Գլխավոր տեղեկություն

Номер

N 1783-Ն

Տիպ

Որոշում

Тип

Исходный акт (13.01.2005-22.09.2018)

Статус

Չի գործում

Первоисточник

ՀՀՊՏ 2005.01.12/2(374) Հոդ. 41

Принят

ՀՀ կառավարություն

Дата принятия

09.12.2004

Подписан

ՀՀ վարչապետ

Дата подписания

15.12.2004

Վավերացնող մարմին

ՀՀ Նախագահ

Վավերացման ամսաթից

23.12.2004

Дата вступления в силу

13.01.2005

Ուժը կորցնելու ամսաթիվ

22.09.2018

«Վավերացնում եմ»
Հայաստանի Հանրապետության
Նախագահ Ռ. Քոչարյան
23 դեկտեմբերի 2004 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

9 դեկտեմբերի 2004 թվականի N 1783-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ՊԱՀՊԱՆՈՒԹՅԱՆ ԾԱՌԱՅՈՒԹՅԱՆ ԶԻՆԾԱՌԱՅՈՂՆԵՐԻ ՄԻԱՍՆԱԿԱՆ ՀԱՄԱԶԳԵՍՏԻ ԵՎ ՏԱՐԲԵՐԱՆՇԱՆՆԵՐԻ ՆԿԱՐԱԳԻՐԸ ՀԱՍՏԱՏԵԼՈՒ ՄԱՍԻՆ

Համաձայն «Հատուկ պետական պաշտպանության ենթակա անձանց անվտանգության ապահովման մասին» Հայաստանի Հանրապետության օրենքի 16-րդ հոդվածի 5-րդ մասի` Հայաստանի Հանրապետության կառավարությունը որոշում է.

1. Հաստատել`

ա) Հայաստանի Հանրապետության պետական պահպանության ծառայության զինծառայողների միասնական համազգեստի ձևը և նկարագիրը` համաձայն N 1 հավելվածի.

բ) Հայաստանի Հանրապետության պետական պահպանության ծառայության զինծառայողների տարբերանշանների ձևը և նկարագիրը` համաձայն N 2 հավելվածի:

2. Հայաստանի Հանրապետության կառավարությանն առընթեր ազգային անվտանգության ծառայության տնօրենին` մինչև 2005 թվականի մարտի 1-ը սահմանել Հայաստանի Հանրապետության պետական պահպանության ծառայության զինծառայողներին համազգեստ տրամադրելու, այն կրելու կարգը, ժամկետները և պայմանները:

3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության
վարչապետ
Ա. Մարգարյան

2004 թ. դեկտեմբերի 15
Երևան

Հավելված N 1
ՀՀ կառավարության 2004 թվականի
դեկտեմբերի 9-ի N 1783-Ն որոշման

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ՊԱՀՊԱՆՈՒԹՅԱՆ ԾԱՌԱՅՈՒԹՅԱՆ ԶԻՆԾԱՌԱՅՈՂՆԵՐԻ ՄԻԱՍՆԱԿԱՆ ՀԱՄԱԶԳԵՍՏԻ ՁԵՎԸ ԵՎ ՆԿԱՐԱԳԻՐԸ

Հայաստանի Հանրապետության պետական պահպանության ծառայության բարձրագույն, գլխավոր, ավագ, միջին և կրտսեր խմբերի պաշտոններ զբաղեցնող զինծառայողները համազգեստը կրում են ըստ շնորհված կոչումների:

1. Հայաստանի Հանրապետության պետական պահպանության ծառայության բարձրագույն սպայական կազմի կոչում ունեցող զինծառայողների համազգեստը

1.1. Ամենօրյա կիսաբրդյա գլխարկ` դեղնականաչավուն կտորից

Կարմիր կանտով և դեղնականաչավուն գլխարկաբոլորքով: Բաղկացած է սև լաքապատ գլխարկահովհարից, գլխարկաբոլորքի վրա 2 ոսկեգույն կոճակով ամրացվում է ոսկեզօծ զարդապարան (գոտի): Գլխարկաբոլորքի վերևի և գագաթի միացման տեղով անցնում է 2 միլիմետր լայնքով կարմիր մահուդից կանտ: Ճակատային մասում ամրացվում է Հայաստանի Հանրապետության զինանշանը, գլխարկաբոլորքի վրա` առջևի կենտրոնական մասում ամրացված են ոսկեզօծ թելերով ասեղնագործված հատուկ պատկեր և գլխարկանշան:

1.2. Ականջակալներով գլխարկ` բնական կարակուլից

Մահուդից, բաղկացած է թասակից, ականջակալներից և ճակատային մասից (հովհար): Ականջակալները և հովհարը մշակված են մոխրագույն բնական կարակուլից: Թասակը 4-տապականի է, հովհարի առջևի կենտրոնական մասում ամրացված է գլխարկանշան:

1.3. Ականջակալներով գլխարկ` ոչխարի մորթուց

Մահուդից, բաղկացած է թասակից, ականջակալներից և ճակատային մասից (հովհար):

