040.0135.24.02.01

«Վավերացնում եմ»
Հայաստանի Հանրապետության
Նախագահ Ռ. Քոչարյան
24 փետրվարի 2001 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

24 փետրվարի 2001 թվականի N 135
քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 1997 ԹՎԱԿԱՆԻ ՄԱՅԻՍԻ 29-Ի N 154 ՈՐՈՇՄԱՆ ՄԵՋ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 1997 թվականի մայիսի 29-ի «Հայաստանի Հանրապետության բարձրագույն կրթության մասնագիտությունների ցանկի մասին» N 154 որոշման մեջ (Հայաստանի Հանրապետության կառավարության 1998 թվականի փետրվարի 5-ի N 52, 1998 թվականի մարտի 10-ի N 169, 1999 թվականի ապրիլի 22-ի N 256, 1999 թվականի հուլիսի 19-ի N 466 և 2000 թվականի ապրիլի 20-ի N 202 որոշումների խմբագրությամբ) կատարել հետևյալ լրացումները և փոփոխությունները`

որոշմամբ հաստատված` Հայաստանի Հանրապետության բարձրագույն կրթության մասնագիտությունների ցանկում`

ա) «0200 Հումանիտար-սոցիալական մասնագիտություններ» բաժինը լրացնել «0225 Ֆիզիկական կուլտուրա առողջական շեղում ունեցող անձանց համար (ադապտացված ֆիզիկական կուլտուրա)», «0226 Լեզվաբանություն և միջմշակութային հաղորդակցություն», «0227 Կլինիկական հոգեբանություն»,

«0300 Կրթություն» բաժինը` «0321 Մաթեմատիկա», «0323 Ֆիզիկա», «0324 Քիմիա», «0325 Կենսաբանություն», «0326 Աշխարհագրություն», «0327 Պատմություն», «0328 Իրավագիտություն», «0329 Մշակութաբանություն», «0330 Ռուսաց լեզու և գրականություն», «0335 Մանկավարժություն և սոցիոլոգիա»,

«0500 Մշակույթ և արվեստ» բաժինը` «0534 Համակարգչային գեղարվեստական նախագծում»,

«0600 Տնտեսագիտություն (էկոնոմիկա) և կառավարում (մենեջմենթ)» բաժինը` «0619 Մաքսային գործ»,

«1000 Էներգետիկա և Էներգամեքենաշինություն» բաժինը` «1017 Սառնարանային, կրիոգեն տեղակայանքներ և կոնդիցիոնացման համակարգեր»,

«2000 Էլեկտրոնային տեխնիկա, ռադիոտեխնիկա և կապ» բաժինը` «2019 Միկրոհամակարգային տեխնիկա»,

«2200 Տեղեկատվություն և հաշվողական տեխնիկա» բաժինը` «2207 Ավտոմատացված համակարգերի տեղեկատվական անվտանգության համալիր ապահովում»,

«2700 Պարենային մթերքների տեխնոլոգիա» բաժինը` «2714 Մանկական և ֆունկցիոնալ սննդի տեխնոլոգիա»,

«2900 Շինարարություն և ճարտարապետություն» բաժինը` «2914 Շենքերի նախագծում»,

«3100 Գյուղական և ձկնային տնտեսություն» բաժինը` «3119 Ագրոպարենային համակարգի ֆինանսներ և վարկ», «3120 Ագրոպարենային համակարգի հաշվապահական հաշվառում և աուդիտ»,

«3300 Կենսագործունեության ապահովում» բաժինը` «3306 Պաշտպանությունը արտակարգ իրավիճակներում» տողերով.

բ) «0200 Հումանիտար-սոցիալական մասնագիտություններ» բաժնի «0218 Լեզվաբանություն», «0223 Ֆիզիկական կուլտուրա (մարմնակրթություն) և սպորտ» տողերը համապատասխանաբար փոխարինել «0218 Տեսական և կիրառական լեզվաբանություն», «0223 Ֆիզիկական կուլտուրա (մարմնակրթություն) և սպորտ (այդ թվում` կինեզիոլոգիա, մարզական լրագրություն)»,

«1000 Էներգետիկա և Էներգամեքենաշինություն» բաժնի «1014 Տուրբինաշինություն» տողը` «1014 Գազատուրբինային, շոգետուրբինային տեղակայանքներ և շարժիչներ»,

«2000 Էլեկտրոնային տեխնիկա, ռադիոտեխնիկա և կապ» բաժնի «2001 Կարծրամարմին էլեկտրոնիկայի նյութեր և բաղադրամասեր» տողը` «2001 Կիսահաղորդիչների ֆիզիկա և միկրոէլեկտրոնիկա»,

«2100 Ավտոմատիկա և կառավարում» բաժնի «2108 Ռադիոէլեկտրոնային և էլեկտրամեխանիկական սարքավորումներ» տողը` «2108 Տեղեկատվական և կառավարման ինքնավար համակարգեր»,

«2900 Շինարարություն և ճարտարապետություն» բաժնի «2914 Անշարժ գույքի կառավարում» տողը` «2915 Անշարժ գույքի փորձաքննություն և կառավարում» տողերով.

գ) հանել «0300 Կրթություն» բաժնի «0303 Տնտեսագիտություն (էկոնոմիկա)» և «0322 Կրթության կազմակերպում» տողերը:

2. Սույն որոշումն ուժի մեջ է մտնում 2001 թվականի փետրվարի 24-ից:

Հայաստանի Հանրապետության վարչապետ

Ա. Մարգարյան