյալ տոն /ոչ աշխատանքային/ և հանգստյան օրերը), հաշվետու ամսվա օրացուցային օրերի թվի վրա բաժանելու միջոցով: Աշխատողների ցուցակային թվաքանակը հանգստյան կամ տոն (ոչ աշխատանքային) օրերի համար ընդունվում է նախորդ աշխատանքային օրվա ցուցակային թվաքանակին հավասար: Եթե աշխատողների ցուցակային թվաքանակի ամենօրյա հաշվառում չի տարվում, աշխատողների ցուցակային թվաքանակը միջին հաշվով հաշվետու ամսվա համար հաշվարկվում է նախորդ ամսվա վերջի և հաշվետու ամսվա վերջի ցուցակային կազմի աշխատողների թվաքանակների գումարը 2-ի վրա բաժանելու միջոցով:

ՀՀ ԱԶԳԱՅԻՆ ՎԻՃԱԿԱԳՐԱԿԱՆ ԾԱՌԱՅՈՒԹՅՈՒՆ

ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅՈՒՆ

Ներկայացվում է համաձայն՝ «Պետական վիճակագրության մասին» ՀՀ օրենքի, սահմանված կարգով հաստատված «Պետական վիճակագրական աշխատանքների ծրագրի» և «Վիճակագրական  տեղեկությունների ներկայացման» կարգի   Ում է ներկայացվում ___________________________________________________ (անվանումը)   Ով է ներկայացնում ___________________________________________________ (անվանումը)   ՀՀ իրավաբ. անձանց պետռեգիստրում գրանցման համարը *      I I I I I I I I I I I I   Նույնականացման (իդենտիֆիկացիոն) կոդը *                               I I I I I I I I I   Մարզը ________________________________________  I   I   I   Քաղաքը ________________________________________     Գտնվելու վայրը __________________________________   Էլեկտրոնային փոստի հասցեն _______________________________     * լրացվում է իրավաբանական անձանց ռեգիստրի կողմից տրված գրանցման վկայականից Տրամադրված տեղեկությունների գաղտնիության պահպանումը երաշխավորվում է օրենքով                        Ձև N 1-կանաչ   տարեկան   Հաստատված է՝ ՀՀ վիճակագրության պետական խորհրդի 12 օգոստոսի 2002 թ. թիվ 180-Ն որոշմամբ  Ներկայացվում է՝ ՀՀ Ազգային վիճակագրական ծառայության (ՀՀ ԱՎԾ) մարզային գործակալության տարածքային բաժին՝ մինչև փետրվարի 15-ը, որը՝ ՀՀ ԱՎԾ մարզային գործակալություն՝ մինչև փետրվարի 25-ը, որը ՀՀ ԱՎԾ՝ մինչև մարտի 1-ը   Ներկայացնում են՝ Քաղաքապետարանները Պետական վիճակագրական դիտարկումների համար անհրաժեշտ վիճակագրական տեղեկատվություն չներկայացնելը կամ սահմանված կարգի խախտումով (ոչ արժանահավատ տվյալներ, դրանց ոչ ամբողջական արտացոլում և աղավաղումներ) ներկայացնելը վիճակագրական տեղեկություններ տրամադրողների համար առաջացնում է պատասխանատվություն՝ ՀՀ օրենքով սահմանված կարգով։

Հ Ա Շ Վ Ե Տ Վ ՈՒ Թ Յ ՈՒ Ն

ՔԱՂԱՔԱՅԻՆ ՀՈՂԵՐԻ ԵՎ ԿԱՆԱՉԱՊԱՏ ՏԱՐԱԾՔՆԵՐԻ ՄԱՍԻՆ

200…թ. համար

Բաժին 1. Քաղաքային հողեր, կանաչապատ տարածքներ

(հեկտար)

Տողի համարը		Ընդամենը
Ա	Բ	1
101	Քաղաքային հողերի ընդհանուր մակերեսը քաղաքի սահմանագծում տարեվերջին, ընդամենը
102	այդ թվում՝ կառուցապատված
103	քաղաքային օգտահողեր
104	Բոլոր կանաչ զանգվածների և ծառատնկված վայրերի ընդհանուր մակերեսը քաղաքի սահմանագծում, տարեվերջին
105	այդ թվում՝ հասարակական օգտագործման կանաչ զանգվածներ և ծառատնկված վայրեր
106	որից՝ կուլտուրայի և հանգստի, մանկական, բուսաբանական, կենդանաբանական և այլ այգիներ ու պուրակներ
107	անտառներ և պաշտպանական գոտիներ
108	մարզադաշտեր
109	Փողոցներին կից ծառատնկված շերտերի ընդհանուր երկարությունը /ըստ փողոցների առանցքի/, կմ

Բաժին 2. Ֆինանսական ընդհանրացված ցուցանիշներ

(հազ. դրամ)

Տողի համարը		Ընդամենը
Ա	Բ	1
201	Մուտքեր, ընդամենը
202	այդ թվում՝ բյուջեից
203	նվիրատվությունից
204	այլ մուտքեր
205	Ծախսեր, ընդամենը
206	այդ թվում՝ նյութական ծախսեր
207	ոչ նյութական ծառայությունների վճարումներ
208	գործուղման ծախսեր
209	աշխատավարձ և դրան հավասարեցված վճարումներ
210	պարտադիր սոցիալական ապահովագրական վճարներ
211	հիմնավերանորոգման, սարքավորումների և գույքի ձեռք բերման ծախսեր
212	այլ ծախսեր
213	Աշխատողների միջին ցուցակային թվաքանակը, մարդ

		Ղեկավար՝
Կատարող ________________		Անուն, ազգանուն_____________
Հեռ.____________________		Պաշտոն ___________________
___ _______________ 200 թ.		Ստորագրություն _____________