Ականջակալները և հովհարը մշակված են ոչխարի մոխրագույն մորթուց: Թասակը 4-տապականի է, հովհարի առջևի կենտրոնական մասում ամրացված է գլխարկանշան:

1.4. Ձմեռային վերարկու` բրդյա գործվածքից, կարակուլե օձիքով, ուսադիրներով

Դեղնականաչավուն կտորից` հանովի բնական կարակուլե օձիքով: Ձևվածքն ունի կիպ նստած ուրվագիծ: 2 լանջափեշերը կոճկվում են 3 զույգ ոսկեգույն կոճակներով, 2 գրպանները` ներկարովի, կափույրներով: Օձիքը` ծալովի, ծայրերը` կարմիր եզրակարերով: Մեջքը` մեջտեղի կարով, հետևի մասում` 2 կոճակով իրանաձիգ գոտի: Աստառը` մետաքսյա, ձախ կողմում ունի ծոցագրպան, ուսադիրները` կարովի, դեղնականաչավուն, աստղերը` ասեղնագործված:

1.5. Կիտել` բրդյա գործվածքից, տոնական ուսադիրներով, և ազատթող փողքերով տաբատ

Դեղնականաչավուն բրդյա կտորից, մետաքսե աստառով: 4 ոսկեգույն կոճակները տեղադրված են մեկ շարքով: 2 ներկարված գրպան` կափույրներով, 2 վրադիր գրպան` կափույրներով` կրծքավանդակին, 2 ծոցագրպան, լանջափեշերին` ասեղնագործված տերևներ: Ուսադիրները` կարովի, ասեղնագործված ոսկեգույն թելերով:

Տաբատը` բրդյա դեղնականաչավուն կտորից` 2 ներկարված կողային գրպաններով, հետևի մասում` մեկ գրպան` կափույրով: Տաբատի առջևի մասում տեղադրված է շղթա, իսկ կողքերին` 2 լայն (25 մմ) և մեկ նեղ (2 մմ) կարմիր գունաժապավեններ:

1.6. Կիտել` բրդյա գործվածքից, ամենօրյա ուսադիրներով, և ազատթող փողքերով տաբատ

Դեղնականաչավուն բրդյա կտորից` մետաքսե աստառով, 2 ներկարված գրպան` կափույրներով, 2 վրադիր գրպան` կափույրներով, կրծքավանդակին` 2 ծոցագրպան, լանջափեշերին` ասեղնագործված տերևներ: Ուսադիրները` դեղնականաչավուն, աստղերը` ասեղնագործված: Տաբատը` դեղնականաչավուն բրդյա կտորից, 2 ներկարված կողային գրպաններով, հետևի մասում` մեկ գրպան` կափույրով: Տաբատի առջևի մասում տեղադրված է շղթա, իսկ կողքերին` 2 լայն (25 մմ) և մեկ նեղ (2 մմ) կարմիր գունաժապավեններ:

1.7. Բաճկոն (կուրտկա)` բրդյա գործվածքից, հանովի ուսադիրներով, և ազատթող փողքերով տաբատ

Դեղնականաչավուն բրդյա կտորից, աստառը` մետաքսե, առջևի մասում տեղադրված է շղթա, կրծքավանդակին` 2 վրադիր գրպան` կափույրներով, 2 ներկարված կողային գրպանով։ Բաճկոնի ուսերին տեղադրված են ուսադիրների ամրակներ: Ուսադիրները` հանովի, դեղնականաչավուն, աստղերը` ասեղնագործված: Տաբատը` դեղնականաչավուն բրդյա կտորից` 2 ներկարված կողային գրպանով, հետևի մասում` մեկ գրպան` կափույրով: Տաբատի առջևի մասում տեղադրված է շղթա, իսկ կողքերին` 2 լայն (25 մմ) և մեկ նեղ (2 մմ) կարմիր գունաժապավեններ:

1.8. Դաշտային կոստյում` կեպիով, բամբակյա գունաքողարկված գործվածքից

Բամբակյա կտոր` գունաքողարկված թելից, բաճկոնի առջևի մասում տեղադրված է շղթա` 2 կոճգամով և կպչուն կոճկվածքով, կրծքավանդակին` 2 վրադիր գրպան` կափույրներով և կոճգամներով, 2 ներկարված կողային գրպանով: Տաբատը` ուղիղ կարվածքով, 2 կողային գրպանով և հետևի մասում` մեկ գրպանով, առջևի մասում տեղադրված է շղթա: Ուսադիրները` գունաքողարկված թելից, աստղերը` ասեղնագործված:

1.9. Ամառային թիկնոց (պլաշչ)` հանովի ուսադիրներով

Անձրևանոցային կտոր` դեղնականաչավուն, ներդիրը` հանովի, բրդյա կտորից, որն ամրացվում է շղթայով: Գոտկատեղին ունի գոտի` իր ամրակներով, մշակված է 2 կողային ներկարված գրպանով և մեկ ծոցագրպանով:

1.10. Թիկնոց-ուսնոց

Անջրաթափանց դեղնականաչավուն կտոր, 2 կողային բացվածքով` ձեռքերի համար, և գլխանոցով:

