«Վավերացնում եմ»

Հայաստանի Հանրապետության

Նախագահ Ռ. Քոչարյան
4 հունիսի 1999 թ.

Հայաստանի Հանրապետության կառավարություն

ո ր ո շ ու մ

4 հունիսի 1999 թվականի N 381

քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ 1999 ԹՎԱԿԱՆԻ ՊԵՏԱԿԱՆ ԲՅՈՒՋԵՈՒՄ ՆԱԽԱՏԵՍՎԱԾ ՀԱՏԿԱՑՈՒՄՆԵՐԻ ՎԵՐԱԲԱՇԽՈՒՄ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 1999 ԹՎԱԿԱՆԻ ԱՊՐԻԼԻ 3-Ի N 199 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ

1999 թվականի գարնանային և աշնանային զորակոչերի ընթացքում զինկոմիսարիատների զորակոչային հանձնաժողովների բժշկական քննություններ անցկացնող բժիշկներին վարձատրելու նպատակով Հայաստանի Հանրապետության կառավարությունը որոշում է.

1. Հայաստանի Հանրապետության ֆինանսների և էկոնոմիկայի նախարարությանը` Հայաստանի Հանրապետության 1999 թվականի պետական բյուջեի գործառական դասակարգման 02 խմբի 01 ենթախմբով նախատեսված հատկացումներն ավելացնել 36075,0 հազ. դրամով` նույն չափով կրճատելով 05 խմբի 03 ենթախմբով Հայաստանի Հանրապետության կառավարությանն առընթեր պետական առողջապահական գործակալության համար նախատեսված միջոցները:

2. Հայաստանի Հանրապետության կառավարության 1999 թվականի ապրիլի 3-ի «1999 թվականին պետության կողմից երաշխավորված անվճար բժշկական օգնության և ծառայությունների մասին» N 199 որոշման մեջ կատարել հետևյալ փոփոխությունը`

որոշման N 1 հավելվածի 05 խմբի 03 ենթախմբում («Պոլիկլինիկաներ և ամբուլատորիաներ») «5 426 427,1» թիվը փոխարինել «5 390 352,1» թվով:

3. Հայաստանի Հանրապետության պաշտպանության նախարարությանը` Հայաստանի Հանրապետության առողջապահության նախարարության հետ համատեղ Հայաստանի Հանրապետության օրենսդրությամբ սահմանված կարգով լուծել զինկոմիսարիատների զորակոչային հանձնաժողովների բժշկական քննություններ անցկացնող բժիշկների վարձատրության հարցը:

4. Սույն որոշումն ուժի մեջ է մտնում 1999 թվականի մայիսի 1-ից:

Հայաստանի Հանրապետության վարչապետ

Ա. Դարբինյան