ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

1 մայիսի 1998 թվականի N 219
քաղ. Երևան

ԲՆԱԿԵԼԻ ՇԻՆՈՒԹՅՈՒՆՆԵՐՈՒՄ ՀԱՇՎԱՌՎԱԾ ԱՆՁԱՆՑ ՎԵՐԱԲԵՐՅԱԼ ՏԵՂԵԿՈՒԹՅՈՒՆՆԵՐԸ ԳՈՒՅՔԱՀԱՐԿԻ ՀԱՇՎԱՐԿՄԱՆ ՆՊԱՏԱԿՈՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՐԿԱՅԻՆ ՏԵՍՉՈՒԹՅԱՆ ՄԱՐՄԻՆՆԵՐԻՆ ՀԱՂՈՐԴԵԼՈՒ ՄԱՍԻՆ

«Գույքահարկի մասին» Հայաստանի Հանրապետության օրենքի 19 և 27 հոդվածներին համապատասխան` քաղաքացիներին սեփականության իրավունքով պատկանող գույքահարկով հարկման ենթակա բնակելի շինությունների մասով 1997-1998 թվականների գույքահարկը հաշվարկելու համար Հայաստանի Հանրապետության հարկային տեսչության մարմիններին անհրաժեշտ տեղեկություններով ապահովելու նպատակով`

1. Առաջարկել Հայաստանի Հանրապետության համայնքների ղեկավարներին 20-օրյա ժամկետում տվյալ համայնքի տարածքն սպասարկող Հայաստանի Հանրապետության հարկային տեսչության տարածքային մարմիններին (Երևան քաղաքում` Հայաստանի Հանրապետության հարկային տեսչություն) հաղորդել բնակելի շինություններում հաշվառված անձանց վերաբերյալ տեղեկություններ` համաձայն հավելվածի:

2. Հայաստանի Հանրապետության ներքին գործերի և ազգային անվտանգության նախարարությանը` նշված տեղեկությունների կազմման ժամանակ անհրաժեշտ աջակցություն ցուցաբերել համայնքների ղեկավարներին:

Հայաստանի Հանրապետության վարչապետ

Ա. Դարբինյան

Հավելված  ՀՀ վարչապետի 1998 թ. մայիսի 1-ի N 219 որոշման

Տ Ե Ղ Ե Կ ՈՒ Թ Յ ՈՒ Ն Ն Ե Ր

Հայաստանի Հանրապետության _______________ մարզի ________ համայնքի տարածքի բնակելի շինություններում հաշվառված անձանց վերաբերյալ¹

NN ը/կ	Բնակելի շինության հասցեն2	1997 թ. հուլիսի 1-ի դրությամբ			Բնակելի շինության սեփականատերը` տեղեկությունների լրացման օրը (անունը, ազգանունը, հայրանունը)3	Հաշվառված անձանց թիվը` սեփականության իրավունքի ձեռքբերման ամսվան անմիջականորեն հաջորդող ամսվա 1-ի դրությամբ3
		բնակելի շինության սեփականատիրոջ կամ վարձակալի անունը, ազգանունը, հայրանունը		հաշվառված անձանց թիվը
1	2	3		4	5	6

ՀԱՄԱՅՆՔԻ ՂԵԿԱՎԱՐ
	_____________________		__________________________
	(ստորագրությունը)		(անունը, ազգանունը)

Կ.Տ. 

________

¹ Տեղեկությունները ներկայացվում են կանոնակարգված`

² Սյունակը լրացվում է տարածքի բոլոր (սեփական, հանրային և պետական) բնակարանների համար:

³  Սյունակը լրացվում է միայն այն դեպքում, երբ 1997 թվականի հուլիսի 1-ից հետո փոխվել է սեփականատերը (առք ու վաճառք, ժառանգություն, նվիրատվություն և այլն):

Հայաստանի Հանրապետության կառավարության աշխատակազմի ղեկավար, օպերատիվ հարցերի նախարար

Շ. Կարամանուկյան