1.11. Ձեռնոց` ամառային

Հինգմատնյա, սպիտակ, գործվածքը` բամբակյա թելից:

1.12. Ձեռնոց` աշնանային-գարնանային

Հինգմատնյա, գործվածքը` խիտ բամբակյա թելից:

1.13. Ձեռնոց` ձմեռային

Հինգմատնյա, երեսացուն` բնական սև կաշվից, միջնադիրը` ոչխարի բնական մորթուց կամ համանման:

1.14. Ձմեռային դաշտային տաք կոստյում` այդերուկի աղվամազով, հանովի ուսադիրներով

Բամբակյա կտոր` գունաքողարկված թելից, աստառը` մետաքսյա, բաճկոնը և տաբատը լցոնված են այդերուկի աղվամազով: Բաճկոնի վրա տեղադրված են դիմային շղթա և 2 կողային ներկարված գրպան:

Տաբատի առջևի մասը մշակված է շղթայով և 2 կողային գրպանով: Բաճկոնի ուսերին առկա են ուսադիրների ամրակներ, ուսադիրները` դեղնականաչավուն, աստղերը` ասեղնագործված:

1.15. Ձմեռային դաշտային կոստյում` բամբակյա գունաքողարկված գործվածքից, ոչխարի մորթուց կարված օձիքով, հանովի ուսադիրներով

Բամբակյա կտոր` գունաքողարկված թելից, տաք միջնադիրով: Բաճկոնն ունի 2 կողային ներկարված գրպան, մեկ ծոցագրպան և գրպան` ատրճանակի համար: Առջևի մասում տեղադրված է շղթա: Օձիքը` հանովի, ոչխարի բնական մորթուց: Ուսադիրները` դեղնականաչավուն: Տաբատը կարված է ուղիղ կարով, 2 կողային գրպանով, առջևի մասում տեղադրված է շղթա:

1.16. Գարնանային-աշնանային կիսավերարկու` հանովի ուսադիրներով

Անձրևանոցային դեղնականաչավուն կտոր, աստառը` մետաքսյա, տաք միջնադիրով, 2 կողային ներկարված գրպանով և մեկ ծոցագրպանով, գոտկատեղին ունի գոտի` իր ամրակներով, լանջափեշերին` ասեղնագործված ոսկեգույն տերևներ: Ուսերին տեղադրված են ուսադիրների ամրակներ:

1.17. Մորթե կիսաճտքավոր կոշիկ` սև գույնի

Երեսացուն` սև, բնական կաշվից, միջնադիրը` բնական մորթուց:

1.18. Կոշիկ` սև գույնի

Երեսացուն` սև, բնական կաշվից:

1.19. Յուֆտե ճտքավոր կոշիկ` մորթե ներդիրով

Երկար ճիտքերով, յուֆտից, բնական մորթուց կարված ներդիրով:

1.20. Երկարաթև սպիտակ վերնաշապիկ` հանովի ուսադիրներով

Սպիտակ բամբակյա կտորից, ծալովի օձիքով, կրծքամասում` կոճակով, կափույրով և շերտակարով վրադիր գրպաններ, ուղիղ գոտիով, կոճկվում է 8 կոճակով, ուսերին տեղադրված են ուսադիրների ամրակներ, թևքերը` երկար:

1.21. Կարճաթև սպիտակ վերնաշապիկ` հանովի ուսադիրներով

Սպիտակ բամբակյա կտորից, ծալովի օձիքով, կրծքամասում` կոճակով, կափույրով և շերտակարով վրադիր գրպաններ, ուղիղ գոտիով, կոճկվում է 8 կոճակով, ուսերին տեղադրված են ուսադիրների ամրակներ, թևքերը` կարճ:

1.22. Երկարաթև դեղնականաչավուն վերնաշապիկ` հանովի ուսադիրներով

Դեղնականաչավուն բամբակյա կտորից, ծալովի օձիքով, կրծքամասում` կոճակով, կափույրով և շերտակարով վրադիր գրպաններ, ուղիղ գոտիով, կոճկվում է 8 կոճակով, ուսերին տեղադրված են ուսադիրների ամրակներ, թևքերը` երկար:

1.23. Կարճաթև դեղնականաչավուն վերնաշապիկ` հանովի ուսադիրներով

Դեղնականաչավուն բամբակյա կտորից, ծալովի օձիքով, կրծքամասում` կոճակով, կափույրով և շերտակարով վրադիր գրպաններ, ուղիղ գոտիով, կոճկվում է 8 կոճակով, ուսերին տեղադրված են ուսադիրների ամրակներ, թևքերը` կարճ:

1.24. Փողկապ` սև գույնի

Սև գույնի կիսաբրդյա կտոր, օձիքի մասում` ռետինե ժապավենով և ամրակով:

1.25. Դեղնականաչավուն փողկապ

Դեղնականաչավուն գույնի կիսաբրդյա կտոր, օձիքի մասում` ռետինե ժապավենով և ամրակով:

1.26. Դեղնականաչավուն կաշնե

Դեղնականաչավուն կիսաբրդյա կտոր` 125 սմ x 24 սմ չափի:

1.27. Տոնական գոտի` Հայաստանի Հանրապետության պետական պահպանության ծառայության խորհրդանիշի պատկեր ունեցող մետաղյա ճարմանդով

Ծիրանագույն սինթետիկ գործվածք` Հայաստանի Հանրապետության պետական պահպանության ծառայության խորհրդանիշի պատկեր ունեցող մետաղյա ճարմանդով:

1.28. Կաշվե գոտի

Բնական կաշվից` 50 մմ լայնությամբ, երկանցք, մետաղյա ճարմանդով:

1.29. Դաշտային կաշվե պայուսակ

1.30. Թիկնոցի կաշեգոտի

Օգտագործվում է թիկնոցը կրելու ժամանակ:

1.31. Ուսկապ (ակսելբանտ)` 2 արույրե ծայրապանակով

Ծիրանագույն լարահյուսվածքով:

2. Հայաստանի Հանրապետության պետական պահպանության ծառայության ավագ, կրտսեր սպայական կազմի և ենթասպայական կազմի կոչում ունեցող զինծառայողների համազգեստը

2.1. Ամենօրյա կիսաբրդյա գլխարկ

Դեղնականաչավուն կտորից, կապույտ կանտով, բաղկացած է սև լաքապատ գլխարկահովհարից: Գլխարկաբոլորքի վրա 2 փոքր մետաղյա ոսկեգույն կոճակով ամրացվում է ոսկեզօծ զարդապարան (գոտի): Գլխարկաբոլորքի վերևի և գագաթի միացման տեղով անցնում է 2 միլիմետր լայնքով կապույտ մահուդից կանտ: Հայաստանի Հանրապետության պետական պահպանության ծառայության ավագ, կրտսեր սպայական կազմի և ենթասպայական կազմի գլխարկաբոլորքի առջևի կենտրոնական մասում ամրացվում է ոսկեգույն գլխարկանշանը` դափնեպսակի տեսքով, և գլխարկակատարի վրա` Հայաստանի Հանրապետության զինանշանը:

2.2. Ականջակալներով գլխարկ` բնական կարակուլից (գնդապետների համար)

Մահուդից, բաղկացած է թասակից, ականջակալներից և ճակատային մասից (հովհար): Ականջակալները և հովհարը` մոխրագույն բնական կարակուլից: Թասակը` 4-տապականի, հովհարի առջևի կենտրոնական մասում ամրացվում է գլխարկանշան:

2.3. Ականջակալներով գլխարկ` ոչխարի մորթուց

Մահուդից, բաղկացած է թասակից, ականջակալներից և ճակատային մասից (հովհար): Ականջակալները և հովհարը` ոչխարի մոխրագույն մորթուց: Թասակը` 4-տապականի, հովհարի առջևի կենտրոնական մասում ամրացվում է գլխարկանշան:

2.4. Ձմեռային դեղնականաչավուն վերարկու` բրդյա գործվածքից, կարակուլե օձիքով (գնդապետների համար)

Կառուցվածքով և ձևով նման է 1.4-րդ կետում նկարագրվածին` առանց կարմիր կանտի: Ուսադիրները` դեղնականաչավուն կտորից` կապույտ մակաշերտերով:

2.5. Ձմեռային դեղնականաչավուն վերարկու` ոչխարի մորթուց կարված օձիքով

Կառուցվածքով և ձևով նման է 1.4-րդ կետում նկարագրվածին` առանց կարմիր կանտի, օձիքը կարված է ոչխարի մորթուց: Ուսադիրները` դեղնականաչավուն կտորից, կապույտ մակաշերտերով:

2.6. Կիտել` տոնական ուսադիրներով, և ազատթող փողքերով տաբատ

Երեսացուն` դեղնականաչավուն կտորից, աստառը` սարժա կամ համանման, 2 ներկարված գրպան` կափույրներով, 2 վրադիր գրպան` կափույրներով, կրծքավանդակին, և 2 ծոցագրպան: Առջևի մասում մեկ գծով տեղադրված է 4 ոսկեգույն կոճակ: Ուսադիրները` ոսկեգույն, կապույտ մակաշերտերով: Տաբատը` դեղնականաչավուն, գունաժապավենները` կապույտ մահուդից, 2 կողային ներկարված գրպան, հետևի մասում` մեկ գրպան` կափույրով, առջևի մասում` շղթա:

2.7. Կիտել` ամենօրյա ուսադիրներով, և ազատթող փողքերով տաբատ

Երեսացուն` դեղնականաչավուն կտորից, աստառը` սարժա կամ համանման: Կիտելին` 2 ներկարված գրպան` կափույրներով, 2 վրադիր գրպան` կափույրներով, կրծքավանդակին, և 2 ծոցագրպան: Առջևի մասում մեկ գծով տեղադրված է 4 ոսկեգույն կոճակ: Ուսադիրները` դեղնականաչավուն, կապույտ մակաշերտերով: Տաբատը` դեղնականաչավուն, գունաժապավենները` կապույտ մահուդից, 2 կողային ներկարված գրպան, հետևի մասում` մեկ գրպան` կափույրով, առջևի մասում` շղթա:

