Գլխավոր տեղեկություն
Номер
N 631-Ն
Տիպ
Որոշում
Тип
Ինկորպորացիա (18.06.2005-մինչ օրս)
Статус
Գործում է
Первоисточник
ՀՀՊՏ 2005.06.17/38(410) Հոդ.711
Принят
ՀՀ կառավարություն
Дата принятия
19.05.2005
Подписан
ՀՀ վարչապետ
Дата подписания
30.05.2005
Վավերացնող մարմին
ՀՀ Նախագահ
Վավերացման ամսաթից
07.06.2005
Дата вступления в силу
18.06.2005

«Վավերացնում եմ»
Հայաստանի Հանրապետության
Նախագահ Ռ. Քոչարյան
 7 հունիսի 2005 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

19 մայիսի 2005 թվականի N 631-Ն

ՄՇԱԿՈՒԹԱՅԻՆ ԱՐԺԵՔՆԵՐԻ ՊԱՀՊԱՆԱԿԱՆ ՑՈՒՑԱԿՈՒՄ ՊԵՏԱԿԱՆ ՍԵՓԱԿԱՆՈՒԹՅՈՒՆ ՉՀԱՄԱՐՎՈՂ ՄՇԱԿՈՒԹԱՅԻՆ ԱՐԺԵՔՆԵՐԸ ԿԱՄԱՎՈՐ ՍԿԶԲՈՒՆՔՈՎ ԳՐԱՆՑԵԼՈՒ ԿԱՐԳԸ ԵՎ ՉԱՓՈՐՈՇԻՉՆԵՐԸ ՍԱՀՄԱՆԵԼՈՒ ՄԱՍԻՆ

«Մշակութային արժեքների արտահանման և ներմուծման մասին» Հայաստանի Հանրապետության օրենքի 7-րդ հոդվածի 1-ին մասի 2-րդ կետին համապատասխան` Հայաստանի Հանրապետության կառավարությունը որոշում է.

1. Սահմանել մշակութային արժեքների պահպանական ցուցակում պետական սեփականություն չհամարվող մշակութային արժեքները կամավոր սկզբունքով գրանցելու կարգը և չափորոշիչները՝ համաձայն հավելվածի:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից։


Հայաստանի Հանրապետության
վարչապետ 

 Ա. Մարգարյան


2005 թ. մայիսի 30
Երևան

    

Հավելված
ՀՀ կառավարության 2005 թվականի
մայիսի 19-ի N 631-Ն որոշման


ՄՇԱԿՈՒԹԱՅԻՆ ԱՐԺԵՔՆԵՐԻ ՊԱՀՊԱՆԱԿԱՆ ՑՈՒՑԱԿՈՒՄ ՊԵՏԱԿԱՆ ՍԵՓԱԿԱՆՈՒԹՅՈՒՆ ՉՀԱՄԱՐՎՈՂ ՄՇԱԿՈՒԹԱՅԻՆ ԱՐԺԵՔՆԵՐԸ ԿԱՄԱՎՈՐ ՍԿԶԲՈՒՆՔՈՎ ԳՐԱՆՑԵԼՈՒ ԿԱՐԳԸ ԵՎ ՉԱՓՈՐՈՇԻՉՆԵՐԸ

1. Սույն կարգով և չափորոշիչներով սահմանվում են մշակութային արժեքների պահպանական ցուցակում (այսուհետ՝ ցուցակ) պետական սեփականություն չհամարվող մշակութային արժեքները կամավոր սկզբունքով գրանցելու կարգը և չափորոշիչները:

2. Ցուցակում պետական սեփականություն չհամարվող մշակութային արժեքների գրանցման չափորոշիչներն են`

ա) տեսակի կամ տիպի մեջ առանձնահատուկ լինելը,

բ) պատմական, հնագիտական, ազգագրական, գեղարվեստական, կրոնական, մշակութաբանական, արվեստաբանական կամ գիտական հատուկ հետաքրքրություն ներկայացնելը,

