«Վավերացնում եմ»
Հայաստանի Հանրապետության
Նախագահ Ռ. Քոչարյան
«11» հունիսի 2002 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
30 մայիսի 2002 թվականի N 740-Ա
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2001 ԹՎԱԿԱՆԻ ՍԵՊՏԵՄԲԵՐԻ 8-Ի N 838 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄ ԿԱՏԱՐԵԼՈՒ ՄԱՍԻՆ
Հայաստանի Հանրապետության կառավարությունը որոշում է.
1. Հայաստանի Հանրապետության կառավարության 2001 թվականի սեպտեմբերի 8-ի «Սապֆիր» բաց բաժնետիրական ընկերության պետական սեփականություն հանդիսացող բաժնետոմսերը մասնավորեցնելու մասին» N 838 որոշման մեջ կատարել հետևյալ փոփոխությունները և լրացումը`
ա) որոշման 1-ին կետում «1724286 հազ. դրամ» բառերը փոխարինել «1507323 հազ. դրամ» բառերով.
բ) որոշման 1-ին կետը լրացնել հետևյալ բովանդակությամբ նոր` 1.1-ին կետով.
«1.1. Հաշվեկշռային մեթոդով 1724286 հազ. դրամ գնահատված ակտիվներ ունեցող «Սապֆիր» բաց բաժնետիրական ընկերության գույքի կազմից առանձնացնել և Հայաստանի Հանրապետության պետական գույքի կառավարման նախարարության տնօրինությանը հանձնել հաշվեկշռային մեթոդով 216963 հազ. դրամ գնահատված ոչ պրոֆիլային օբյեկտները` Հայաստանի Հանրապետության Կոտայքի մարզի Գետամեջ գյուղում գտնվող` Գետամեջի գազատարը և Գետամեջի թռչնաբուծական ֆաբրիկան, Մարմարիկ գյուղի Մարմարիկի պիոներ. ճամբարը, Ծաղկաձոր քաղաքի Ծաղկաձորի հանգստյան գոտին, Հայաստանի Հանրապետության Գեղարքունիքի մարզի Վարդենիկ գյուղում գտնվող սարքաշինական արտադրամասի խանութը, ակումբը և հացի փուռը, Վարդենիկի հանգստյան գոտին, Երևանի Սեբաստիայի փողոցում գտնվող պահեստային շենքը».
գ) որոշման 2-րդ կետում «825474 հազ. դրամ» և «825474 բաժնետոմսի» բառերը համապատասխանաբար փոխարինել «608511 հազ. դրամ» և «608511 բաժնետոմսի» բառերով.
դ) որոշման 3-րդ կետում «533256 հազ. դրամ» և «533256 բաժնետոմսի» բառերը համապատասխանաբար փոխարինել «393098 հազ. դրամ» և «393098 բաժնետոմսի» բառերով.
ե) որոշման 4-րդ կետում «400000 հազ. դրամ» և «300000 հազ. դրամ» բառերը համապատասխանաբար փոխարինել «291518 հազ. դրամ» և «191518 հազ. դրամ» բառերով.
զ) ուժը կորցրած ճանաչել որոշման 7-րդ կետի «բ» ենթակետը:
2. Հայաստանի Հանրապետության պետական գույքի կառավարման նախարարին`
ա) 15-օրյա ժամկետում` 2001 թվականի սեպտեմբերի 21-ին կնքված Բաժնետոմսերի առուվաճառքի (մասնավորեցման) N 165-Ու պայմանագրում Հայաստանի Հանրապետության օրենսդրությամբ սահմանված կարգով կատարել համապատասխան փոփոխություններ` նախատեսելով, որ գնորդը պայմանագրի ընդհանուր արժեքը` 291518 հազ. դրամը, և վճարումների ուշացման հետևանքով նշված պայմանագրի 7.3-րդ կետի հիման վրա հաշվարկված 24000000 դրամ տույժի գումարը պետք է վճարի մասնավորեցման պայմանագրում փոփոխություններ կատարելու մասին պայմանագրի կնքման օրվանից եռամսյա ժամկետում.
բ) 1-ամսյա ժամկետում «Սապֆիր» բաց բաժնետիրական ընկերության հետ Հայաստանի Հանրապետության օրենսդրությամբ սահմանված կարգով կատարել ընկերության գույքի կազմից առանձնացված` սույն որոշման 1-ին «բ» ենթակետում նշված ոչ պրոֆիլային օբյեկտների հանձնման-ընդունման աշխատանքները, որից հետո երկամսյա ժամկետում Հայաստանի Հանրապետության օրենսդրությամբ սահմանված կարգով Հայաստանի Հանրապետության կառավարություն ներկայացնել առաջարկություն դրանց մասնավորեցման վերաբերյալ:
|
Հայաստանի Հանրապետության |
Ա. Մարգարյան |
|
|
| Փոփոխող ակտ | Համապատասխան ինկորպորացիան |
|---|
| Փոփոխող ակտ | Համապատասխան ինկորպորացիան |
|---|