040.0706.11.11.98

«Վավերացնում եմ»

Հայաստանի Հանրապետության

Նախագահ Ռ. Քոչարյան 

11 նոյեմբերի 1998 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

11 նոյեմբերի 1998 թվականի N 706
քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՏՈՒԿ ՍՊԱՌՈՂՆԵՐԻ ՍՆՆԴԻ ՕՐԱԿԱՆ ՄԻՋԻՆ ՆՈՐՄԱՆԵՐԻ ՄԱՍԻՆ

Հայաստանի Հանրապետության կառավարությունը որոշում է.

1. Հաստատել խաղաղ ժամանակ զինվորական ծառայության մեջ գտնվող զինծառայողների սննդի օրական միջին նորման` համաձայն N 1 հավելվածի:

2. Գաղտնի:

3. Հաստատել ուղղիչ-աշխատանքային հիմնարկներում դատապարտյալների սննդի օրական միջին նորման` համաձայն N 3 հավելվածի:

4. Հաստատել Հայաստանի Հանրապետության ներքին գործերի և ազգային անվտանգության նախարարության քրեական հետախուզության վարչության անչափահասների ընդունիչ-տեղաբաշխման բաժնում գտնվող երեխաների սննդի օրական միջին նորման` համաձայն N 4 հավելվածի:

5. Հայաստանի Հանրապետության պաշտպանության նախարարությանը, Հայաստանի Հանրապետության ներքին գործերի և ազգային անվտանգության նախարարությանն ու Հայաստանի Հանրապետության կառավարությանն առընթեր արտակարգ իրավիճակների վարչությանը` հիմք ընդունելով սույն որոշմամբ հաստատված սննդի օրական միջին նորմաները` մեկամսյա ժամկետում հաստատել, ըստ զորատեսակների, իրենց համակարգի համար սննդի ապահովման նորմաները:

6. Սույն որոշումն ուժի մեջ է մտնում 1998 թվականի նոյեմբերի 11-ից:

Հայաստանի Հանրապետության վարչապետ

Ա. Դարբինյան

Հավելված N 1 ՀՀ կառավարության 1998 թվականի նոյեմբերի 11-ի N 706 որոշման

Խաղաղ ժամանակ զինվորական ծառայության մեջ գտնվող զինծառայողների սննդի օրական միջին նորման

1. Պետության հաշվին նշված նորմայով մատակարարվում են`

ա) սպայական կազմը և ենթասպաները, որոնք ծառայում են անմիջապես սահմանի վրա կամ գտնվում են ռազմական գործողությունների գոտում, կամ անընդհատ աշխատում են օդանավակայաններում, փորձադաշտերում, տեխնիկական և մեկնաթռիչքային դիրքերում` զբաղվելով ինքնաթիռների և ուղղաթիռների անմիջական սպասարկմամբ.

բ) այն զինծառայողները, որոնք գտնվում են կարգապահական գումարտակներում.

գ) զինապարտները և ուսանողները` զորահավաքների ժամանակ,

դ) հաստիքային նվագախմբի սաները,

ե) այն քաղաքացիները, որոնք զորակոչվում են զինվորական ծառայության` զորամաս մեկնելու համար` զինկոմիսարիատներ և հավաքակետեր ներկայանալու օրվանից,

զ) այն քաղաքացիները, որոնք զինկոմիսարիատների և հավաքակետերի կողմից ուղարկվում են զինվորական հոսպիտալներ` բժշկական քննության,

է) սպաները և ենթասպաները` մարտական հերթապահության ժամանակ:

2. Այն զինծառայողներին, որոնք ծառայությունն անցնում են ծովի մակերևույթից 1500 մ բարձրության վրա տեղաբաշխված զորամասերում, նշված նորմայից բացի լրացուցիչ տրվում են`

	երշիկ	50 գ
	կարագ	10 գ
	պանիր	10 գ
	հյութ	100 գ

3. Այն զինծառայողներին, որոնք ծառայությունն անցնում են ծովի մակերևույթից 2000 մ բարձրության վրա տեղաբաշխված զորամասերում և ներգրավված են Հայաստանի Հանրապետության պետական սահմանի պաշտպանության գործում, նշված նորմայից բացի լրացուցիչ տրվում են`

	երշիկ	70 գ
	կարագ	15 գ
	մեղր	15 գ
	թխվածքաբլիթ	20 գ
	շաքար	15 գ

4. Այն զինծառայողներին (շարքային), որոնց ծառայությունն անցնում է պատվո պահակային վաշտում, նշված նորմայից բացի լրացուցիչ տրվում են`

	միս	100 գ
	կարագ	10 գ
	խտացրած կաթ	15 գ

5. Այն զինծառայողներին (շարքային), որոնք աշխատում են (ծառայում են) իոնացված ճառագայթների ազդեցության գոտում և իր բաղադրության մեջ թունավոր պարունակություն ունեցող վառելիքի հետ, նշված նորմայից բացի լրացուցիչ տրվում են`

	միս	55 գ
	կարագ	25 գ
	խտացրած կաթ	20 գ

6. Այն զինծառայողներին (շարքային), որոնք ներգրավված են գիշերային մարտական հերթապահությունում (ժամը 00-ից մինչև առավոտյան ժամը 6.00-ն), նշված նորմային բացի լրացուցիչ տրվում են`

	հաց	100 գ
	թեյ	0,5 գ
	շաքար	15 գ

7. Կալանքի տակ գտնվող զինծառայողներին տրվում են`

	շաքար	40 գ
	միս	100 գ

Կարագ և պանիր չի տրվում, իսկ մնացած սննդամթերքը տրվում է համաձայն նորմայի:

8. Այն զինծառայողներին (շարքային), որոնք ծառայությունն անցնում են Հայաստանի Հանրապետության հյուսիսային ուղղությամբ գտնվող զորամասերում, հոկտեմբեր ամսից մինչև ապրիլ ամիսը ներառյալ, նշված նորմայից բացի լրացուցիչ տրվում են`

	սխտոր	10 գ
	սալ	50 գ
	սպիրտ	50 գ
	վիտամին C	0,1 գ
	թեյ	1 գ
	պովիդլո	30 գ
	խտացրած կաթ	30 գ
	մեղր	15 գ

9. Այն զինծառայողներին (շարքային), որոնք ծառայությունն անցնում են Հայաստանի Հանրապետության հարավային ուղղությամբ գտնվող զորամասերում, նշված նորմայից բացի լրացուցիչ տրվում են`

	շաքար	10 գ
	թեյ	0,5 գ
	թխվածքաբլիթ	40 գ

10. Հիվանդ զինծառայողներին նշված նորմայից բացի լրացուցիչ տրվում են`

	թռչնի միս	50 գ
	կարագ	45 գ
	կովի կաթ	400 գ
	թթվասեր	80 գ
	կաթնաշոռ	80 գ
	ձու (օրական)	1 հատ
	բնական սուրճ	1 գ
	կարտոֆիլի օսլա	5 գ
	թթխմոր	0,5 գ
	թարմ միրգ	200 գ
	մուրաբա	5 գ

11. Թույլատրվում է դիետիկ սնունդ կազմակերպել զինվորների ընդհանուր թվի մինչև 6 տոկոսի համար:

12. Երբ հնարավոր չէ տաք ճաշ պատրաստել հիմնական մթերաբաժնի մթերքով, ապա այդ դեպքում ամբողջ մթերաբաժնի փոխարեն 1 մարդու համար 1 օրվա ընթացքում տրվում են`

	պաքսիմատ`
	բանակային	300 գ
	մսի պահածո	350 գ
	մսաբուսական պահածո	530 գ
	շաքար	90 գ
	թեյ	3 գ

Նշված չոր մթերաբաժինն անընդմեջ 3 օրվանից ավելի չպետք է տրվի:

Հայաստանի Հանրապետության կառավարության աշխատակազմի ղեկավար, օպերատիվ հարցերի նախարար

Շ. Կարամանուկյան

Հավելված N 3 ՀՀ կառավարության 1998 թվականի նոյեմբերի 11-ի N 706 որոշման

Ուղղիչ-աշխատանքային հիմնարկներում դատապարտյալների սննդի օրական միջին նորման

	Սննդամթերքի անվանումը	Սննդի նորման մեկ օրվա համար (գրամ)
	Հաց	650
	Ձավարեղեն	120
	Մակարոնեղեն	20
	Միս, մսամթերք	90
	Կաթ (կաթի փոշի)	100(14,3)
	Ձուկ՝ առանց գլխի	100
	Կենդանական յուղ, մարգարին	45
	Շաքար, շաքարավազ	40
	Աղ՝ կերակրի	10
	Թեյ	1
	Տոմատի մածուկ	3
	Դափնետերև	0,1
	Կարտոֆիլ	550
	Բանջարեղեն	250
	Հյութ	100
	Հիվանդներին նշված նորմայից բացի լրացուցիչ տրվում են`
	բուսական յուղ	20գ
	կարագ	25գ
	կաթ (կաթի փոշի)	100գ (14.3գ)
	հավի ձու	0,5 հատ

Հայաստանի Հանրապետության կառավարության աշխատակազմի ղեկավար, օպերատիվ հարցերի նախարար

Շ. Կարամանուկյան

Հավելված N 4 ՀՀ կառավարության 1998 թվականի նոյեմբերի 11-ի N 706 որոշման

Հայաստանի Հանրապետության ներքին գործերի ԵՎ ազգային անվտանգության նախարարության քրեական հետախուզության վարչության անչափահասների ընդունիչ-տեղաբաշխման բաժնում գտնվող երեխաների սննդի օրական միջին նորման

	Սննդամթերքի անվանումը	Սննդի նորման մեկ օրվա համար (գրամ)
	Հաց	600
	Ձավարեղեն	90
	Մակարոնեղեն	40
	Միս, մսամթերք	150
	Ձուկ՝ առանց գլխի	100
	Կենդանական յուղ, մարգարին	20
	Կարագ	20
	Պանիր	25
	Կաթ (կաթի փոշի)	200(28,57)
	Հավի ձու (շաբաթվա ընթացքում)	4 հատ
	Բուսական յուղ	20
	Շաքար, շաքարավազ	70
	Աղ՝ կերակրի	10
	Թեյ	1
	Տոմատի մածուկ	3
	Դափնետերև	0.1
	Կարտոֆիլ	600
	Բանջարեղեն	240
	այդ թվում`
	կաղամբ	130
	գազար	40
	գլուխ սոխ	40
	բազուկ	30
	Հյութ	150

Հայաստանի Հանրապետության կառավարության աշխատակազմի ղեկավար, օպերատիվ հարցերի նախարար

Շ. Կարամանուկյան