040.0136.24.02.01

«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ 
24 փետրվարի 2001 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

24 փետրվարի 2001 թվականի N 136

քաղ. Երևան

«ԴՈՂԱԳՈՐԾ» ԲԱՑ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ԳՈՐԾՈՒՆԵՈՒԹՅԱՆ ԿԱՐԳԱՎՈՐՄԱՆ ՄԻՋՈՑԱՌՈՒՄՆԵՐԻ ՄԱՍԻՆ

«Դողագործ» բաց բաժնետիրական ընկերության գործունեությունը կարգավորելու, աշխատանքի արդյունավետությունը բարձրացնելու նպատակով Հայաստանի Հանրապետության կառավարությունը որոշում է.

1. Հայաստանի Հանրապետության արդյունաբերության և առևտրի նախարարությանը`

ա) ապահովել «Դողագործ» բաց բաժնետիրական ընկերության կողմից «Դողագործ-1» բաց բաժնետիրական ընկերության հիմնադրումը` օրենքով սահմանված կարգով.

բ) «Դողագործ-1» բաց բաժնետիրական ընկերությունը հիմնադրելիս առաջնորդվել հետևյալ սկզբունքներով`

«Դողագործ-1» բաց բաժնետիրական ընկերությունն ստեղծել «Դողագործ» բաց բաժնետիրական ընկերության մարդատար, փոքր բեռնատարության և գյուղատնտեսական մեքենաների դողերի արտադրությունների, դողերի վերանորոգման, օդախցիկների, ռետինային խառնուրդների պատրաստման ու կալանդման, ռետինակորդային թափոնների վերամշակման համալիրի աշխատանքն ապահովող սարքավորումների և կառույցների (ցանկը կցվում է), ինչպես նաև «Դողագործ-1» բաց բաժնետիրական ընկերության գործունեության համար անհրաժեշտ շրջանառու միջոցների ներդրմամբ` «Դողագործ» բաց բաժնետիրական ընկերության գույքի կազմում թողնելով նոր կառուցված համալիրները, բեռնատար մեքենաների դողերի ռետինացման հոսքային գծերը` իրենց զբաղեցրած շինություններով, հաղորդակցուղիներով և ոչ արտադրական շինություններով, և պահեստային տեղամասը (ցանկը կցվում է).

«Դողագործ-1» բաց բաժնետիրական ընկերությանը փոխանցել «Դողագործ» բաց բաժնետիրական ընկերության կողմից նախորդ տարիների աշխատավարձի գծով կուտակված պարտքերի վճարման պարտավորությունները.

պայմաններ ստեղծել «Դողագործ» բաց բաժնետիրական ընկերության և «Դողագործ-1» բաց բաժնետիրական ընկերության համագործակցության համար` ապահովելով կառավարման արդյունավետ համակարգերի ներդրումը:

2. Հայաստանի Հանրապետության պետական գույքի կառավարման նախարարությանը, Հայաստանի Հանրապետության արդյունաբերության և առևտրի նախարարությանը` ձեռնարկել անհրաժեշտ միջոցներ` «Դողագործ-1» բաց բաժնետիրական ընկերության բաժնետոմսերի հավանական գնորդների ներգրավման համար:

3. Հայաստանի Հանրապետության պետական եկամուտների նախարարությանը և Հայաստանի Հանրապետության սոցիալական ապահովագրության պետական հիմնադրամին` երկամսյա ժամկետում`

«Դողագործ» բաց բաժնետիրական ընկերության հետ համատեղ կազմել պարտավորությունների մարման համապատասխան ժամանակացույցեր: Դրանցում նախատեսված ժամանակաշրջանում ձեռնպահ մնալ «Դողագործ» բաց բաժնետիրական ընկերությունն անվճարունակ ճանաչելու և գույքի վրա բռնագանձում տարածելու վերաբերյալ դատարան հայց ներկայացնելուց.

ներկայացնել դիմում «Դողագործ» բաց բաժնետիրական ընկերությունից գույքային բռնագանձումների վերաբերյալ դատարանի վճռի հիման վրա կատարողական թերթը վերադարձնելու մասին:

4. «Դողագործ-1» բաց բաժնետիրական ընկերության կողմից արտադրանքի արտահանման արդյունքում Հայաստանի Հանրապետության պետական բյուջեից վերադարձման ենթակա ավելացված արժեքի հարկի գերավճարներն առաջնահերթ կարգով ուղղել «Դողագործ» բաց բաժնետիրական ընկերության` Հայաստանի Հանրապետության պետական բյուջեի և Հայաստանի Հանրապետության սոցիալական ապահովագրության պետական հիմնադրամի նկատմամբ ունեցած պարտքերի մարմանը:

5. Հայաստանի Հանրապետության ֆինանսների և էկոնոմիկայի նախարարությանը, Հայաստանի Հանրապետության էներգետիկայի նախարարությանը, Հայաստանի Հանրապետության արդարադատության նախարարությանը, Հայաստանի Հանրապետության արդյունաբերության և առևտրի նախարարությանը` մեկամսյա ժամկետում սահմանված կարգով Հայաստանի Հանրապետության կառավարություն ներկայացնել առաջարկություն «Դողագործ» բաց բաժնետիրական ընկերության` Հայաստանի Հանրապետության էներգահամակարգի ընկերությունների նկատմամբ ունեցած պարտքերը Հայաստանի Հանրապետության օրենսդրության շրջանակներում վերաձևակերպելու վերաբերյալ:

6. Հայաստանի Հանրապետության արդյունաբերության և առևտրի նախարարությանը`

ա) մինչև 2001 թվականի սեպտեմբերի 25-ը Հայաստանի Հանրապետության կառավարություն ներկայացնել հաշվետվություն սույն որոշումից բխող գործընթացների մասին.

