«Գրանցված է»
ՀՀ արդարադատության
նախարարության կողմից
17 դեկտեմբերի 2002 թ.
Պետական գրանցման թիվ 60302368

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ

9 օգոստոսի 2002 թ. ք. Երևան

N 128-Ն

Ո Ր Ո Շ ՈՒ Մ

«ԳՅՈՒՂԱՏՆՏԵՍԱԿԱՆ ՄԹԵՐՔԻ ԻՐԱՑՈՒՄԸ» ԹԻՎ 3 (ՏԱՐԵԿԱՆ) ԸՆՏՐԱՆՔԱՅԻՆ ՀԵՏԱԶՈՏՈՒԹՅԱՆ ՀԱՐՑԱԹԵՐԹԸ ԵՎ ԼՐԱՑՄԱՆ ՀՐԱՀԱՆԳԸ ՀԱՍՏԱՏԵԼՈՒ ՄԱՍԻՆ

Ղեկավարվելով «Պետական վիճակագրության մասին» ՀՀ օրենքի 10 հոդվածի երրորդ մասի ե) կետով` Հայաստանի Հանրապետության վիճակագրության պետական խորհուրդը որոշում է.

Հաստատել «Գյուղատնտեսական մթերքի իրացումը»` թիվ 3 (տարեկան) ընտրանքային հետազոտության հարցաթերթը և լրացման հրահանգը համաձայն թիվ 1 հավելվածի:

Նախագահ

Ս. Մնացականյան

Հավելված 1 Հաստատված է ՀՀ Վիճակագրության պետական խորհրդի 9 օգոստոսի 2002 թ. թիվ 128-Ն որոշմամբ

Հ Ր Ա Հ Ա Ն Գ

«ԳՅՈՒՂԱՏՆՏԵՍԱԿԱՆ ՄԹԵՐՔԻ ԻՐԱՑՈՒՄԸ»` ԹԻՎ 3 (ՏԱՐԵԿԱՆ) ԸՆՏՐԱՆՔԱՅԻՆ ՀԵՏԱԶՈՏՈՒԹՅԱՆ ՀԱՐՑԱԹԵՐԹԻ ԼՐԱՑՄԱՆ

1. ԸՆԴՀԱՆՈՒՐ ԴՐՈՒՅԹՆԵՐ

1. «Գյուղատնտեսական մթերքի իրացումը»` թիվ 3 (տարեկան) ընտրանքային հետազոտման հարցաթերթի լրացման կարգը:

2. Հարցաթերթը լրացվում է վիճակագիրների կողմից, ընտրանքային դիտարկմամբ ընդգրկված գյուղացիական տնտեսություններում, որոնք այդ մասին նախապես տեղեկացվում են և վիճակագրության մարզային վարչության տարածքային բաժանմունքին է ներկայացվում հաշվետվության ձևի վրա նշված ժամկետներին և պարբերականությամբ:

3. Հարցաթերթի ցուցանիշները լրացվում են աճողական կարգով, տարվա սկզբից:

4. Վիճակագրական տեղեկությունների ներկայացման հետ կապված խնդիրները կարգավորվում են Հայաստանի Հանրապետության օրենսդրությամբ:

2. ԼՐԱՑՄԱՆ ԿԱՐԳԸ

5. Հարցաթերթի «Մնացորդը նախորդ տարվանից, ցենտներ»` թիվ 1 սյունակում լրացվում են նախորդ տարում գյուղացիական տնտեսությունում արտադրված գյուղատնտեսական մթերքի մնացորդային ծավալները:

6. «Արտադրվել է ընթացիկ տարում, ցենտներ»` թիվ 2 սյունակը լրացվում է ելնելով «Բուսաբուծական մթերքի արտադրությունը»` թիվ 1 և «Անասնապահության դրության մասին»` թիվ 2 հարցաթերթերի թիվ 2 սյունակների համապատասխան տվյալներից:

7. «Միս, սպանդային քաշով»` թիվ 9-14 տողերով անասունների սպանդային քաշը հաշվարկելու համար (եթե մորթելուց հետո միսը չի կշռվել) անհրաժեշտ է ղեկավարվել հետևյալ նորմաներով.

8. Եթե հայտնի է մորթված անասունի միայն կենդանի քաշը, ապա այն սպանդային քաշի կարելի է վերածել օգտագործելով հետևյալ նորմաները. խոշոր եղջերավոր անասունների կենդանի քաշից մսի ելքը կազմում է` 55 %, խոզերինը` 65 %, ոչխարներինը` 47 %, թռչուններինը` 71 % և ճագարներինը` 50 %: Ենթադրենք, տնտեսությունում մորթված խոշոր եղջերավոր անասունի կենդանի քաշը կազմել է 200 կգ: Սպանդային քաշը կկազմի` 200x55:100=110 կգ:

9. Հարցաթերթի «Վաճառվել է` պետությանը և այլ սպառողների» թիվ 3, 4, 5 և 6 սյունակներում, բոլոր տողերով, լրացվում են անմիջապես տնտեսությունում, շուկայում, ճանապարհներին և այլուր, պետական կազմակերպություններին, մասնավոր ֆիրմաներին և անհատներին, կանխիկ դրամով կամ փոխանցումով, վաճառված համապատասխան գյուղատնտեսական մթերքի ծավալները և դրանց արժեքները:

10. «Տրվել է ապրանքափոխանակման դիմաց»` թիվ 7 սյունակում լրացվում են նյութական ռեսուրսների (վառելանյութեր, պարարտանյութեր և այլն), արդյունաբերական ապրանքների ձեռք բերման դիմաց տրված, տնտեսությունում արտադրված առանձին գյուղմթերքների ծավալները (այստեղ անհրաժեշտ է ներառել նաև ապրանքափոխանակման միջոցով այլ գյուղմթերքների ձեռքբերումը):

11. «Օգտագործվել է տնտեսությունում» թիվ 8 սյունակում լրացվում է տնտեսությունում օգտագործված, ինչպես նաև հարազատներին, ծանոթներին, ընկերներին, հարևաններին և այլոց օգնության կարգով տրված, բարեգործական նպատակներով օգտագործված մթերքի և հումքի քանակությունը:

12. «Այդ թվում` վերամշակվել է, ցենտներ»` թիվ 9 սյունակում լրացվում են տնտեսությունում արտադրված գյուղմթերքի վերամշակման համար (ցորենից` ալյուր, պտուղներից և խաղողից` գինի և օղի, բանջարեղենից` պահածոներ, մսից` երշիկեղեն և այլն, կաթից` պանիր, կարագ և այլն) օգտագործված ծավալները: Ընդ որում, այս սյունակում ցույց է տրվում գյուղմթերքների սկզբնական (մինչև վերամշակումը) քաշը:

13. «Տրվել է բնամթերքով` վարձու աշխատանքի և այլ ծառայությունների դիմաց, ցենտներ»` թիվ 10 սյունակում լրացվում են բոլոր տեսակի ծառայությունների դիմաց տնտեսությունում արտադրված մթերքով վճարված ծավալները: Եթե վճարումը կատարվել է վերամշակումից ստացված մթերքով, ապա այստեղ նույնպես անհրաժեշտ է ցույց տալ մթերքի սկզբնական (մինչև վերամշակումը) քաշը:

14. «Մնացորդը տնտեսությունում»` թիվ 11 սյունակում լրացվում են տնտեսությունում արտադրված գյուղմթերքից, տարվա վերջին, տնտեսության մնացորդային ծավալներն ըստ առանձին գյուղմթերքի (վերամշակվածի դեպքում` սկզբնական քաշով):

15. Եթե տնտեսությունում արտադրվել են այնպիսի գյուղատնտեսական մթերք և հումք, որոնք նշված չեն հարցաթերթի թիվ 1-18 տողերում, ապա անհրաժեշտ է թիվ 19-21 տողերի «Մթերքի անվանումը» սյունակում ձեռքով գրել մթերքի (հումքի) անվանումը և լրացնել մյուս սյունակները:

Հարցաթերթ թիվ 3

տարեկան

Հաստատված է ՀՀ վիճակագրության պետական խորհրդի 9 օգոստոսի 2002 թ. թիվ 128-Ն որոշմամբ

Մարզ______________________ Տնտեսության ծածկագիրը _________________       Ներկայացվում է` վիճակագիրների կողմից հունվարի 17-ին

Գյուղական համայնք____________________  Ուսումնասիրված տնտեսությունների քանակը____

    ԳՅՈՒՂԱՏՆՏԵՍԱԿԱՆ ՄԹԵՐՔԻ ԻՐԱՑՈՒՄԸ 200 __ Թ.

Վիճակագիր`_________________________ անուն, ազգանուն, ստորագրություն

____ __________________ 200 թ.

Տողի N	Մթերքի անվանումը	Մնացորդը նախորդ տարվանից, ցենտ.	Արտադրվել է ընթացիկ տարում, ընդամենը, ցենտ.	Վաճառվել է`				Տրվել է ապրանքա- փոխանակ- ման դիմաց, ցենտ.	Օգտագործ- վել է տնտե- սությունում ցենտ.	այդ թվում` վերամշակ- վել է, ցենտ.	Տրվել է բնամթեր- քով` վարձու աշխատանքի և այլ ծառայու- թյունների դիմաց, ցենտ	Մնացոր- դը տնտե- սությու- նում, ցենտ.
				պետությանը		այլ սպառողների
				ցենտ- ներ	գումարը, դրամը	ցենտ- ներ	գումարը, դրամը
Ա	Բ	1	2	3	4	5	6	7	8	9	10	11
1	Հացահատիկ
2	Ծխախոտ
3	Խորդենի
4	Կարտոֆիլ
5	Պտուղ
6	Խաղող
7	Բանջարեղեն
8	Բոստան (ձմերուկ, սեխ)
9	Միս (սպանդային քաշով)
10	այդ թվում` տավարի
11	ոչխարի և այծի
12	խոզի
13	թռչունի
14	ճագարի
15	Կաթ և կաթնամթերք (վերածած կաթի)
16	Ձու (հատ)
17	Բուրդ (կգ)
18	Այլ մթերքներ (նշել)
19
20