«Վավերացնում եմ»
Հայաստանի Հանրապետության
Նախագահ Ռ. Քոչարյան
4 նոյեմբերի 2004 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
3 նոյեմբերի 2004 թվականի N 1481-Ա
ԼԻԱԶՈՐՈՒԹՅՈՒՆ ՎԵՐԱՊԱՀԵԼՈՒ ՄԱՍԻՆ
Հայաստանի Հանրապետության կառավարությունը որոշում է.
1. Լիազորել Հայաստանի Հանրապետության արդարադատության նախարար Դավիթ Հարությունյանին բանակցել և Հայաստանի Հանրապետության անունից ստորագրել հաշտության համաձայնություն «Հելենիք Թելեքոմունիքեյշնզ Օրգանիզեյշն» (OTE) ընկերության և «ԱրմենԹել» ՀՁ» փակ բաժնետիրական ընկերության հետ:
2. Հայաստանի Հանրապետության արդարադատության նախարարին` հաշտության բանակցությունները վարել և հաշտության համաձայնությունն ստորագրել սույն որոշման հավելվածում նշված դրույթների շրջանակներում (կցվում է):
3. Սույն որոշման 1-ին կետն ուժը կորցնում է 2004 թվականի նոյեմբերի 14-ին:
|
Հայաստանի Հանրապետության |
Ա. Մարգարյան |
|
|
|
Հավելված |
ՀԱՇՏՈՒԹՅԱՆ ՀԱՄԱՁԱՅՆՈՒԹՅԱՆ ՀԻՄՆԱԿԱՆ ԴՐՈՒՅԹՆԵՐԸ
● «ԱրմենԹել» ՀՁ» փակ բաժնետիրական ընկերությունը և ՕՏԵ-ն համաձայնում են թիվ 60 լիցենզիայի լրացված և վերահաստատված տարբերակին:
● Հայաստանի Հանրապետության կառավարությունն ուժը կորցրած կճանաչի 2004 թվականի փետրվարի 19-ի N 364-Ն որոշումը:
● Լիցենզիան պետք է կցվի հաշտության համաձայնագրին, սակայն չպետք է դիտվի դրա մասը:
● «ԱրմենԹել» ՀՁ» փակ բաժնետիրական ընկերությունը և ՕՏԵ-ն համաձայնում են, որպեսզի Հայաստանի Հանրապետությունը շնորհի երկրորդ GSM օպերատորի լիցենզիա, պայմանով, որ երրորդ լիցենզիան չի կարող շնորհվել ոչ շուտ, քան մինչև 2009 թվականի հունվարի 1-ը:
● Հայաստանի Հանրապետության կառավարությունը պետք է ապահովի, որպեսզի երկրորդ GSM օպերատորի լիցենզիայի դրույթները համապատասխանեն թիվ 60 լիցենզիայի դրույթներին:
● «ԱրմենԹել» ՀՁ» փակ բաժնետիրական ընկերությունը կունենա 60 օր, որպեսզի ստուգի լիցենզիայի անգլերեն և հայերեն տարբերակների համապատասխանությունը և առաջարկություններ ներկայացնի Հայաստանի Հանրապետության կառավարություն թարգմանության հստակեցումների վերաբերյալ:
● Հայաստանի Հանրապետության կառավարությունը պետք է առավելագույն ջանքեր գործադրի, որպեսզի «Էլեկտրոնային հաղորդակցության մասին» Հայաստանի Հանրապետության օրենքի նախագծում չներառվեն դրույթներ, որոնք կսահմանափակեն թիվ 60 լիցենզիայով սահմանած «ԱրմենԹել» ՀՁ» փակ բաժնետիրական ընկերության իրավունքները: Հայաստանի Հանրապետության կառավարությունն առանց «ԱրմենԹել» ՀՁ» փակ բաժնետիրական ընկերության համաձայնության չի փոփոխի թիվ 60 լիցենզիան կամ չի սահմանափակի «ԱրմենԹել» ՀՁ» փակ բաժնետիրական ընկերության իրավունքները: Այդ պայմանի խախտման դեպքում «ԱրմենԹել» ՀՁ» փակ բաժնետիրական ընկերությունն իրավունք կունենա դիմելու արբիտրաժ` վնասների փոխհատուցման պահանջով: Այս դրույթը չի տարածվում կարգավորիչի կողմից լիցենզիայով նախատեսված կարգավորման գործընթացի ժամանակ ընդունած որոշումների վրա:
● «ԱրմենԹել» ՀՁ» փակ բաժնետիրական ընկերության բաժնետոմսերի վաճառքի դեպքում գործելու են «Բաժնետիրական ընկերությունների մասին» Հայաստանի Հանրապետության օրենքի սահմանափակումները:
● 20% կամ ավելի բաժնետոմսերի վաճառքի դեպքում ՕՏԵ-ն պարտավոր է ստանալ կարգավորիչի համաձայնությունը: Վերջինս կարող է չհամաձայնել գործարքին, եթե, գործելով խելամտորեն, համարի, որ դրանով կարող են վտանգվել ազգային անվտանգության շահերը: Կարգավորիչի այդ որոշումը չպետք է ենթակա լինի արբիտրաժին:
● Լիցենզիան ընդունելու պահից բաժնետոմսերի վաճառքի պայմանագիրը պետք է համարվի ուժը կորցրած (այդ թվում` նաև ներդրման գումարային պարտավորությունը):
● Լիցենզիան ընդունելու պահից առկա արբիտրաժային վարույթները պետք է դադարեցվեն:
● Բոլոր առկա վեճերը կողմերի միջև պետք է համարվեն դադարած և կողմերը նախկին իրադարձությունների հետ կապված որևէ հայց կամ պահանջ չեն ներկայացնի իրար: Այս դրույթը չպետք է տարածվի հարկային, մաքսային և քրեական պահանջների վրա:
● Կողմերից ոչ մեկը չի ընդունում, որ մեղավոր է իրեն մեղսագրվող արարքների մեջ:
● Հաշտության համաձայնագիրը ենթակա է արբիտրաժին:
● Հայաստանի Հանրապետության կառավարությունն ստորագրում է պայմանագիրն իր առևտրային կարողությունների ներքո, այլ ոչ թե ինքնիշխան պետության անունից:
● Հայաստանի Հանրապետության կառավարությունը համաձայնում է բանակցել «ԱրմենԹել» ՀՁ» փակ բաժնետիրական ընկերության հետ հեռահաղորդակցության ծառայություններից օգտվելու դիմաց չվճարված գումարների խնդիրը լուծելու համար: Այս դրույթը չպետք է լինի ենթակա արբիտրաժին:
| Հայաստանի Հանրապետության կառավարության աշխատակազմի ղեկավար-նախարար |
Մ. Թոփուզյան |