բ) սույն կետի «ա» ենթակետում նշված ժամկետում «Դողագործ-1» բաց բաժնետիրական ընկերության վերագործարկման ծրագրով նախատեսված աշխատանքները չկատարելու կամ ընթացիկ պարտքեր առաջանալու դեպքում Հայաստանի Հանրապետության օրենսդրությամբ սահմանված կարգով սկսել լուծարման գործընթացը:

7. Սույն որոշումն ուժի մեջ է մտնում պաշտոնական հրապարակման պահից:

Հայաստանի Հանրապետության վարչապետ

Ա. Մարգարյան

Ց Ա Ն Կ

«Դողագործ-1» բաց բաժնետիրական ընկերության գույքի կազմում ներդրվող շինությունների եվ տեխնիկական հանգույցների

1. Հումքի նախապատրաստման արտադրամաս (մասնաշենք` K-9)`

հումքի և նյութերի պահեստներ

սոսնձի պատրաստման տեղամաս

դիաֆրագմաների, օդախցիկների, օղակային ժապավենների

կիսաֆաբրիկատների բացթողման և եփման տեղամասեր

ներգործարանային երկաթգիծ և շղթայավոր հոսքագծեր` հումքի ստացման

և տեղափոխման համար

թափոնների վերամշակման տեղամաս (մասնաշենք` K-13)`

2. Նախապատրաստական արտադրամաս (մասնաշենքեր` K-2, K-2-7, K-7)`

քիմիկատների կշռման տեղամաս

տեխնիկական ածխածնի հավաքալցման տեղամաս

ռետինային խառնուրդների պատրաստման սարքավորումներ

3. Կալանդների արտադրամաս (մասնաշենքեր` K-1, K-7, K-1-2)`

կորդի տոգորման տեղամաս

կորդի ռետինապատման տեղամաս

պահպանաշերտերի (պրոտեկտորներ) պատրաստման տեղամաս

4. Բեռնատար մեքենաների դողերի հավաքման արտադրամաս (մասնաշենք` K-1-2)`

կիսաֆաբրիկատների նախապատրաստման տեղամաս

դողերի հավաքման տեղամաս

5. Բեռնատար մեքենաների դողերի եփման արտադրամաս (մասնաշենք` K-1-2)`

եփման ագրեգատ N 2

6. Մարդատար, գյուղատնտեսական մեքենաների և ավտոբեռնիչների դողերի

հավաքման արտադրամաս (մասնաշենք` K-50)`

կիսաֆաբրիկատների նախապատրաստման տեղամաս

դողերի հավաքման տեղամաս

7. Մարդատար, գյուղատնտեսական մեքենաների և ավտոբեռնիչների դողերի

եփման արտադրամաս (մասնաշենք` K-50)`

8. Օդախցիկների արտադրամաս (մասնաշենք` K-47)`

ռետինային խառնուրդի նախապատրաստման և մշակման տեղամաս

եփման տեղամաս

փականների տեղամաս

9. Ճնշակների (կոմպրեսորներ) և գերտաք ջրի արտադրամաս (մասնաշենքեր` K-34, K-33, K-33ա)`

ճնշակների արտադրամաս

գերտաք ջրի տեղամաս

ջրի քիմիական մաքրման տեղամաս

օդի, ջրի և գոլորշու ընդհանուր հաղորդակցուղիներ

10. Պատրաստի արտադրանքի պահեստ (մասնաշենք` K-31)

11. Էլեկտրաարտադրամաս (մասնաշենք` K-40)

12. Մեխանիկական արտադրամաս (մասնաշենք` K-40)

13. Շինարարական վերանորոգման տեղամաս (մասնաշենք` K-51)

14. Դողերի վերանորոգման արտադրամաս (մասնաշենք` K-14ա)

15. Էլեկտրաենթակայաններ N 2 (մասնաշենք` K-32) և N 7 (մասնաշենք` K-34)

16. Էլեկտրաամբարձիչների և սայլակների տեղամաս (մասնաշենք` K-32)

17. Ավտոտրանսպորտի տեղամաս

18. Կենտրոնական լաբորատորիա (մասնաշենք` K-29)

19. Դիաֆրագմայի եփման տեղամաս (մասնաշենք` K-57)

20. Վարչության շենք (մասնաշենք` K-54)

21. Բաղնիքներ, ճաշարան և այլ օժանդակ կառույցներ

Ց Ա Ն Կ

«Դողագործ» բաց բաժնետիրական ընկերության գույքի կազմում թողնվող շինությունների եվ տեխնիկական հանգույցների

1. Բեռնատար մեքենաների դողերի եփման ավտոմատ հոսքագծերի արտադրամաս (մասնաշենք` K-57)

NN 1, 2, 3, 4 եփման հոսքային գծեր (մասնաշենք` K-57)

գերտաք ջրի տեղամաս (մասնաշենք` K-57ա)

օդափոխիչների տեղամաս (մասնաշենք` K-57.1)

2. Բեռնատար մեքենաների դողերի հավաքման արտադրամասի միայն մասնաշենքը (մասնաշենք` K-57բ)

3. Բեռնատար մեքենաների դողերի եփման արտադրամաս (մասնաշենք` K-1-2)` եփման N 1 ագրեգատի 5 կաթսաները

4. Երկրորդ խմբի հումքի պահեստներ (ընդհանուր մակերեսը` 16000 քառ. մ)

5. Գազապաստարան

6. N 5 հանրակացարան

7. Օժանդակ մասնաշենքեր և տարածքներ