«Վավերացնում եմ»

Հայաստանի Հանրապետության

Նախագահ Ռ. Քոչարյան

16 սեպտեմբերի 2003 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

21 օգոստոսի 2003 թվականի N 1116-Ն

ԵՐԵՎԱՆԻ ՔԱՂԱՔԱՊԵՏԱՐԱՆԻՆ ԳՈՒՅՔ ՀԱՆՁՆԵԼՈՒ ՄԱՍԻՆ

Ղեկավարվելով «Պետական կառավարչական հիմնարկների մասին»  Հայաստանի Հանրապետության օրենքի 11-րդ հոդվածի 1-ին կետի «գ»  ենթակետով և «բաժնետիրական ընկերությունների մասին» Հայաստանի Հանրապետության օրենքի 68-րդ հոդվածի 7-րդ կետով` Հայաստանի Հանրապետության կառավարությունը որոշում է.

1. «Կանաչապատում» պետական փակ բաժնետիրական ընկերության գույքի կազմից Հայաստանի Հանրապետության օրենսդրությամբ սահմանված կարգով առանձնացնել 30000000 դրամ հաշվեկշռային արժեք ունեցող գույքը` համաձայն հավելվածի, և այն հանձնել Հայաստանի Հանրապետությանը` ի դեմս Երևանի քաղաքապետարանի:

2. Երևանի քաղաքապետին`

ա) սույն որոշման 1-ին կետում նշված գույքի հաշվեկշռային արժեքի և գույքի օտարման ժամանակ առաջացող ավելացված արժեքի հարկի հանրագումարի չափով` Հայաստանի Հանրապետության օրենսդրությամբ սահմանված կարգով նվազեցնել «Կանաչապատում» պետական փակ բաժնետիրական ընկերության կանոնադրական կապիտալը.

բ) 30-օրյա ժամկետում` սահմանված կարգով ապահովել սույն որոշման 1-ին կետի պահանջների կատարումը:

3. Թույլատրել Երևանի քաղաքապետին Երևանի զբոսայգիների, պուրակների ու այգիների տարածքները և ներքին ոռոգման ցանցն անհատույց օգտագործման իրավունքով հանձնել համապատասխան թաղային համայնքներին` Հայաստանի Հանրապետության օրենսդրությամբ սահմանված կարգով:

4. Սահմանել, որ Հայաստանի Հանրապետության հողային օրենսգրքի 47-րդ հոդվածին համապատասխան` թաղային համայնքները սույն որոշման 3-րդ կետում նշված գույքը կարող են օգտագործման (վարձակալության) իրավունքով տրամադրել միայն Երևանի քաղաքապետի համաձայնությամբ:

5. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության վարչապետ	Ա. Մարգարյան
2003 թ. սեպտեմբերի 11 Երևան

Հավելված ՀՀ կառավարության 2003 թվականի օգոստոսի 21-ի N 1116-Ն որոշման

Ց Ա Ն Կ

«ԿԱՆԱՉԱՊԱՏՈՒՄ» ՊԵՏԱԿԱՆ ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ԳՈՒՅՔԻ ԿԱԶՄԻՑ ԱՌԱՆՁՆԱՑՎԱԾ ԵՎ ԵՐԵՎԱՆԻ ՔԱՂԱՔԱՊԵՏԱՐԱՆԻՆ ՀԱՆՁՆՎՈՂ ԳՈՒՅՔԻ

NN ը/կ	Գույքի անվանումը	Քանակը	Հաշվեկշռային արժեքը (դրամ)
1.	Թատերական զբոսայգի		792000
2.	Կիրովի զբոսայգի		299200
3.	Մյասնիկյանի արձանին հարող պուրակ		52800
4.	2750-ամյակի շատրվաններին հարող պուրակ		140800
5.	Սարյանի պուրակ		132000
6.	Կոնսերվատորիայի պուրակ		110000
7.	Թամանյանի արձանի դիմացի պուրակ		88000
8.	«Կասկադ» պուրակ		44000
9.	Ազատության հրապարակի պուրակ		66000
10.	Ուսանողական զբոսայգի		167200
11.	Գլխավոր պողոտայի պուրակ		598444
12.	Օղակաձև զբոսայգի (1-6 հատվածներ)		3048760
13.	Խ. Աբովյանի անվ. մանկական զբոսայգի		149600
14.	«Բարեկամություն» զբոսայգի		207812
15.	Ծիծեռնակաբերդի անտառ-պարկ		5358980
16.	ՀՀ Ազգային ժողովի այգի		1404172
17.	ՀՀ Նախագահի նստավայրի այգի		817476
18.	ՀՀ կառավարության ընդունելությունների տան այգի		431112
19.	ՀՀ կառավարության Հրազդանի կիրճի ամառանոցի այգի		1857856
20.	Հրազդանի կիրճի անտառ-պարկ		2033504
21.	Եռաբլուրի անտառ-պարկ		841805
22.	«Հաղթանակ» զբոսայգի		797456
23.	Արաբկիրի մանկական զբոսայգի		123024
24.	Կոմիտասի անվան զբոսայգի		447748
25.	Նոր Նորքի զբոսայգի		191307
26.	Էրեբունու մանկական զբոսայգի		137544
27.	Քանաքեռ ՀԷԿ-ի անտառ-պարկ		330413
28.	Արաբկիր համայնքի ներքին ոռոգման ցանց	1672 գծմ	606012
29.	Կենտրոն համայնքի ներքին ոռոգման ցանց	17079 գծմ	6025188
30.	Մալաթիա-Սեբաստիա համայնքի ներքին ոռոգման ցանց	1650 գծմ	580800
31.	Շենգավիթ համայնքի ներքին ոռոգման ցանց	1429 գծմ	503052
32.	Էրեբունի համայնքի ներքին ոռոգման ցանց	942 գծմ	331584
33.	Քանաքեռ-Զեյթուն համայնքի ներքին ոռոգման ցանց	2299 գծմ	809248
34.	Հրազդանի կիրճի ներքին ոռոգման ցանց	1311 գծմ	475103
	Ընդամենը		30.000000

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան