ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

25 սեպտեմբերի 1996 թվականի N 534

քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ՓՈՐՁԱԳԻՏԱԿԱՆ ԿԵՆՏՐՈՆ ԿԱԶՄԱԿԵՐՊԵԼՈՒ ՄԱՍԻՆ

Դատական փորձաքննությունների բնագավառում Հայաստանի Հանրապետությունում գործող մեթոդիկաների մշակման, համակարգման, մեթոդաբանական միասնականության ապահովման նպատակով`

1. Հայաստանի Հանրապետության արդարադատության նախարարության փորձաքննությունների գիտահետազոտական լաբորատորիան վերակառուցել Հայաստանի Հանրապետության արդարադատության նախարարության փորձագիտական կենտրոնի:

2. Հայաստանի Հանրապետության արդարադատության նախարարության փորձագիտական կենտրոնի պահպանման ծախսերը կատարել հանրապետական բյուջեի միջոցների հաշվին:

3. Հայաստանի Հանրապետության արդարադատության նախարարությանը` մեկամսյա ժամկետում Հայաստանի Հանրապետության վարչապետի հաստատմանը ներկայացնել Հայաստանի Հանրապետության արդարադատության նախարարության փորձագիտական կենտրոնի կանոնադրությունը:

4. Երևանի քաղաքապետին` մեկամսյա ժամկետում Հայաստանի Հանրապետության արդարադատության նախարարության փորձագիտական կենտրոնին հատկացնել համապատասխան տարածք:

5. Հայաստանի Հանրապետության ֆինանսների նախարարությանը` Հայաստանի Հանրապետության արդարադատության նախարարության հայտի հիման վրա Հայաստանի Հանրապետության կառավարություն առաջարկություն ներկայացնել Հայաստանի Հանրապետության արդարադատության նախարարության փորձագիտական կենտրոնի նյութատեխնիկական բազայի բարելավման վերաբերյալ:

Հայաստանի Հանրապետության վարչապետ

Հ. ԲԱԳՐԱՏյան