Գլխավոր տեղեկություն
Номер
N 394-Ն
Տիպ
Որոշում
Тип
Исходный акт (08.05.2003-по сей день)
Статус
Գործում է
Первоисточник
ՀՀՊՏ 2008.05.07/27(617) Հոդ.411
Принят
ՀՀ կառավարություն
Дата принятия
10.04.2003
Подписан
ՀՀ վարչապետ
Дата подписания
15.04.2003
Վավերացնող մարմին
ՀՀ Նախագահ
Վավերացման ամսաթից
22.04.2003
Дата вступления в силу
08.05.2003

«Վավերացնում եմ»
Հայաստանի Հանրապետության
Նախագահ Ռ. Քոչարյան
22 ապրիլի 2003 թ.

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

 

Ո Ր Ո Շ ՈՒ Մ

 

10 ապրիլի 2003 թվականի N 394-Ն  

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2001 ԹՎԱԿԱՆԻ ՕԳՈՍՏՈՍԻ 6-Ի N 701 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ԵՎ ԵՐԵՎԱՆԻ ՔԱՂԱՔԱՊԵՏԱՐԱՆԻՆ ՇԵՆՔ ՀԱՆՁՆԵԼՈՒ ՄԱՍԻՆ

 

Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2001 թվականի օգոստոսի 6-ի «Երևան քաղաքի առողջապահության համակարգի օպտիմալացման ծրագիրը հաստատելու մասին» N 701 որոշման մեջ կատարել հետևյալ փոփոխությունները`

ուժը կորցրած ճանաչել որոշմամբ հաստատված ծրագրի «Հիվանդանոցային և մասնագիտացված բուժօգնության համակարգ» և «Օպտիմալացումը` ըստ առանձին բուժհաստատությունների» բաժինների «N 6 մանկական նևրոլոգիական հիվանդանոց» փակ բաժնետիրական ընկերությանը վերաբերող կետերը:

2. Հայաստանի Հանրապետության կրթության և գիտության նախարարության տնօրինության` Երևանի Մոլդովական փողոցի N 41 հասցեում գտնվող շենքի «N 6 մանկական նևրոլոգիական հիվանդանոց» փակ բաժնետիրական ընկերության կողմից զբաղեցված երկու մասնաշենքերը` 4260 քառ. մետր ընդհանուր մակերեսով, հանձնել Երևանի քաղաքապետարանի տնօրինությանը:

3. Հայաստանի Հանրապետության կրթության և գիտության նախարարին և Երևանի քաղաքապետին` մեկամսյա ժամկետում` սահմանված կարգով ապահովել սույն որոշման 2-րդ կետում նշված մասնաշենքերի հանձնման-ընդունման աշխատանքների կատարումը և գույքային իրավունքների պետական գրանցումը:

4. Երևանի քաղաքապետին` սույն որոշման 3-րդ կետում նշված աշխատանքները կատարելուց հետո մեկամսյա ժամկետում` սահմանված կարգով սույն որոշման 2-րդ կետում նշված մասնաշենքերը ներդնել «N 6 մանկական նևրոլոգիական հիվանդանոց» փակ բաժնետիրական ընկերության կանոնադրական կապիտալում:

5. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

 

Հայաստանի Հանրապետության վարչապետ

Ա. Մարգարյան


2003 թ. ապրիլի 15
Երևան

Փոփոխման պատմություն
Փոփոխող ակտ Համապատասխան ինկորպորացիան
Փոփոխված ակտ
Փոփոխող ակտ Համապատասխան ինկորպորացիան