2.8. Բաճկոն` հանովի ուսադիրներով, և ազատթող փողքերով տաբատ

Երեսացուն` դեղնականաչավուն կտորից, աստառը` սարժա կամ համանման: Բաճկոնի առջևի մասում տեղադրված է շղթա, կրծքավանդակին` 2 վրադիր գրպան` կափույրներով, 2 ներկարված կողային գրպանով: Բաճկոնի ուսերին տեղադրված են ուսադիրների ամրակներ: Տաբատը` 2 կողային ներկարված գրպանով, հետևի մասում` մեկ գրպան` կափույրով, տաբատի առջևի մասում տեղադրված է շղթա, իսկ կողքերին` կապույտ մահուդե գունաժապավեններ:

2.9. Դաշտային կոստյում` կեպիով, բամբակյա գունաքողարկված գործվածքից

Բամբակյա կտորից` գունաքողարկված թելից: Բաճկոնի առջևի մասը` շղթայով, միջնադիրը` բիազ, 2 վրադիր գրպան` կափույրներով, և 2 ներկարված կողային գրպան, ուսերին տեղադրված են ուսադիրներ` գունաքողարկված թելից: Տաբատը` բամբակյա կտորից` գունաքողարկված թելից, 2 ներկարված կողային գրպան, հետևի մասում` 2 գրպան` կափույրներով, առջևի մասը` շղթայով:

2.10. Ամառային թիկնոց` հանովի ուսադիրներով

Անձրևանոցային կտոր, ներդիրը` հանովի, բրդյա կտորից, որն ամրացվում է շղթայով: Գոտկատեղին ունի գոտի` իր ամրակներով, 2 կողային ներկարված գրպան և մեկ ծոցագրպան: Ուսերին տեղադրված են ուսադիրների ամրակներ:

2.11. Թիկնոց-ուսնոց

Անջրաթափանց դեղնականաչավուն կտոր, 2 կողային բացվածքով` ձեռքերի համար, և գլխանոցով:

2.12. Ձմեռային կոստյում` արհեստական մորթե օձիքով, գունաքողարկված գործվածքից

Բամբակյա կտոր` գունաքողարկված թելից, տաք ներդիրով, բաճկոնն ունի 2 ներկարված կողային գրպան, մեկ ծոցագրպան և ծոցագրպան` ատրճանակի համար: Առջևի մասում տեղադրված է շղթա: Օձիքը` հանովի, արհեստական մորթուց: Տաբատը կարված է ուղիղ կարով, 2 կողային գրպանով, առջևի մասում տեղադրված է շղթա:

2.13. Գարնանային-աշնանային կիսավերարկու` հանովի ուսադիրներով

Դեղնականաչավուն կտորից, տաք միջնադիրով, 2 ներկարված կողային գրպանով, մեկ ծոցագրպանով, ունի գոտի` իր ամրակներով: Ուսերին տեղադրված են ուսադիրների ամրակներ:

2.14. Կիսաճտքավոր կոշիկ

Կարված է սև, բնական կաշվից, միջնադիրը` բիազ կամ համանման:

2.15. Կոշիկ

Կարված է սև, բնական կաշվից:

2.16. Երկարաթև սպիտակ վերնաշապիկ` հանովի ուսադիրներով

Սպիտակ բամբակյա կտորից, ծալովի օձիքով, կրծքամասում` կոճակով, կափույրով և շերտակարով վրադիր գրպաններ, ուղիղ գոտիով, կոճկվում է 8 կոճակով, ուսերին տեղադրված են ուսադիրների ամրակներ, թևքերը` երկար:

2.17. Կարճաթև սպիտակ վերնաշապիկ` հանովի ուսադիրներով

Սպիտակ բամբակյա կտորից, ծալովի օձիքով, կրծքամասում` կոճակով, կափույրով և շերտակարով վրադիր գրպաններ, ուղիղ գոտիով, կոճկվում է 8 կոճակով, ուսերին տեղադրված են ուսադիրների ամրակներ, թևքերը` կարճ:

2.18. Երկարաթև դեղնականաչավուն վերնաշապիկ` հանովի ուսադիրներով

Դեղնականաչավուն բամբակյա կտորից, ծալովի օձիքով, կրծքամասում` կոճակով, կափույրով և շերտակարով վրադիր գրպաններ, ուղիղ գոտիով, կոճկվում է 8 կոճակով, ուսերին տեղադրված են ուսադիրների ամրակներ, թևքերը` երկար:

2.19. Կարճաթև դեղնականաչավուն վերնաշապիկ` հանովի ուսադիրներով

Դեղնականաչավուն բամբակյա կտորից, ծալովի օձիքով, կրծքամասում կոճակով, կափույրով և շերտակարով վրադիր գրպաններ, ուղիղ գոտիով, կոճկվում է 8 կոճակով, ուսերին տեղադրված են ուսադիրների ամրակներ, թևքերը` կարճ:

2.20. Փողկապ` սև գույնի

Սև գույնի կիսաբրդյա կտոր, օձիքի մասը` ռետինե ժապավենով և ամրակով:

