«Վավերացնում եմ»

Հայաստանի Հանրապետության

Նախագահ Ռ. Քոչարյան

21 դեկտեմբերի 2002 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

31 հոկտեմբերի 2002 թվականի N 1934-Ն

ՄԱՔՍԱՅԻՆ ԾԱՌԱՅՈՂՆԵՐԻՆ ԸՍՏ ԶԲԱՂԵՑՐԱԾ ՊԱՇՏՈՆԻ ՀԱՍԱՆԵԼԻՔ ԱՌԱՎԵԼԱԳՈՒՅՆ ՀԱՏՈՒԿ ԿՈՉՈՒՄՆԵՐԸ, ԻՆՉՊԵՍ ՆԱԵՎ ԵՐԿԱՐԱՄՅԱ ԾԱՌԱՅՈՒԹՅԱՆ ՀԱՄԱՐ ՀԱՄԱՊԱՏԱՍԽԱՆ ԴՐԱՄԱԿԱՆ ՀԱՎԵԼԱՎՃԱՐՆԵՐԻ ՉԱՓԵՐԸ ՍԱՀՄԱՆԵԼՈՒ ՄԱՍԻՆ

«Մաքսային ծառայության մասին» Հայաստանի Հանրապետության օրենքի 18-րդ հոդվածի երկրորդ և 41-րդ հոդվածի առաջին մասերին համապատասխան` Հայաստանի Հանրապետության կառավարությունը որոշում է.

1. Սահմանել մաքսային ծառայողներին ըստ զբաղեցրած պաշտոնի հասանելիք առավելագույն հատուկ կոչումները և դրանց համապատասխան դրամական հավելավճարների չափերը` համաձայն N 1 հավելվածի:

2. Սահմանել երկարամյա ծառայության համար մաքսային ծառայողներին տրվող դրամական հավելավճարների չափերը` համաձայն N 2 հավելվածի:

Սույն կետով նախատեսված հավելավճարների սահմանման համար հիմք հանդիսացող աշխատանքային ստաժում ընդգրկվում է այն աշխատանքը կամ ծառայությունը, որի համար անձը կրել է նախկին աշխատանքի կամ ծառայության վայրում շնորհված դասային, հատուկ կամ զինվորական կոչումներ:

3. ՈՒժը կորցրած ճանաչել Հայաստանի Հանրապետության կառավարության 2001 թվականի փետրվարի 5-ի «Հայաստանի Հանրապետության մաքսային մարմինների պաշտոնատար անձանց հատուկ և դասային կոչումներ շնորհելու, ըստ զբաղեցրած պաշտոնների հասանելիք (առավելագույն) հատուկ և դասային կոչումներ սահմանելու, հատուկ և դասային կոչումների համար համապատասխան դրամական հավելավճարներ տալու կարգը հաստատելու մասին» N 78 որոշումը:

4. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության վարչապետ	Ա. Մարգարյան
2002 թ. դեկտեմբերի 17 Երևան

Հավելված N 1 ՀՀ կառավարության 2002 թվականի հոկտեմբերի 31-ի N 1934-Ն որոշման

Ց Ա Ն Կ

ՄԱՔՍԱՅԻՆ ԾԱՌԱՅՈՂՆԵՐԻՆ ԸՍՏ ԶԲԱՂԵՑՐԱԾ ՊԱՇՏՈՆԻ ՀԱՍԱՆԵԼԻՔ ԱՌԱՎԵԼԱԳՈՒՅՆ ՀԱՏՈՒԿ ԿՈՉՈՒՄՆԵՐԻ ԵՎ ԴՐԱՆՑ ՀԱՄԱՊԱՏԱՍԽԱՆ ԴՐԱՄԱԿԱՆ ՀԱՎԵԼԱՎՃԱՐՆԵՐԻ ՉԱՓԵՐԻ

Հատուկ կոչումը	Զբաղեցրած պաշտոնը	Հատուկ կոչման համար տրվող դրամական հավելավճարի չափը (դրամ)
Մաքսային ծառայության գեներալ-մայոր	Վերադաս մաքսային մարմնի ղեկավար Վերադաս մաքսային մարմնի ղեկավարի տեղակալ	9320
Մաքսային ծառայության գնդապետ	Վերադաս մաքսային մարմնի վարչության պետ Վերադաս մաքսային մարմնի վարչության պետի տեղակալ Վերադաս մաքսային մարմնի մաքսատան պետ	7760
Մաքսային ծառայության փոխգնդապետ	Վերադաս մաքսային մարմնի բաժնի պետ Վերադաս մաքսային մարմնի բաժնի պետի տեղակալ Վերադաս մաքսային մարմնի մաքսատան պետի տեղակալ Վերադաս մաքսային մարմնի մաքսային կետի պետ	7300
Մաքսային ծառայության մայոր	Վերադաս մաքսային մարմնի գլխավոր մաքսային տեսուչ Վերադաս մաքսային մարմնի մաքսային կետի պետի տեղակալ Վերադաս մաքսային մարմնի մաքսատան բաժնի պետ	6670
Մաքսային ծառայության կապիտան	Վերադաս մաքսային մարմնի ավագ մաքսային տեսուչ Վերադաս մաքսային մարմնի մաքսային կետի բաժանմունքի պետ	6200
Մաքսային ծառայության ավագ լեյտենանտ	Վերադաս մաքսային մարմնի տեսուչ Վերադաս մաքսային մարմնի մաքսատան գլխավոր տեսուչ Վերադաս մաքսային մարմնի մաքսային կետի գլխավոր տեսուչ	5740
Մաքսային ծառայության լեյտենանտ	Վերադաս մաքսային մարմնի մաքսատան ավագ տեսուչ Վերադաս մաքսային մարմնի մաքսային կետի ավագ տեսուչ Վերադաս մաքսային մարմնի մաքսատան տեսուչ Վերադաս մաքսային մարմնի մաքսային կետի տեսուչ	4970
Մաքսային ծառայության կրտսեր լեյտենանտ		4370

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան

Հավելված N 2 ՀՀ կառավարության 2002 թվականի հոկտեմբերի 31-ի N 1934-Ն որոշման

Ց Ա Ն Կ

ԵՐԿԱՐԱՄՅԱ ԾԱՌԱՅՈՒԹՅԱՆ ՀԱՄԱՐ ՄԱՔՍԱՅԻՆ ԾԱՌԱՅՈՂՆԵՐԻՆ ՏՐՎՈՂ ԴՐԱՄԱԿԱՆ ՀԱՎԵԼԱՎՃԱՐՆԵՐԻ ՉԱՓԵՐԻ

Ծառայության ստաժը	Դրամական հավելավճարի չափը (պաշտոնական դրույքաչափի համեմատ` տոկոսներով)
5-10 տարի	5
10-15 տարի	10
15-20 տարի	15
20-25 տարի	20
25 և ավելի տարի	25 տարվանից ավելի յուրաքանչյուր տարվա համար լրացուցիչ հավելավճար` պաշտոնական դրույքաչափի 1 տոկոսի չափով

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան