ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

27 օգոստոսի 1996 թվականի N 488

քաղ. Երևան

ՁԵՌՆԱՐԿՈՒԹՅՈՒՆՆԵՐՈՒՄ, ՀԻՄՆԱՐԿՆԵՐՈՒՄ ԵՎ ԿԱԶՄԱԿԵՐՊՈՒԹՅՈՒՆՆԵՐՈՒՄ ԱՇԽԱՏԱՆՔԻ ՎԱՐՁԱՏՐՈՒԹՅԱՆ ԿԱՐԳԱՊԱՀՈՒԹՅԱՆ ԽԱԽՏՄԱՆ ՊԱՏՃԱՌՆԵՐՆ ՈՒՍՈՒՄՆԱՍԻՐԵԼՈՒ ՆՊԱՏԱԿՈՎ ՀԱՆՁՆԱԺՈՂՈՎ ՍՏԵՂԾԵԼՈՒ ՄԱՍԻՆ

Ի կատարումն Հայաստանի Հանրապետության կառավարության և Հայաստանի արհեստակցական միությունների կոնֆեդերացիայի միջև 1996 թվականի հուլիսի 22-ին կնքված համաձայնագրի 8 հոդվածի`

1. Ձեռնարկություններում, հիմնարկներում և կազմակերպություններում աշխատանքի վարձատրության կարգապահության խախտման պատճառներն ուսումնասիրելու նպատակով ստեղծել հանձնաժողով հետևյալ կազմով`

Լ. Բարխուդարյան	- ՀՀ ֆինանսների նախարար (հանձնաժողովի համանախագահ)
Մ. Հարությունյան	- ՀԱՄԿ-ի նախագահ (հանձնաժողովի համանախագահ)
Վ. Ավանեսյան	- ՀՀ էկոնոմիկայի նախարար
Ռ. Բագոյան	- ՀՀ սոցիալական ապահովության, զբաղվածության, բնակչության տեղաշարժի և փախստականների հարցերի նախարար
Է. Բաղդասարյան	- Հայաստանի քիմիական արդյունաբերության ճյուղերի աշխատողների արհմիության հանրապետական խորհրդի նախագահ
Ժ. Թորոսյան	- Հայաստանի մշակույթի աշխատողների արհմիության հանրապետական խորհրդի նախագահ
Ռ. Միրզոյան	- Հայաստանի թեթև արդյունաբերության աշխատողների արհմիության կենտրոնական կոմիտեի նախագահ
Պ. Սաֆարյան	- ՀՀ հարկային տեսչության պետ

2. Հանձնաժողովին` ձեռնարկություններում, հիմնարկներում և կազմակերպություններում աշխատանքի վարձատրության կարգապահության խախտումների ուսումնասիրման ու դրանց պատճառների հայտնաբերման նպատակով`

ա) 5-օրյա ժամկետում ստեղծել համապատասխան աշխատանքային խմբեր.

բ) 1996 թվականի հոկտեմբերին կատարած աշխատանքների արդյունքների մասին Հայաստանի Հանրապետության կառավարություն ներկայացնել ամփոփ զեկուցագիր:

Հայաստանի Հանրապետության վարչապետ

Հ. ԲԱԳՐԱՏյան