Գլխավոր տեղեկություն
Номер
N 698-Ն
Տիպ
Որոշում
Тип
Исходный акт (03.07.2003-12.08.2004)
Статус
Գործում է
Первоисточник
ՀՀՊՏ 2003.07.02/35(270) Հոդ.620
Принят
ՀՀ կառավարություն
Дата принятия
15.05.2003
Подписан
ՀՀ վարչապետ
Дата подписания
03.06.2003
Վավերացնող մարմին
ՀՀ Նախագահ
Վավերացման ամսաթից
16.06.2003
Дата вступления в силу
03.07.2003

«Վավերացնում եմ»
Հայաստանի Հանրապետության
Նախագահ Ռ. Քոչարյան
 16 հունիսի 2003 թ.


ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ


Ո Ր Ո Շ ՈՒ Մ

 

15 մայիսի 2003 թվականի N 698-Ն


ԵՐԵՎԱՆԻ ԿԵՆՏՐՈՆ ԹԱՂԱՅԻՆ ՀԱՄԱՅՆՔԻ ՎԱՐՉԱԿԱՆ ՍԱՀՄԱՆՆԵՐՈՒՄ ԳՏՆՎՈՂ ՊԵՏԱԿԱՆ ՍԵՓԱԿԱՆՈՒԹՅՈՒՆ ՀԱՆԴԻՍԱՑՈՂ ԶԲՈՍԱՅԳԻՆԵՐԻ, ՊՈՒՐԱԿՆԵՐԻ ՈՒ ԱՅԳԻՆԵՐԻ ՏԱՐԱԾՔՆԵՐԸ «ԿԵՆՏՐՈՆ-ԿԱՆԱՉԱՊԱՏՈՒՄ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆԸ ՎԱՐՁԱԿԱԼՈՒԹՅԱՆ ԻՐԱՎՈՒՆՔՈՎ ՏՐԱՄԱԴՐԵԼՈՒ ՄԱՍԻՆ

 

Հայաստանի Հանրապետության հողային օրենսգրքի 76-րդ հոդվածի 5-րդ մասին համապատասխան՝ Հայաստանի Հանրապետության կառավարությունը որոշում է.

1. Երևանի Կենտրոն թաղային համայնքի վարչական սահմաններում գտնվող՝ պետական սեփականություն հանդիսացող և սահմանված կարգով այլ անձանց՝ օգտագործման իրավունքով չհատկացված զբոսայգիների, պուրակների ու այգիների տարածքները վարձակալության իրավունքով 25 տարի ժամկետով տրամադրել «Կենտրոն-Կանաչապատում» փակ բաժնետիրական ընկերությանը՝ տվյալ հողամասի հողի հարկի դրույքաչափին հավասարեցված տարեկան վարձավճարով:

2. Թույլատրել «Կենտրոն-Կանաչապատում» փակ բաժնետիրական ընկերությանը փոքր չափերի դենդրոպարկեր ու մանկական խաղահրապարակներ կառուցելու, կանաչ զանգվածը պահպանելու, բարեկարգելու և ավելացնելու, ինչպես նաև հանրության հանգիստն առավել արդյունավետ կազմակերպելուն ուղղված սպասարկման ծառայություններ իրականացնելու նպատակով վարձակալության օբյեկտ հանդիսացող հողամասերը տրամադրել այլ անձանց՝ ենթավարձակալության:

3. Սահմանել, որ Երևանի Կենտրոն թաղային համայնքի վարչական սահմաններում գտնվող՝ պետական սեփականություն հանդիսացող և սահմանված կարգով այլ անձանց՝ օգտագործման իրավունքով հատկացված զբոսայգիների, պուրակների ու այգիների հողամասերի վարձակալության պայմանագրերով վարձատուի լիազորությունները Հայաստանի Հանրապետության անունից, որպես վերջինիս ներկայացուցիչ, իրականացնում է «Կենտրոն-Կանաչապատում» փակ բաժնետիրական ընկերությունը:

4. Երևանի քաղաքապետին՝ սույն որոշման 3-րդ կետով սահմանված գործառույթների իրականացումն ապահովելու նպատակով «Կենտրոն-Կանաչապատում» փակ բաժնետիրական ընկերությանը տալ համապատասխան լիազորագիր:

5. Սույն որոշումն ուժի մեջ է մտնում պաշտոնական հրապարակմանը հաջորդող օրվանից։

 

Հայաստանի Հանրապետության
վարչապետ 

 Ա. Մարգարյան


2003 թ. հունիսի 3
    Երևան

  

Փոփոխման պատմություն
Փոփոխող ակտ Համապատասխան ինկորպորացիան
09.03.2006, N 254-Ն 23.03.2006, N 698-Ն
15.07.2004, N 1043-Ն 12.08.2004, N 698-Ն
Փոփոխված ակտ
Փոփոխող ակտ Համապատասխան ինկորպորացիան