«Վավերացնում եմ»
Հայաստանի Հանրապետության
Նախագահ Ռ. Քոչարյան
4 հուլիսի 2000 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
4 հուլիսի 2000 թվականի N 360
քաղ. Երևան
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 1998 ԹՎԱԿԱՆԻ ՓԵՏՐՎԱՐԻ 26-Ի N 116 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
Հայաստանի Հանրապետության կառավարությունը որոշում է.
1. Հայաստանի Հանրապետության կառավարության 1998 թվականի փետրվարի 26-ի «Արտադրանքի և ծառայությունների մատուցման որակի ասպարեզում Հայաստանի Հանրապետության կառավարության ամենամյա մրցանակներ սահմանելու և շնորհելու մասին» N 116 որոշման մեջ կատարել հետևյալ փոփոխությունները`
ա) որոշման վերնագրում և 1-ին ու 2-րդ կետերում «մատուցման որակի ասպարեզում» բառերը փոխարինել «որակի ապահովման բնագավառում» բառերով.
բ) որոշման նախաբանից հանել «մատուցման» բառը.
գ) որոշման 3-րդ կետը շարադրել հետևյալ խմբագրությամբ.
«3. Արտադրանքի և ծառայությունների որակի ապահովման բնագավառում Հայաստանի Հանրապետության կառավարության մրցանակներ շնորհելու համար հավակնորդների մրցութային ընտրության, նրանց արտադրանքի և ծառայությունների որակի փորձաքննության անցկացման ու համապատասխան առաջարկությունների նախապատրաստման նպատակով ստեղծել արտադրանքի և ծառայությունների որակի ապահովման բնագավառում Հայաստանի Հանրապետության կառավարության մրցանակաբաշխության հանձնաժողով և հաստատել դրա կազմը (կցվում է)».
դ) որոշման 4-րդ կետում`
«մատուցման որակի ասպարեզում» «և անհատական կազմը (կցվում են)» բառերը համապատասխանաբար փոխարինել «որակի ապահովման բնագավառում» և «(կցվում է)» բառերով.
ե) որոշման 5-րդ կետում «մատուցման որակի ասպարեզում» և «1998 թվականի» բառերը համապատասխանաբար փոխարինել «որակի ապահովման բնագավառում» և «ամեն տարվա» բառերով:
2. Որոշմամբ հաստատված արտադրանքի և ծառայությունների մատուցման որակի ասպարեզում Հայաստանի Հանրապետության կառավարության ամենամյա մրցանակների շնորհման կարգում կատարել հետևյալ փոփոխությունները`
ա) վերնագրում «մատուցման որակի ասպարեզում» բառերը փոխարինել «որակի ապահովման բնագավառում» բառերով.
բ) 1-ին կետը շարադրել հետևյալ խմբագրությամբ.
«1. Հայաստանի Հանրապետության կառավարությունն արտադրանքի և ծառայությունների որակի ապահովման բնագավառում լավագույն արդյունքների հասած կազմակերպություններին և անհատ ձեռնարկատերերին, որպես մրցանակ, տալիս է հուշանշան և դիպլոմ».
գ) 2-րդ կետի առաջին պարբերությունը շարադրել հետևյալ խմբագրությամբ.
«2. Արտադրանքի և ծառայությունների որակի ապահովման բնագավառում Հայաստանի Հանրապետության ամենամյա մրցանակը (այսուհետև` մրցանակ) շնորհվում է մրցութային կարգով` կազմակերպության կամ անհատ ձեռնարկատիրոջ կողմից արտադրանքի և ծառայությունների որակի ապահովման բնագավառում ձեռք բերված նշանակալի արդյունքների, ինչպես նաև որակի կառավարման համակարգերի ԻՍՕ-9000 շարքի միջազգային ստանդարտների արդյունավետ ներդրման համար».
դ) 3-րդ կետում «մրցանակ» բառը փոխարինել «մրցանակ, որից 8-ը` արտադրանքի, 2-ը` ծառայությունների մատուցման համար» բառերով.
ե) 4-րդ կետում «ձեռնարկությունները (անկախ սեփականության ձևից և կազմակերպական-իրավական տեսակից) և անհատ ձեռներեցներ» բառերը փոխարինել «կազմակերպությունները և անհատ ձեռնարկատերերը» բառերով.
զ) 5-րդ կետում «հոկտեմբեր ամսին» բառերը փոխարինել «փետրվար և հոկտեմբեր ամիսներին» բառերով.
է) 6-րդ կետում «ձեռնարկություններն ու անհատ ձեռնարկատերերը», 7-րդ և 8-րդ կետերում «ձեռնարկությունների և անհատ ձեռներեցների» բառերը համապատասխանաբար փոխարինել «կազմակերպություններն ու անհատ ձեռնարկատերերը» և «կազմակերպությունների և անհատ ձեռնարկատերերի» բառերով:
3. Որոշմամբ հաստատված արտադրանքի և ծառայությունների մատուցման որակի ասպարեզում Հայաստանի Հանրապետության կառավարության մրցանակաբաշխության հանձնաժողովի կանոնադրության մեջ կատարել հետևյալ փոփոխությունները և լրացումները`
ա) վերնագրում և 1-ին կետում ու 3-րդ կետի «ա» ենթակետում «մատուցման որակի ասպարեզում», իսկ 3-րդ կետի «գ» ենթակետում «մատուցման որակի» բառերը համապատասխանաբար փոխարինել «որակի ապահովման բնագավառում» և «որակի ապահովման» բառերով.
բ) 4-րդ կետի «գ» և «դ» ենթակետերում «ձեռնարկությունների» բառը փոխարինել «կազմակերպությունների կամ անհատ ձեռնարկատերերի» բառերով, իսկ 4-րդ կետի վերջին պարբերությունն ուժը կորցրած ճանաչել.
գ) 6-րդ կետում «պետական կառավարման մարմինների» և «մատուցման որակի կառավարման ասպարեզի» բառերը համապատասխանաբար փոխարինել «պետական մարմինների» և «որակի ապահովման բնագավառի» բառերով.
դ) 9-րդ կետի երկրորդ պարբերությունը «ընդունվում են» բառերից հետո լրացնել «բաց քվեարկությամբ» բառերով.
ե) 11-րդ կետի «դ» ենթակետից հանել «ձեռնարկություններում, հիմնարկներում» բառերը.
զ) 14-րդ կետի «դ» ենթակետը «առաջարկություններ» բառից հետո լրացնել «ինչպես նաև կազմակերպում է ներկայացված նյութերի փորձաքննություն` համապատասխան ոլորտի առաջատար մասնագետների և գիտնականների ներգրավմամբ» բառերով:
4. Սույն որոշումն ուժի մեջ է մտնում 2000 թվականի հուլիսի 4-ից:
|
Հայաստանի Հանրապետության |
Ա. Մարգարյան |
|
Հաստատված է |
Կ Ա Զ Մ
արտադրանքի եվ ծառայությունների որակի ապահովման բնագավառում Հայաստանի Հանրապետության կառավարության մրցանակաբաշխության հանձնաժողովի
ՀՀ արտադրական ենթակառուցվածքների գործունեությունը համակարգող նախարար (հանձնաժողովի նախագահ)
ՀՀ առողջապահության նախարար
ՀՀ արդյունաբերության և առևտրի նախարարուղղ.
ՀՀ գյուղատնտեսության նախարար
ՀՀ բնապահպանության նախարար
ՀՀ էներգետիկայի նախարար
ՀՀ կրթության և գիտության նախարար
ՀՀ տրանսպորտի և կապի նախարար
ՀՀ տարածքային կառավարման և քաղաքաշինության գործունեությունը համակարգող նախարար
ՀՀ կառավարությանն առընթեր ստանդարտացման, չափագիտության և սերտիֆիկացման վարչության պետ
ՀՀ կառավարության աշխատակազմի արտադրական ենթակառուցվածքների վարչության պետ
Հայաստանի սպառողական ընկերությունների միության (Հայկոոպ) վարչության նախագահ
ՀՀ արդյունաբերողների և գործարարների միության նախագահ
ՀՀ առևտրաարդյունաբերական պալատի նախագահ
Հայաստանի ճարտարագիտական ակադեմիայի նախագահ
ՀՀ սպառողների շահերի պաշտպանության միության նախագահ
Երևանի տեխնիկական էսթետիկայի ինստիտուտի տնօրեն
«Ստանդարտների ազգային ինստիտուտ» ՓԲԸ-ի տնօրեն (հանձնաժողովի քարտուղար)
| Փոփոխող ակտ | Համապատասխան ինկորպորացիան |
|---|
| Փոփոխող ակտ | Համապատասխան ինկորպորացիան |
|---|