«Վավերացնում եմ»
Հայաստանի Հանրապետության
Նախագահ Ռ. Քոչարյան
«31» հունվարի 2002 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

31 հունվարի 2002 թվականի N 86

Հայաստանի Հանրապետության կառավարությունը որոշում է.

1.1. Հաշվեկշռային մեթոդով 355616 հազար դրամ գնահատված ակտիվներ ունեցող «Գորիսի «Միկրոշարժիչ» փակ բաժնետիրական ընկերության պետական սեփականություն հանդիսացող բաժնետոմսերը մասնավորեցնել մրցույթով` վերակազմակերպելով «Գորիսի «Միկրոշարժիչ» բաց բաժնետիրական ընկերության:

1.2. Սահմանել «Գորիսի «Միկրոշարժիչ» փակ բաժնետիրական ընկերության կանոնադրական կապիտալը` 323736 հազար դրամ, որը համապատասխանում է 323736 բաժնետոմսի` յուրաքանչյուրը 1000 դրամ անվանական արժեքով:

1.3. Մրցույթով մասնավորեցման ենթակա բաժնետոմսերի արժեքը 258989 հազար դրամ է, որը համապատասխանում է 258989 բաժնետոմսի` յուրաքանչյուրը 1000 դրամ անվանական արժեքով:

1.4. Սահմանել մրցույթով մասնավորեցման ենթակա բաժնետոմսերի փաթեթի նվազագույն գինը` 10000 հազար դրամ:

1.5. «Գորիսի «Միկրոշարժիչ» փակ բաժնետիրական ընկերության պարտավորությունները 2001 թվականի նոյեմբերի 1-ի դրությամբ կազմում են 31880 հազար դրամ, այդ թվում`

տարբեր կրեդիտորների նկատմամբ` 7111 հազար դրամ,

պարտադիր սոցիալական ապահովագրության գծով` 13622 հազար դրամ,

Հայաստանի Հանրապետության պետական բյուջեի նկատմամբ` 11147 հազար դրամ:

1.6. «Գորիսի «Միկրոշարժիչ» փակ բաժնետիրական ընկերության 1998-2000 թվականների տնտեսական գործունեության արդյունքներով վճարման ենթակա շահաբաժինների գծով պարտավորությունները 77 հազար դրամ են:

1.7. Հայաստանի Հանրապետության պետական գույքի կառավարման նախարարությանը`

ա) մրցույթի անցկացման օրվանից առնվազն մեկ ամիս առաջ մամուլում և զանգվածային լրատվության մյուս միջոցներով հրապարակել ընդհանուր տեղեկություններ ընկերության, մրցույթի անցկացման պայմանների, ժամկետների, մրցույթի մասնակիցներին ներկայացվող պահանջների մասին.

բ) եռամսյա ժամկետում կազմակերպել մրցույթի անցկացումը:

1.8. Սահմանել մրցույթի հաղթողին որոշելու հետևյալ պայմանները` 

մասնավորեցվող բաժնետոմսերի համար առաջարկվող գինը. 

ներդրումների չափը` տարիների կտրվածքով.

սոցիալական երաշխիքներ, այդ թվում` աշխատատեղերի և նվազագույն աշխատավարձի վերաբերյալ:

1.9. Մրցույթի մասնակցության կանխավճարը սահմանվում է ընկերության կանոնադրական կապիտալի հինգ տոկոսի չափով: Մրցույթի հաղթողի մուծած կանխավճարը ներառվում է առաջարկվող գնի մեջ:

1.10. Մրցույթի հաղթողը բաժնետոմսերի գինը պետք է վճարի մրցույթի արձանագրությունն ստանալու օրվանից մեկ ամսվա ընթացքում:

1.11. Վճարումները կատարել Հայաստանի Հանրապետության արժույթով:

2. Հայաստանի Հանրապետության կառավարության 1999 թվականի դեկտեմբերի 1-ի «Մի շարք բաժնետիրական ընկերությունների և ձեռնարկությունների լուծարման, Հայաստանի Հանրապետության կառավարության մի շարք որոշումներ ուժը կորցրած ճանաչելու մասին» N 726 որոշման N 4 հավելվածից հանել «Միկրոշարժիչ» ՓԲԸ» բառերը:

3. Սույն որոշումն ուժի մեջ է մտնում 2002 թվականի հունվարի 31-ից: