«ՎԱՎԵՐԱՑՆՈՒՄ ԵՄ»

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՆԱԽԱԳԱՀ Ռ. ՔՈՉԱՐՅԱՆ

4 փետրվարի 2004 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

22 հունվարի 2004 թվականի N 41-Ն

ԱՊԱՀՈՎԱԳՐԱԿԱՆ ՍՏԱԺՈՒՄ ՀԱՇՎԱՌՎՈՂ ԱՅԼ ԲՆՈՒՅԹԻ ԳՈՐԾՈՒՆԵՈՒԹՅԱՆ ԺԱՄԱՆԱԿԱՀԱՏՎԱԾՆԵՐԻ ՖԻՆԱՆՍԱՎՈՐՈՒՄԸ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԲՅՈՒՋԵԻ ՄԻՋՈՑՆԵՐԻ ՀԱՇՎԻՆ ԻՐԱԿԱՆԱՑՆԵԼՈՒ ՄԱՍԻՆ

Համաձայն «Պետական կենսաթոշակների մասին» Հայաստանի Հանրապետության օրենքի 45-րդ հոդվածի 6-րդ մասի` Հայաստանի Հանրապետության կառավարությունը որոշում է.

1. Սահմանել, որ «Պետական կենսաթոշակների մասին» Հայաստանի Հանրապետության օրենքի 45-րդ հոդվածի 4-րդ մասով, 5-րդ մասի 1-ին ու 4-8-րդ կետերով և 48-րդ հոդվածով սահմանված կարգով հաշվարկված և ապահովագրական ստաժում հաշվառված այլ բնույթի գործունեության ժամանակահատվածների ֆինանսավորումը, սկսած 2004 թվականի հունվարից, իրականացվում է Հայաստանի Հանրապետության պետական բյուջեի միջոցների հաշվին:

2. Հաստատել ապահովագրական ստաժում հաշվառվող այլ բնույթի գործունեության ժամանակահատվածների ֆինանսավորումն իրականացնելու կարգը` համաձայն հավելվածի:

3. Հայաստանի Հանրապետության սոցիալական ապահովագրության պետական հիմնադրամի նախագահին` յուրաքանչյուր տարի հաշվարկել ապահովագրական ստաժում հաշվառվող այլ բնույթի գործունեության ժամանակահատվածների ֆինանսավորումն իրականացնելու համար պահանջվող գումարները և 2005 թվականից սկսած առանձին տողով արտացոլել Հայաստանի Հանրապետության պարտադիր սոցիալական ապահովագրության բյուջեի նախագծում:

4. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության վարչապետ	Ա. Մարգարյան
2004 թ. փետրվարի 2 Երևան

Հավելված ՀՀ կառավարության 2004 թվականի հունվարի 22-ի N 41-Ն որոշման

Կ Ա Ր Գ

ԱՊԱՀՈՎԱԳՐԱԿԱՆ ՍՏԱԺՈՒՄ ՀԱՇՎԱՌՎՈՂ ԱՅԼ ԲՆՈՒՅԹԻ ԳՈՐԾՈՒՆԵՈՒԹՅԱՆ ԺԱՄԱՆԱԿԱՀԱՏՎԱԾՆԵՐԻ ՖԻՆԱՆՍԱՎՈՐՈՒՄՆ ԻՐԱԿԱՆԱՑՆԵԼՈՒ

1. Հայաստանի Հանրապետության սոցիալական ապահովագրության պետական հիմնադրամը`

ա) իր տարածքային ստորաբաժանումներից ստանում է կենսաթոշակառուների ընդհանուր ապահովագրական ստաժում հաշվառված այլ բնույթի գործունեության ժամանակահատվածների (տարիների թվի) մասին տվյալներ և ամփոփում դրանք.

բ) այլ բնույթի գործունեության ժամանակահատվածների ֆինանսավորումն իրականացնելու համար պահանջվող գումարը հաշվարկում է` այդ ժամանակահատվածների տարիների ընդհանուր թիվը բազմապատկելով ապահովագրական ստաժի մեկ տարվա` Հայաստանի Հանրապետության կառավարության սահմանած արժեքով.

գ) յուրաքանչյուր ամիս Հայաստանի Հանրապետության ֆինանսների և էկոնոմիկայի նախարարություն է ներկայացնում ֆինանսավորման հայտ-պահանջագիր:

2. Հայաստանի Հանրապետության ֆինանսների և էկոնոմիկայի նախարարությունը ֆինանսավորման հայտ-պահանջագրի հիման վրա գանձապետական բաժանմունքի միջոցով Հայաստանի Հանրապետության սոցիալական ապահովագրության պետական հիմնադրամի համապատասխան գանձապետական հաշվին է փոխանցում հատկացվող գումարը:

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան