Գլխավոր տեղեկություն
Номер
N 70
Տիպ
Որոշում
Тип
Исходный акт (17.02.1999-по сей день)
Статус
Գործում է
Первоисточник
ՀՀՊՏ 1999.02.22/5(71)
Принят
ՀՀ կառավարություն
Дата принятия
17.02.1999
Подписан
ՀՀ վարչապետ
Дата подписания
17.02.1999
Վավերացնող մարմին
ՀՀ Նախագահ
Վավերացման ամսաթից
17.02.1999
Дата вступления в силу
17.02.1999

«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
17 փետրվարի 1999 թ.

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

 

Ո Ր Ո Շ ՈՒ Մ

 

17 փետրվարի 1999 թվականի N 70

քաղ. Երևան

 

«ԵՐԵՎԱՆԻ ՈՍԿԵՐՉԱԿԱՆ ԳՈՐԾԱՐԱՆ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆԸ ՏԱՐԱԾՔՆԵՐ ՀԱՏԿԱՑՆԵԼՈՒ ՄԱՍԻՆ

 

Հայաստանի Հանրապետության ոսկերչական իրերի արտադրության հետագա զարգացման և նոր աշխատատեղեր ստեղծելու նպատակով Հայաստանի Հանրապետության կառավարությունը որոշում է.

1. Վայքի նախկին կապի շենքի 400 քառ. մետր ու Հայաստանի Հանրապետության վիճակագրության, պետական ռեգիստրի և վերլուծության նախարարության Վայոց ձորի մարզային վարչության շենքի 378 քառ. մետր տարածքներն օտարել «Երևանի ոսկերչական գործարան» փակ բաժնետիրական ընկերությանը:

2. Հայաստանի Հանրապետության վիճակագրության, պետական ռեգիստրի և վերլուծության նախարարությանը, Վայոց ձորի մարզպետին` մեկշաբաթյա ժամկետում Հայաստանի Հանրապետության սեփականաշնորհման նախարարություն ներկայացնել սույն որոշման 1-ին կետում նշված տարածքների գնահատման ելակետային տվյալները:

3. Հայաստանի Հանրապետության սեփականաշնորհման նախարարությանը` սույն որոշման 1-ին կետում նշված տարածքների գնահատման ելակետային տվյալների փաթեթն ստանալուց հետո երկշաբաթյա ժամկետում կատարել Վայքի նախկին կապի շենքի 400 քառ. մետր ու Հայաստանի Հանրապետության վիճակագրության, պետական ռեգիստրի և վերլուծության նախարարության Վայոց ձորի մարզային վարչության շենքի 378 քառ. մետր տարածքների գնահատում` Հայաստանի Հանրապետության կառավարության 1998 թվականի մարտի 27-ի «Մասնավորեցվող «փոքր» օբյեկտների պետական գույքի գնահատման կարգը հաստատելու մասին» N 208 որոշմամբ սահմանված կարգով:

4. Սույն որոշման 1-ին կետում նշված տարածքների օտարման մասին պայմանագիրը կնքելու լիազորությունը վերապահել Հայաստանի Հանրապետության սեփականաշնորհման նախարարությանը:

5. Հայաստանի Հանրապետության ֆինանսների և էկոնոմիկայի նախարարությանը` «Երևանի ոսկերչական գործարան» փակ բաժնետիրական ընկերությանն օտարվող տարածքների գնահատված արժեքի չափով մարել ընկերության նկատմամբ Հայաստանի Հանրապետության պետական բյուջեի ունեցած պարտքը:

6. Սույն որոշումն ուժի մեջ է մտնում 1999 թվականի փետրվարի 17-ից:

 

Հայաստանի Հանրապետության
վարչապետ

 Ա. Դարբինյան

Փոփոխման պատմություն
Փոփոխող ակտ Համապատասխան ինկորպորացիան
Փոփոխված ակտ
Փոփոխող ակտ Համապատասխան ինկորպորացիան