2.21. Դեղնականաչավուն փողկապ

Դեղնականաչավուն գույնի կիսաբրդյա կտորից, օձիքի մասը` ռետինե ժապավենով և ամրակով:

2.22. Դեղնականաչավուն կաշնե

Դեղնականաչավուն կիսաբրդյա կտորից` 125 սմ x 24 սմ չափի:

2.23. Տրիկոտաժե սպիտակեղեն

Գործվածքը` բամբակյա թելից:

2.24. Բամբակյա կիսագուլպա

Գործվածքը` բամբակյա թելից:

2.25. Կիսաբրդյա կիսագուլպա

Գործվածքը` կիսաբրդյա թելից:

2.26. Բրդյա հինգմատնյա ձեռնոց

Խիտ բրդյա գործվածքից:

2.27. Տոնական գոտի` Հայաստանի Հանրապետության պետական պահպանության ծառայության խորհրդանիշի պատկեր ունեցող մետաղյա ճարմանդով

Ծիրանագույն սինթետիկ գործվածքից` Հայաստանի Հանրապետության պետական պահպանության ծառայության խորհրդանիշի պատկեր ունեցող մետաղյա ճարմանդով:

2.28. Գոտկատեղի կաշեգոտի

Բնական կաշվից, 50 միլիմետր լայնությամբ, երկանցք, մետաղյա ճարմանդով:

2.29. Դաշտային կաշվե պայուսակ

2.30. Թիկնոցի կաշեգոտի

Օգտագործվում է թիկնոցը կրելու ժամանակ:

2.31. Ուսկապ (ակսելբանտ)` 2 արույրե ծայրապանակով

Ծիրանագույն լարահյուսվածքով:

3. Հայաստանի Հանրապետության պետական պահպանության ծառայության կին զինծառայողների միասնական համազգեստի ձևը և նկարագիրը

3.1. Գլխարկ` ձմեռային

Մահուդից, բաղկացած է թասակից, ականջակալներից և ճակատային մասից (հովհար): Ականջակալները և հովհարը` ոչխարի մոխրագույն մորթուց: Թասակը 4-տապականի է, հովհարի առջևի կենտրոնական մասում ամրացվում է գլխարկանշան: Կառուցվածքով և ձևով նման է 2.3-րդ կետում նկարագրվածին:

3.2. Գլխարկ` ամենօրյա

Սև գույնի կեպի, տաք ներդիրով` լրացված լայնեզր դարձվածքով: Լայնեզր դարձվածքը լցված է 5 միլիմետր հեռավորություն ունեցող զարդակարերով: Ունի զարդապարան, որը քունքամասերում 2 կողմից ամրանում է ոսկեգույն կոճակներով, գլխարկանշան, որն ամրացվում է գլխարկի ճակատամասում:

3.3. Գլխարկ` տոնական

Մուգ կապույտ գույնի, կառուցվածքով և ձևով նման է ամենօրյա գլխարկին:

3.4. Ձմեռային վերարկու

Մահուդից, տաք ներդիրով, երկարությունը` գետնից 29 սանտիմետր բարձր, մեկեզրանի, 3 կոճակով, օձիքով, ներկարված` ռելեֆակարերով, գոտկամասում` կիսահպված ուրվագծով, գրպանները` ներկարված, լիստիկով: Թիկունքամասը` կենտրոնակարով, բաց դարձածալով, ռելեֆակարերով, ռելեֆակարերը գոտկամասում միացված են գոտիով:

3.5. Կիտել` տոնական ուսադիրներով, և կիսաշրջազգեստ

Կիտելը` կապույտ գույնի, երկեզրանի օձիքով, ձախ կրծքամասում` լիստիկով փոքր գրպան, ներկարված` ռելեֆակարերով, գոտկամասում` կիսահպված ուրվագծով, ներքևի գրպանները` ներկարված, լիստիկով: Թիկունքամասը` կենտրոնակարով և ռելեֆակարերով: Թևքերը` երկար, վերջնամասում` փակ դարձվածքով, 3 կոճակով: Կիսաշրջազգեստը` մուգ կապույտ գույնի, պարզ ձևի, գոտիով, հետևի մասը` կենտրոնակարով, բաց դարձածալով:

3.6. Կիտել` ամենօրյա ուսադիրներով, և կիսաշրջազգեստ

Մոխրագույն կտորից, կիտելը` մեկեզրանի, օձիքը` անգլիական, ձախ կրծքամասում` լիստիկով փոքր գրպան, ներկարված` ռելեֆակարերով, գոտկամասում` կիսահպված ուրվագծով, ներքևի գրպանները` ներկարված: Թիկունքամասը` կենտրոնակարով և 4 ռելեֆակարով: Թևքերը` երկկտոր: Կիսաշրջազգեստը` պարզ ձևի, գոտիով, հետևի մասը` կենտրոնակարով և բաց դարձածալով:

3.7. Կիտել` ամառային և կիսաշրջազգեստ

Դարչնագույն կտորից, մեկեզրանի` 5 ոսկեգույն փոքր կոճակով, օձիքով, կրծքի մասում` լայնակի կտրվածքով, փոքր կափույրներով, որոնք կիտելին ամրանում են ոսկեգույն փոքր կոճակներով, գոտկամասում` կիսահպված ուրվագծով, ներկարված` ռելեֆակարերով, վրադիր մեծ գրպաններով, որոնք կոճկվում են կափույրներով և փոքր ոսկեգույն կոճակներով, գրպանները` ձևավորված հանդիպակաց դարձածալով: Կիտելի բոլոր եզրակարերը զարդակարվում են: Թիկունքամասը` կենտրոնակարով և ռելեֆակարերով: Թևքերը` 2 քառորդ, եզրը` դարձածալով և զարդակարով: Կիսաշրջազգեստի հետևի մասը` կենտրոնակարով և դարձածալով:

3.8. Ամառային վերարկու

Մոխրագույն կտորից, ձևվածքն ունի կիսանստած ուրվագիծ, աջ լանջափեշը` 4 կոճկվող գաղտնակար հանգույցով, լանջափեշերն ունեն կողքի կարվածքներ: Աստառը` սինթետիկ, ձախ կողմում ունի ծոցագրպան, ուսադիրները` հանովի:

3.9. Բաճկոն, տաբատ և կեպի` գունաքողարկված գործվածքից

Բամբակյա կտոր` գունաքողարկված թելից: Բաճկոնի առջևի մասը` շղթայով, միջնադիրը` բիազ, 2 վրադիր գրպան` կափույրներով, և 2 ներկարված կողային գրպան, ուսերին տեղադրված են ուսադիրներ` գունաքողարկված թելից: Տաբատը` բամբակյա կտորից` գունաքողարկված թելից, 2 ներկարված կողային գրպան, հետևի մասում` 2 գրպան` կափույրներով, առջևի մասը` շղթայով: Թույլատրվում է կեպիի փոխարեն կրել կարմիր կամ կանաչ բերետ` ըստ նշանակության:

3.10. Ձմեռային կոստյում` արհեստական մորթե օձիքով

Գունաքողարկված թելից, տաք ներդիրով, բաճկոնն ունի 2 ներկարված կողային գրպան, մեկ ծոցագրպան և ծոցագրպան` ատրճանակի համար: Առջևի մասում տեղադրված է շղթա: Օձիքը` հանովի, արհեստական մորթուց: Տաբատը կարված է ուղիղ կարով, 2 կողային գրպանով, առջևի մասում տեղադրված է շղթա:

3.11. Վերնաշապիկ` սպիտակ, երկարաթև

Սպիտակ բամբակյա կտորից, ծալովի օձիքով, կրծքամասում` կոճակով, կափույրով և շերտակարով վրադիր գրպաններ, ուղիղ գոտիով, կոճկվում է 8 կոճակով, ուսերին տեղադրված են ուսադիրների ամրակներ, թևքերը` երկար:

3.12. Վերնաշապիկ` սպիտակ, կարճաթև

Սպիտակ բամբակյա կտորից, ծալովի օձիքով, կրծքամասում` կոճակով, կափույրով և շերտակարով վրադիր գրպաններ, ուղիղ գոտիով, կոճկվում է 8 կոճակով, ուսերին տեղադրված են ուսադիրների ամրակներ, թևքերը` կարճ:

3.13. Թիկնոց-ուսնոց

Անջրաթափանց դեղնականաչավուն կտորից, 2 կողային բացվածքով` ձեռքերի համար, և գլխանոցով:

3.14. Կանացի ներքնազգեստ

Ներքնազգեստ` ամառային և ձմեռային, գուլպա` տրիկոտաժե, սև, մուգ, մոխրագույն, զուգագուլպա` կիսաբրդյա, կապրոնե:

3.15. Փողկապ` սև

Սև կիսաբրդյա կտոր, օձիքի մասը` ռետինե ժապավենով և ամրակով:

3.16. Փողկապ` մուգ կապույտ

Մուգ կապույտ կիսաբրդյա կտոր, օձիքի մասը` ռետինե ժապավենով և ամրակով:

3.17. Կիսաճտքավոր կոշիկ

Սև կաշվից: Երեսամասը` ամբողջական առաջամասով:

3.18. Երկարաճիտ կոշիկ

Սև կաշվից: Երկար ճիտքերով, երեսամասը` ամբողջական առաջամասով:

3.19. Կոշիկ

Սև կաշվից: Երեսամասը` ամբողջական առաջամասով:

3.20. Կաշվե գոտի

Բնական կաշվից, 50 միլիմետր լայնությամբ, երկանցք, մետաղյա ճարմանդով:

3.21. Թիկնոց-ուսնոցի կաշեգոտի

Օգտագործվում է թիկնոցը կրելու ժամանակ:

Հայաստանի Հանրապետության պետական պահպանության ծառայության կին սպաների, ենթասպաների ուսադիրներին աստղերը տեղադրվում են համաձայն հետևյալ աղյուսակի`

Զինվորական կոչումը Աստղերի թիվը` ուսադիրների վրա Աստղերի տրամագիծը(մմ) Տարածությունն ուսադիրների ներքևի եզրից մինչև 1-ին աստղի կենտրոնը (մմ)
Ուսադիրների երկարությամբ աստղերի կենտրոնների միջև ընկած տարածությունը (մմ)

Փոխգնդապետ 2 20 25

Մայոր 1 20 45 -

Կապիտան 4 13 25 25

Ավագ լեյտենանտ 3 13 25 25

Լեյտենանտ 2 13 25 -

Կրտսեր լեյտենանտ 1 13 45 -

Ավագ ենթասպա 3 13 25 25

Ենթասպա 2 13 25 25

Հայաստանի Հանրապետության
կառավարության աշխատակազմի
ղեկավար-նախարար
Մ. Թոփուզյան

Հավելված N 2
ՀՀ կառավարության 2004 թվականի
դեկտեմբերի 9-ի N 1783-Ն որոշման

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ՊԱՀՊԱՆՈՒԹՅԱՆ ԶԻՆԾԱՌԱՅՈՂՆԵՐԻ ՏԱՐԲԵՐԱՆՇԱՆՆԵՐԻ ՁԵՎԸ ԵՎ ՆԿԱՐԱԳԻՐԸ

1. Թևքանշանը` Հայաստանի Հանրապետության դրոշի, զինանշանի և Հայաստանի Հանրապետության պետական պահպանության ծառայության խորհրդանիշի պատկերով` 11 սմ x 8 սմ կապույտ ֆոնի վրա։ Թույլատրվում է թևքանշանի գրառումները կատարել հապավմամբ։

2. Խորհրդանշանները` 1,4 սմ x 2,7 սմ, ոսկեգույն և կանաչ (դաշտային հանդերձանքի համար)` պլաստմասսայե։

3. Տոնական գոտու ճարմանդը` օվալաձև, արույրե` Հայաստանի Հանրապետության պետական պահպանության ծառայության խորհրդանիշի պատկերով։

4. Գլխարկանշանը` Հայաստանի Հանրապետության զինանշանի պատկերով, մետաղյա։

5. Տոնական ուսադիրները` ոսկեգույն դաշտով, կապույտ մակաշերտերով։ Տոնական սպիտակ վերնաշապիկի ուսադիրները` սպիտակ դաշտով, մակաշերտը` կապույտ։

Ամենօրյա ուսադիրները` կապույտ մակաշերտով։

Հայաստանի Հանրապետության պետական պահպանության ծառայության սպաների, ենթասպաների ուսադիրներին աստղերը տեղադրվում են համաձայն հետևյալ աղյուսակի`

Զինվորական կոչումը Աստղերի թիվը` ուսադիրների վրա Աստղերի տրամագիծը(մմ) Տարածությունն ուսադիրների ներքևի եզրից մինչև 1-ին աստղի կենտրոնը (մմ)
Ուսադիրների երկարությամբ աստղերի կենտրոնների միջև ընկած տարածությունը (մմ)

Գեներալ-գնդապետ 3 22 25 25

Գեներալ-լեյտենանտ 2 22 25 25

Գեներալ-մայոր 1 22 45 -

Գնդապետ 3 20 25 25

Փոխգնդապետ 2 20 25 -

Մայոր 1 20 45 -

Կապիտան 4 13 25 25

Ավագ լեյտենանտ 3 13 25 25

Լեյտենանտ 2 13 25 -

Կրտսեր լեյտենանտ 1 13 45 -

Ավագ ենթասպա 3 13 25 25

Ենթասպա 2 13 25 25

Հայաստանի Հանրապետության
կառավարության աշխատակազմի
ղեկավար-նախարար Մ. Թոփուզյան

Ներմուծեք նկարագրությունը_1353

Ներմուծեք նկարագրությունը_1817

Ներմուծեք նկարագրությունը_1820

Ներմուծեք նկարագրությունը_1821

Ներմուծեք նկարագրությունը_1822

Ներմուծեք նկարագրությունը_1823

Ներմուծեք նկարագրությունը_1824

Ներմուծեք նկարագրությունը_1825

Ներմուծեք նկարագրությունը_1826

Ներմուծեք նկարագրությունը_1828

Ներմուծեք նկարագրությունը_1829

Ներմուծեք նկարագրությունը_1830

Ներմուծեք նկարագրությունը_1831

Ներմուծեք նկարագրությունը_1832

Ներմուծեք նկարագրությունը_1833

Ներմուծեք նկարագրությունը_1834

Ներմուծեք նկարագրությունը_1835

$Ներմուծեք նկարագրությունը_1836$

$Ներմուծեք նկարագրությունը_1591$

Ներմուծեք նկարագրությունը_1837

Ներմուծեք նկարագրությունը_1838

Ներմուծեք նկարագրությունը_1839

Ներմուծեք նկարագրությունը_1608

Ներմուծեք նկարագրությունը_1840

Ներմուծեք նկարագրությունը_1842

Ներմուծեք նկարագրությունը_1843

Ներմուծեք նկարագրությունը_1844

Ներմուծեք նկարագրությունը_1845

Ներմուծեք նկարագրությունը_1846

Ներմուծեք նկարագրությունը_1847

Հայաստանի Հանրապետության վարչապետ	Ա. Մարգարյան
2004 թ. դեկտեմբերի 15 Երևան