«ՎԱՎԵՐԱՑՆՈՒՄ ԵՄ»

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՆԱԽԱԳԱՀ Ռ. ՔՈՉԱՐՅԱՆ

4 սեպտեմբերի 2001 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

4 սեպտեմբերի 2001 թվականի N 803

քաղ. Երևան

«ՀԱՅՋՐՄՈՒՂԿՈՅՈՒՂԻ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆԸ ԲՆՕԳՏԱԳՈՐԾՄԱՆ ՎՃԱՐՆԵՐԻ ԳԾՈՎ ԱՐՏՈՆՈՒԹՅՈՒՆՆԵՐ ՍԱՀՄԱՆԵԼՈՒ ՄԱՍԻՆ

«Բնապահպանական և բնօգտագործման վճարների մասին» Հայաստանի Հանրապետության օրենքի 17-րդ հոդվածին համապատասխան` Հայաստանի Հանրապետության կառավարությունը որոշում է.

1. «Հայջրմուղկոյուղի» փակ բաժնետիրական ընկերության 2001 թվականի հունվարի 1-ի դրությամբ հաշվարկված և չվճարված 288.6 մլն դրամ ջրօգտագործման համար բնօգտագործման վճարի, ինչպես նաև ընկերության 2001 թվականի ընթացքում հաշվարկվելիք ջրօգտագործման համար բնօգտագործման վճարի վճարման ժամկետ սահմանել 2006-2009 թվականները` հավասարաչափ մասերով, «Բնապահպանական և բնօգտագործման վճարների մասին» Հայաստանի Հանրապետության օրենքով սահմանված ժամկետներում:

Երևանի քաղաքապետարանի «Ջրմուղ-կոյուղի» փակ բաժնետիրական ընկերության 2001 թվականի հուլիսի 1-ի դրությամբ հաշվարկված և չվճարված 1006.7 մլն դրամ ջրօգտագործման համար բնօգտագործման վճարի, ինչպես նաև ընկերության 2001 թվականի հուլիս-դեկտեմբեր ամիսների ընթացքում հաշվարկվելիք ջրօգտագործման համար բնօգտագործման վճարի վճարման ժամկետ սահմանել 2006-2009 թվականները` հավասարաչափ մասերով, «Բնապահպանական և բնօգտագործման վճարների մասին» Հայաստանի Հանրապետության օրենքով սահմանված ժամկետներում:

2. «Հայջրմուղկոյուղի» փակ բաժնետիրական ընկերությունը և Երևանի քաղաքապետարանի «Ջրմուղ-կոյուղի» փակ բաժնետիրական ընկերությունն ազատել սույն որոշումն ուժի մեջ մտնելու օրվա դրությամբ ջրօգտագործման համար բնօգտագործման վճարի գծով հաշվարկված և չվճարված տույժերից ու տուգանքներից:

3. Սույն որոշումն ուժի մեջ է մտնում 2001 թվականի սեպտեմբերի 4-ից:

Հայաստանի Հանրապետության վարչապետ

Ա. Մարգարյան