«ՎԱՎԵՐԱՑՆՈՒՄ ԵՄ»

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՆԱԽԱԳԱՀ Ռ. ՔՈՉԱՐՅԱՆ

13 հուլիսի 2004 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

25 հունիսի 2004 թվականի N 976-Ն

ՎԱՆԱՁՈՐՈՒՄ ԵՎ ՍԻՍԻԱՆՈՒՄ «ՀԱՅԿԱԿԱՆ ԳՅՈՒՂԱՏՆՏԵՍԱԿԱՆ ԱԿԱԴԵՄԻԱ» ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅԱՆ ՄԱՍՆԱՃՅՈՒՂԵՐ ՍՏԵՂԾԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2002 ԹՎԱԿԱՆԻ ՄԱՅԻՍԻ 31-Ի N 643 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ

«Պետական ոչ առևտրային կազմակերպությունների մասին» Հայաստանի Հանրապետության օրենքի 8-րդ հոդվածի 1-ին կետին համապատասխան` Հայաստանի Հանրապետության կառավարությունը որոշում է.

1. Վանաձորում և Սիսիանում ստեղծել «Հայկական գյուղատնտեսական ակադեմիա» պետական ոչ առևտրային կազմակերպության մասնաճյուղեր:

2. Հայաստանի Հանրապետության կառավարության 2002 թվականի մայիսի 31-ի «Հայկական գյուղատնտեսական ակադեմիա» պետական ոչ առևտրային կազմակերպության կանոնադրությունը հաստատելու մասին» N 643 որոշման մեջ կատարել հետևյալ փոփոխությունը`

որոշմամբ հաստատված կանոնադրության 21-րդ կետը շարադրել հետևյալ խմբագրությամբ.

«21. Ակադեմիայի ինքնուրույն ուսումնական կառուցվածքային ստորաբաժանումներն են` դեպարտամենտները, ֆակուլտետները, ամբիոնները, քոլեջները, վարժարանները, ուսումնական կենտրոնները, ուսումնափորձնական տնտեսությունները:

Ակադեմիայի տարածքային առանձնացված ստորաբաժանումներն են` մասնաճյուղերը:

Ակադեմիայի կառուցվածքային և առանձնացված ստորաբաժանումների իրավասությունները սահմանվում են սույն և իրենց կանոնադրություններով»:

3. Հայաստանի Հանրապետության կրթության և գիտության նախարարին, Հայաստանի Հանրապետության Լոռու և Սյունիքի մարզպետներին` ձեռնարկել համապատասխան միջոցառումներ «Հայկական գյուղատնտեսական ակադեմիա» պետական ոչ առևտրային կազմակերպության` Վանաձորի և Սիսիանի մասնաճյուղերի բնականոն գործունեությունն սկսելու համար:

4. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության վարչապետ	Ա. Մարգարյան
2004 թ. հունիսի 30 Երևան