գ) պատմամշակութային զարգացման վկայագիր-վավերագրի նշանակություն ունենալը,

դ) ազգային պատմամշակութային ժառանգության համար կարևոր նշանակություն ունենալը,

ե) համաշխարհային մշակութային ժառանգության համար հետաքրքրություն ներկայացնելը:

3. Ցուցակում պետական սեփականություն չհամարվող մշակութային արժեքները գրանցվում են, եթե համապատասխանում են սույն կարգի 2-րդ կետում նշված չափորոշիչներից որևէ մեկին:

4. Ցուցակում պետական սեփականություն չհամարվող մշակութային արժեքները գրանցվում են կամավորության սկզբունքով` սեփականատիրոջ (այսուհետ՝ հայտատու) ներկայացրած հայտի համաձայն:

5. Հայտատուն հայտը ներկայացնում է լիազորված պետական մարմին՝ դրան կցելով գրանցման ենթակա մշակութային արժեքի մասին փորձագիտական եզրակացության պատճենը` լուսանկարով, և նույն մշակութային արժեքի 2 գունավոր լուսանկար (13 x 18 սմ չափսի):

6. Հայտը գրանցվում է դիմումների գրանցամատյանում, որի էջերը համարակալված, կարված և կնքված են լիազորված պետական մարմնի կնիքով:

7. Հայտերի գրանցամատյանը համարվում է հիմնական հաշվառման փաստաթուղթ: Գրանցամատյանում գրանցման համարների հերթականությունը վերսկսվում է յուրաքանչյուր տարվա հունվարի 1-ից:

8. Հայտի գրանցման համարը տվյալ հայտատուի գործի ծածկագիրն է` գրանցման թվի, օրվա, ամսվա և տարեթվի հաջորդականությունը պարունակող նիշերով:

9. Գործը կազմվում է հայտից, փորձագիտական եզրակացության պատճենից, մշակութային արժեքի լուսանկարից և այլ փաստաթղթերից:

10. Գործը պահվում է անժամկետ: Այն գրանցող լիազորված պետական մարմինը պատասխանատու է հայտատուի տվյալների գաղտնիության համար:

11. Հայտի քննարկման ու գրանցման հետ կապված փաստաթղթերի ներքին շրջանառության ընթացակարգը սահմանում է լիազորված պետական մարմինը:

12. Ցուցակը կազմվում է թվայնացված տարբերակով` համակարգչային շտեմարանում:

Յուրաքանչյուր մշակութային արժեք գրանցվում է հաջորդական համարակալմամբ:

Մշակութային արժեքների գրանցման տվյալներն են անվանումը, անունը կամ վերնագիրը, ստեղծողը (հեղինակը), ստեղծման ժամանակը, ստեղծման վայրը, նյութը, քանակը (բաղկացուցիչ մասերը, չափերը), քաշը, վիճակը, ծածկագիրը, ծանոթագրությունը:

13. Յուրաքանչյուր տարվա ավարտից հետո համակարգչային շտեմարանում գրանցված ցուցակը տպվում, կարվում և կնքվում է` կազմելով պետական սեփականություն չհամարվող մշակութային արժեքների տվյալների գրանցամատյանի մաս:

14. Յուրաքանչյուր տարվա ավարտից հետո տվյալ տարում գրանցված ցուցակն առանձին գրքույկով տպագրվում է ծառայողական օգտագործման համար:

15. Սեփականատիրոջը տրվում է ցուցակում մշակութային արժեքի գրանցման մասին տեղեկանք` լուսանկարով: Տեղեկանքի ձևն ու տալու կարգը հաստատում է լիազորված պետական մարմինը:

16. Մշակութային արժեքի մասին տեղեկությունների փոփոխությանը վերաբերող նշումը կատարվում է ցուցակի «Ծանոթագրություն» սյունակում:


Հայաստանի Հանրապետության
կառավարության աշխատակազմի
ղեկավար-նախարար 		 Մ. Թոփուզյան

Փոփոխման պատմություն
Փոփոխող ակտ Համապատասխան ինկորպորացիան
Փոփոխված ակտ
Փոփոխող ակտ Համապատասխան ինկորպորացիան