Գլխավոր տեղեկություն
Номер
N 90
Տիպ
Որոշում
Тип
Исходный акт (07.02.2001-по сей день)
Статус
Գործում է
Первоисточник
ՀՀՊՏ 2001.03.02/6(138) Հոդ.151
Принят
ՀՀ կառավարություն
Дата принятия
07.02.2001
Подписан
ՀՀ վարչապետ
Дата подписания
07.02.2001
Վավերացնող մարմին
ՀՀ Նախագահ
Վավերացման ամսաթից
07.02.2001
Дата вступления в силу
07.02.2001

«Վավերացնում եմ»

Հայաստանի Հանրապետության

Նախագահ Ռ. Քոչարյան

9 փետրվարի 2001 թ.

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

 

Ո Ր Ո Շ ՈՒ Մ

 

9 փետրվարի 2001 թվականի N 90

քաղ. Երևան 

 

«ՀԱՅԱՊԱԿԻ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ՊԵՏԱԿԱՆ ՍԵՓԱԿԱՆՈՒԹՅՈՒՆ ՀԱՆԴԻՍԱՑՈՂ ԲԱԺՆԵՏՈՄՍԵՐԸ ՄԱՍՆԱՎՈՐԵՑՆԵԼՈՒ ՄԱՍԻՆ

 

«Պետական գույքի մասնավորեցման (սեփականաշնորհման) մասին» Հայաստանի Հանրապետության օրենքի 18-րդ հոդվածին համապատասխան, ինչպես նաև հիմք ընդունելով Հայաստանի Հանրապետության կառավարության 2000 թվականի սեպտեմբերի 30-ի «Պետական գույքի մասնավորեցման նախապատրաստական աշխատանքների իրականացման միջոցառումների մասին» N 613 որոշմամբ ստեղծված հանձնաժողովի առաջարկությունը` Հայաստանի Հանրապետության կառավարությունը որոշում է.

1. Սահմանել «Հայապակի» փակ բաժնետիրական ընկերության կանոնադրական կապիտալը` 717166 հազ. դրամ, որը համապատասխանում է 717166 բաժնետոմսի` յուրաքանչյուրը 1000 դրամ անվանական արժեքով (մասնակի անհատույց սեփականաշնորհման արդյունքում պետությանը սեփականության իրավունքով պատկանող բաժնետոմսերը կազմում են 80 տոկոս):

2. Մասնավորեցման ենթակա բաժնետոմսերի արժեքը կազմում է 573733 հազ. դրամ, որը համապատասխանում է 573733 բաժնետոմսի` յուրաքանչյուրը 1000 դրամ անվանական արժեքով:

3. «Հայապակի» փակ բաժնետիրական ընկերության պետական սեփականություն հանդիսացող բաժնետոմսերն ուղղակի վաճառքի ձևով մասնավորեցնել Նազիկ Ամիրյանին (այսուհետև` գնորդ, անձնագիր` AE 044044 057):

4. Սահմանել մասնավորեցման ենթակա «Հայապակի» փակ բաժնետիրական ընկերության պետական սեփականություն հանդիսացող բաժնետոմսերի գինը` 145000 հազ. դրամ:

5. Բաժնետոմսերի վաճառքի գինը գնորդի կողմից ամբողջովին վճարվում է մասնավորեցման պայմանագրի կնքման պահից 10 բանկային օրվա ընթացքում:

6. Հայաստանի Հանրապետության պետական գույքի կառավարման նախարարությանը` 10-օրյա ժամկետում Հայաստանի Հանրապետության օրենսդրությամբ սահմանված կարգով «Հայապակի» փակ բաժնետիրական ընկերության բաժնետոմսերի մասնավորեցման մասին պայմանագիր կնքել գնորդի հետ:

7. Մասնավորեցման պայմանագրում նախատեսել գնորդի կողմից ստանձնվող հետևյալ պարտավորությունները`

ա) առաջիկա 3 տարվա ընթացքում ֆինանսական ներդրումները պետք է կազմեն 250 մլն դրամ, այդ թվում` մինչև առաջին տարվա ավարտը` 100,0 մլն դրամ, մինչև երկրորդ տարվա ավարտը` 80,0 մլն դրամ և մինչև երրորդ տարվա ավարտը` 70 մլն դրամ.

բ) սոցիալական երաշխիքների համար` մինչև առաջին տարվա ավարտը պետք է ապահովի 350 աշխատատեղ և 50,0 հազ. դրամ միջին ամսական աշխատավարձ, մինչև երկրորդ տարվա ավարտը` 500 աշխատատեղ և 51,0 հազ. դրամ միջին ամսական աշխատավարձ, մինչև երրորդ տարվա ավարտը` 700 աշխատատեղ և 55,0 հազ. դրամ միջին ամսական աշխատավարձ:

8. Հայաստանի Հանրապետության բնապահպանության նախարարությանը` Հայաստանի Հանրապետության օրենսդրությամբ սահմանված կարգով քննարկել և հաստատել «Հայապակի» փակ բաժնետիրական ընկերության ջրօգտագործման, ջրահեռացման, արտանետումների սահմանաքանակներն ու նրա հետ կնքել համապատասխան պայմանագիր:

9. Վճարումները կատարել Հայաստանի Հանրապետության արժույթով:

10. Սույն որոշումն ուժի մեջ է մտնում 2001 թվականի փետրվարի 7-ից:

 

Հայաստանի Հանրապետության
վարչապետ

 Ա. Մարգարյան