«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
7 սեպտեմբերի 1999 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

7 սեպտեմբերի 1999 թվականի N 561
քաղ. Երևան

ՊԵՏԱԿԱՆ ՏՈՒՐՔԻ ԳԾՈՎ ԱՐՏՈՆՈՒԹՅՈՒՆ ՍԱՀՄԱՆԵԼՈՒ ՄԱՍԻՆ

Դատական ակտերի հարկադիր կատարման գործընթացը և քրեական դատավարության ընթացքում քաղաքացիական հայցը, գույքի հնարավոր բռնագրավումը և դատական ծախսերի ապահովումն անխափան իրականացնելու նպատակով Հայաստանի Հանրապետության կառավարությունը որոշում է.

1. Գույքի վրա կալանք և (կամ) արգելանք դնելու միջոցով անշարժ գույքի նկատմամբ իրավունքի սահմանափակման պետական գրանցման համար պետական տուրքի վճարումից ազատել դատարանները, դատախազներին, հետաքննության և նախաքննության մարմինները, ինչպես նաև դատական ակտերի հարկադիր կատարումն ապահովող մարմինները:

2. Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեին` մինչև 2000 թվականի հունվարի 1-ը Հայաստանի Հանրապետության ֆինանսների նախարարություն ներկայացնել հաշվետվություն սույն որոշման 1-ին կետում նշված տուրք վճարողների փոխարեն Հայաստանի Հանրապետության կառավարության կողմից վճարման ենթակա պետական տուրքի չափի վերաբերյալ:

3. Սույն որոշումն ուժի մեջ է մտնում 1999 թվականի սեպտեմբերի 7-ից:

Հայաստանի Հանրապետության վարչապետ

Վ. Սարգսյան