Գլխավոր տեղեկություն
Номер
N 526
Տիպ
Որոշում
Тип
Исходный акт (24.11.1997-по сей день)
Статус
Գործում է
Первоисточник
ՀՀՊՏ 1997.12.03/27
Принят
ՀՀ կառավարություն
Дата принятия
24.11.1997
Подписан
ՀՀ վարչապետ
Дата подписания
24.11.1997
Վավերացնող մարմին
ՀՀ Նախագահ
Վավերացման ամսաթից
24.11.1997
Дата вступления в силу
24.11.1997

«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Լ. ՏԵՐ-ՊԵՏՐՈՍՅԱՆ
24 նոյեմբերի 1997 թ.

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

 

Ո Ր Ո Շ ՈՒ Մ

 

24 նոյեմբերի 1997 թվականի N 526
քաղ. Երևան

 

«ԱՐԴՇԻՆԲԱՆԿ» ԲԱՑ ԲԱԺՆԵՏԻՐԱԿԱՆ ԸՆԿԵՐՈՒԹՅՈՒՆՈՒՄ ՊԵՏԱԿԱՆ ՄԱՍՆԱԿՑՈՒԹՅԱՆ ՄԱՍԻՆ

 

Հայաստանի Հանրապետության Գերագույն խորհրդի 1993 թվականի հոկտեմբերի 13-ի «Հայաստանի Հանրապետության բանկերի կանոնադրական կապիտալներում պետական մասնակցության կարգի, պայմանների և Հայաստանի Հանրապետությունում դրամաշրջանառության կարգավորման միջոցառումների մասին» որոշման 7-րդ կետին համապատասխան Հայաստանի Հանրապետության կառավարությունը որոշում է.

1. Հավանություն տալ Հայաստանի Հանրապետության ֆինանսների և էկոնոմիկայի նախարարության, Հայաստանի Հանրապետության արդյունաբերության և առևտրի նախարարության և «Զանգեզուրի պղնձամոլիբդենային կոմբինատ», «Կապանի լեռնահարստացման կոմբինատ», «Հրազդանմեքենա», «Հայկական ավիաուղիներ», «Շողակն» և «Սապֆիր» պետական մասնակցությամբ ձեռնարկությունների (ընկերությունների) միջև 1997 թվականի հուլիսի 18-ին կնքված պայմանագրերին «Արդշինբանկ» բաց բաժնետիրական ընկերության 46549 սովորական բաժնետոմսերը Հայաստանի Հանրապետության կառավարությանը սեփականության իրավունքով հանձնելու վերաբերյալ:

2. Սահմանել «Արդշինբանկ» բաց բաժնետիրական ընկերության կանոնադրական հիմնադրամում Հայաստանի Հանրապետության կառավարության բաժնեմասը` 138897500 դրամ, որը համապատասխանում է 55559 սովորական բաժնետոմսի` յուրաքանչյուրը 2500 դրամ անվանական արժեքով:

3. Հայաստանի Հանրապետության ֆինանսների և էկոնոմիկայի նախարարությանը` մեկամսյա ժամկետում Հայաստանի Հանրապետության կառավարություն ներկայացնել առաջարկություններ «Արդշինբանկ» բաց բաժնետիրական ընկերությունում պետական բաժնեմասի օտարման վերաբերյալ:

4. Սույն որոշումն ուժի մեջ է մտնում 1997 թվականի նոյեմբերի 24-ից:

 

Հայաստանի Հանրապետության
վարչապետ

Ռ. Քոչարյան

Փոփոխման պատմություն
Փոփոխող ակտ Համապատասխան ինկորպորացիան
Փոփոխված ակտ
Փոփոխող ակտ Համապատասխան ինկորպորացիան