«Վավերացնում եմ»

Հայաստանի Հանրապետության

Նախագահ Ռ. Քոչարյան

20 սեպտեմբերի 2004 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

9 սեպտեմբերի 2004 թվականի N 1272-Ն

ԱՍԻԱԿԱՆ ՍԵՅՍՄՈԼՈԳԻԱԿԱՆ ՀԱՆՁՆԱԺՈՂՈՎԻ 5-ՐԴ ՄԻՋԱԶԳԱՅԻՆ ԳԱԳԱԹՆԱԺՈՂՈՎ ԱՆՑԿԱՑՆԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1. Թույլատրել Հայաստանի Հանրապետության կառավարությանն առընթեր արտակարգ իրավիճակների վարչությանը Հայկական սեյսմոլոգիայի և երկրի ֆիզիկայի ասոցիացիայի հետ համատեղ 2004 թվականի հոկտեմբերի 18-21-ը Երևանում կազմակերպել Ասիական սեյսմոլոգիական հանձնաժողովի 5-րդ միջազգային գագաթնաժողովը:

2. Հաստատել Ասիական սեյսմոլոգիական հանձնաժողովի 5-րդ միջազգային գագաթնաժողովի անցկացման կազմակերպչական հանձնաժողովի հայկական կողմի կազմը` համաձայն հավելվածի:

3. Միջազգային գագաթնաժողովի կազմակերպման և անցկացման նպատակով Հայաստանի Հանրապետության կառավարությանն առընթեր արտակարգ իրավիճակների վարչությանը հատկացնել 8.468,2 հազ. դրամ` Հայաստանի Հանրապետության 2004 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին:

4. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության վարչապետ	Ա. Մարգարյան
2004 թ. սեպտեմբերի 18 Երևան

Հավելված ՀՀ կառավարության 2004 թվականի սեպտեմբերի 9-ի N 1272-Ն որոշման

Կ Ա Զ Մ

ԱՍԻԱԿԱՆ ՍԵՅՍՄՈԼՈԳԻԱԿԱՆ ՀԱՆՁՆԱԺՈՂՈՎԻ 5-ՐԴ ՄԻՋԱԶԳԱՅԻՆ ԳԱԳԱԹՆԱԺՈՂՈՎԻ ԿԱԶՄԱԿԵՐՊՉԱԿԱՆ ՀԱՆՁՆԱԺՈՂՈՎԻ ՀԱՅԿԱԿԱՆ ԿՈՂՄԻ

Ս. Բալասանյան	-	Հայկական սեյսմոլոգիայի և երկրի ֆիզիկայի ասոցիացիայի նախագահ (հանձնաժողովի նախագահ, համաձայնությամբ)
Ա. Թանանյան	-	ՀՀ կառավարությանն առընթեր արտակարգ իրավիճակների վարչության պետի տեղակալ (հանձնաժողովի համանախագահ)
Ա. Առաքելյան	-	ՀՀ Ազգային ժողովի պատգամավոր (համաձայնությամբ)
Ս. Օհանյան	-	ՀՀ կառավարության աշխատակազմի քաղաքաշինության և բնական ռեսուրսների վարչության պետ
Ա. Անտոնյան	-	ՀՀ կառավարությանն առընթեր արտակարգ իրավիճակների վարչության «Սեյսմիկ պաշտպանության ազգային ծառայություն» գործակալության պետ
Ա. Ավանեսյան	-	Հայկական սեյսմոլոգիայի և երկրի ֆիզիկայի ասոցիացիայի գլխավոր գիտական քարտուղար (համաձայնությամբ)
Ա. Ավետիսյան	-	Երևանի պետական համալսարանի միջազգային կապերի գծով պրոռեկտոր
Ա. Արշակյան	-	Երևանի Վ. Բրյուսովի անվան պետական լեզվաբանական համալսարանի առաջին պրոռեկտոր
Ա. Բաղդասարյան	-	Հայկական սեյսմոլոգիայի և երկրի ֆիզիկայի ասոցիացիայի ֆինանսական մենեջեր (համաձայնությամբ)
Մ. Գրիգորյան	-	Երևանի պետական համալսարանի երկրաբանական ֆակուլտետի դեկան
Գ. Թադևոսյան	-	Հայաստանի շինարարների ասոցիացիայի նախագահի խորհրդական (համաձայնությամբ)
Հ. Կաջոյան	-	Հայկական սեյսմոլոգիայի և երկրի ֆիզիկայի ասոցիացիայի անդամ (համաձայնությամբ)
Բ. Հարությունյան	-	«Կուրորտաբանության և ֆիզիկական բժշկության գիտահետազոտական ինստիտուտ» ՓԲԸ-ի տնօրեն
Հ. Մաթևոսյան	-	ՀՀ կառավարությանն առընթեր արտակարգ իրավիճակների վարչության ճգնաժամային իրավիճակների կառավարման ինստիտուտի ռեկտոր
Ս. Նազարեթյան	-	ՀՀ կառավարությանն առընթեր արտակարգ իրավիճակների վարչության «Սեյսմիկ պաշտպանության հյուսիսային ծառայություն» պետական ոչ առևտրային կազմակերպության գործադիր տնօրեն
Վ. Պողոսյան	-	Հայաստանի շինարարների ասոցիացիայի «Երևանշին» ԲԲԸ-ի գլխավոր տնօրեն (համաձայնությամբ)
Կ. Սարաֆյան	-	«Հայսեյսմշին և կառուցվածքների պաշտպանության գիտահետազոտական ինստիտուտ» ՓԲԸ-ի կենտրոնի պետ
Հ. Պետրոսյան	-	ՀՀ կառավարությանն առընթեր անշարժ գույքի կադաստրի պետական կոմիտեի «Գեոդեզիայի և քարտեզագրման կենտրոն» պետական ոչ առևտրային կազմակերպության գործադիր տնօրեն
Ա. Մելիքսեթյան	-	Հայկական սեյսմոլոգիայի և երկրի ֆիզիկայի ասոցիացիայի գործադիր տնօրեն, հանձնաժողովի պատասխանատու քարտուղար (համաձայնությամբ)

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան