«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Լ. ՏԵՐ-ՊԵՏՐՈՍՅԱՆ
6 դԵԿՏԵՄԲԵՐԻ 1996 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

6 դեկտեմբերի 1996 թվականի N 369

քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՁԵՌՆԱՐԿՈՒԹՅՈՒՆՆԵՐԸ ԵՎ ԱՆՀԱՏ ՁԵՌՆԵՐԵՑՆԵՐԻՆ ՀԱՐԿԱՅԻՆ ՏՈՒՅԺԵՐԻՑ ԱԶԱՏԵԼՈՒ ՄԱՍԻՆ

Հաշվի առնելով Հայաստանի Հանրապետության Ազգային ժողովի ֆինանսավարկային, բյուջետային և տնտեսական հարցերի մշտական հանձնաժողովի համաձայնությունը, Հայաստանի Հանրապետության կառավարությունը որոշում է.

1. Հայաստանի Հանրապետության հարկ վճարող այն ձեռնարկությունները և անհատ ձեռներեցներին, որոնք մինչև1996 թվականի դեկտեմբերի 1-ը ամբողջությամբ մարել են պետական բյուջեի նկատմամբ հարկերի գծով 1996 թվականի նոյեմբերի 1-ի դրությամբ ունեցած ապառքները կամ 1996 թվականի նոյեմբերի 1-ից կատարել են այդ ապառքների գումարները գերազանցող վճարումներ, ամբողջությամբ ազատել հաշվարկված (այդ թվում` հարկային մարմինների արձանագրություններով) և1996 թվականի դեկտեմբերի 1-ի դրությամբ չվճարված տույժերից:

2. Հայաստանի Հանրապետության հարկ վճարող այն ձեռնարկությունները և անհատ ձեռներեցներին, որոնք մինչև1996 թվականի դեկտեմբերի 20-ը ամբողջությամբ կմարեն պետական բյուջեի նկատմամբ հարկերի գծով 1996 թվականի դեկտեմբերի 1-ի դրությամբ ունեցած ապառքները կամ 1996 թվականի դեկտեմբերի 1-ից կկատարեն այդ ապառքների գումարները գերազանցող վճարումներ, ազատել հաշվարկված (այդ թվում` հարկային մարմինների արձանագրություններով) և 1996 թվականի դեկտեմբերի 20-ի դրությամբ չվճարված տույժերից` 50 տոկոսի չափով:

3. Սույն որոշմամբ 1996 թվականի նոյեմբերի 1-ից մինչև դեկտեմբերի 20-ը ընկած ժամանակահատվածում լրիվ կամ մասնակի վճարված (գանձված) տույժերից ազատելու դեպքում առաջացած գերավճարներն ուղղել միայն ապառքների կամ հետագա վճարումների մարմանը:

4. Սույն որոշումն ուժի մեջ է մտնում 1996 թվականի դեկտեմբերի 6-ից:

Հայաստանի Հանրապետության վարչապետ

Ա. ՍԱՐԳՍՅԱՆ