«Վավերացնում եմ»
Հայաստանի Հանրապետության
Նախագահ Ռ. Քոչարյան
13 հունվարի 2005 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
16 դեկտեմբերի 2004 թվականի N 1862-Ն
ՀԻԴՐՈՏԵԽՆԻԿԱԿԱՆ ԿԱՌՈՒՑՎԱԾՔՆԵՐԻ ԱՆՎՏԱՆԳՈՒԹՅԱՆ ՀԻՄՆԱԿԱՆ ՑՈՒՑԱՆԻՇՆԵՐԸ ՀԱՍՏԱՏԵԼՈՒ ԵՎ ՊԵՏԱԿԱՆ ՀԱՏՈՒԿ ՆՇԱՆԱԿՈՒԹՅԱՆ ՀԻԴՐՈՀԱՆԳՈՒՅՑՆԵՐԻ ՑԱՆԿԸ ՍԱՀՄԱՆԵԼՈՒ ՄԱՍԻՆ
Ի կատարումն Հայաստանի Հանրապետության ջրային օրենսգրքի 121-րդ հոդվածի 5-րդ կետի 7-րդ ենթակետի և 6-րդ կետի 6-րդ ենթակետի պահանջների` Հայաստանի Հանրապետության կառավարությունը որոշում է.
1. Հաստատել հիդրոտեխնիկական կառուցվածքների անվտանգության հիմնական ցուցանիշները` համաձայն N 1 հավելվածի:
2. Սահմանել, որ պետական հատուկ նշանակության հիդրոտեխնիկական կառուցվածքի անվտանգությունն իրականացվում է համաձայն Հայաստանի Հանրապետության կառավարության 2003 թվականի հունիսի 14-ի «Հիդրոտեխնիկական կառուցվածքների անվտանգության հսկողության և զննման կարգը սահմանելու մասին» N 686-Ն որոշմամբ սահմանված կարգի:
3. Սահմանել պետական հատուկ նշանակության հիդրոհանգույցների և հիդրոտեխնիկական կառուցվածքների ցանկը` համաձայն N 2 հավելվածի, որոնց աշխատանքի դադարեցումը կամ վթարը կարող է հանգեցնել մարդկային կամ նյութական խոշոր վնասների:
4. Հայաստանի Հանրապետության էներգետիկայի նախարարին, Հայաստանի Հանրապետության առևտրի և տնտեսական զարգացման նախարարին, Հայաստանի Հանրապետության կառավարությանն առընթեր ջրային տնտեսության պետական կոմիտեի նախագահին և Երևանի քաղաքապետին` եռամսյա ժամկետում մշակել և սահմանված կարգով պետական գրանցման ներկայացնել պետական հատուկ նշանակության յուրաքանչյուր հիդրոհանգույցի օգտագործման առանձնահատկությունները:
|
Հայաստանի Հանրապետության |
Ա. Մարգարյան |
|
|
|
|
2005 թ. հունվարի 10 |
|
|
|
|
|
Հավելված N 1 |
ՀԻԴՐՈՏԵԽՆԻԿԱԿԱՆ ԿԱՌՈՒՑՎԱԾՔՆԵՐԻ ԱՆՎՏԱՆԳՈՒԹՅԱՆ ՀԻՄՆԱԿԱՆ ՑՈՒՑԱՆԻՇՆԵՐԸ
Հիդրոտեխնիկական կառուցվածքների գործունեության կայունության, շահագործման հուսալիության ապահովման ռիսկերի գործոնների նվազեցման և կանխատեսման տեսակետից, ջրամբարների, ոռոգման ու խմելու ջրի պոմպակայանների, խորքային և շատրվանող հորերի կապտաժային, ջրառ ու կարգավորող կառուցվածքների, ոռոգման և էներգետիկ նշանակության ջրանցքների, ճնշումային ջրատարների ու թունելների համար անվտանգության հիմնական ցուցանիշներն են`
1. Հիդրոհանգույցի ջրհեռ կառուցվածքներով հաշվարկային առավելագույն ելքերի անարգել հեռացման ապահովումը
2. Հիդրոհանգույցի չափիչ, հսկիչ սարքավորումներով և կապի միջոցներով կահավորվածությունը
3. Անվտանգության մասին հայտարարագրերի և պահակային ծառայության առկայությունը
4. Սանիտարական գոտու պահպանվածության համար իրականացվող միջոցառումները
5. Էլեկտրամատակարարման պահուստային աղբյուրի առկայությունը
6. Խմելու և ոռոգման ջրի մեխանիկական համակարգերում պահուստային պոմպի առկայությունը
7. Հիդրոհանգույցի օտարման գոտում կողմնակի շինությունների ու կառուցվածքների անթույլատրելիությունը
8. Հակահրդեհային միջոցառումների ապահովումը
9. Խմելու և ոռոգման նպատակով պահանջվող ջրի որակի ապահովումը
10. Հիդրոհանգույցի շրջակա տարածքում գերխոնավացման, կորուստների և դիմհարային երևույթների առաջացման պատճառների կանխարգելումը
11. Բերվածքների կուտակման, հեռացման և լվացման գործընթացների ապահովումը
12. Ճնշումային ջրատարների հերմետիկության ու ամրության և դրանց շարժական հենարանների կայունության ապահովումը
13. Թունելների օդափոխիչ հորանների առկայությունը և դրանց աշխատունակությունը
14. Հիդրոտեխնիկական կառուցվածքների օտարման գոտիներ կողմնակի անձանց մուտքն արգելող կառույցների առկայությունը
| Հայաստանի Հանրապետության կառավարության աշխատակազմի ղեկավար-նախարար |
Մ. Թոփուզյան |
|
| |
|
Հավելված N 2 | |
Ց Ա Ն Կ
ՊԵՏԱԿԱՆ ՀԱՏՈՒԿ ՆՇԱՆԱԿՈՒԹՅԱՆ ՀԻԴՐՈՀԱՆԳՈՒՅՑՆԵՐԻ ԵՎ ՀԻԴՐՈՏԵԽՆԻԿԱԿԱՆ ԿԱՌՈՒՑՎԱԾՔՆԵՐԻ
1. Հատուկ նշանակության (24) ջրամբարներ`
2. Որոտան-Արփա և Արփա-Սևան թունելներ
3. Առինջի հեղեղակարգավորիչը` Գետառ հեղեղատարով
4. Ջրամատակարարման օրվա կարգավորման ջրամբարներ
5. Արաքս գետի վրա Կարա-Կալայի հիդրոհանգույցը
6. Ջրամատակարարման նպատակով օգտագործվող հատուկ, պետության կողմից պահպանվող ստորգետնյա և այլ ջրառ կառուցվածքներ
7. Արաքս գետի ափապաշտպան կառուցվածքներ
8. Ոռոգման և էներգետիկ նշանակության 5.0 խոր. մ/վրկ-ում և ավելի թողունակությամբ ջրանցքներ
| Հայաստանի Հանրապետության կառավարության աշխատակազմի ղեկավար-նախարար |
Մ. Թոփուզյան |