«Վավերացնում եմ»
Հայաստանի Հանրապետության
Նախագահ Ռ. Քոչարյան
3 մայիսի 2000 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

3 մայիսի 2000 թվականի N 219

 ՀՐԱՁԳՈՒԹՅԱՆ ՄԱՍՆԱԳԻՏԱՑՎԱԾ ՀԱՆՐԱՊԵՏԱԿԱՆ ՄԱՆԿԱՊԱՏԱՆԵԿԱՆ ՄԱՐԶԱԴՊՐՈՑԸ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՐԹՈՒԹՅԱՆ ԵՎ ԳԻՏՈՒԹՅԱՆ ՆԱԽԱՐԱՐՈՒԹՅԱՆ ԵՆԹԱԿԱՅՈՒԹՅԱՆԸ ՀԱՆՁՆԵԼՈՒ ՄԱՍԻՆ

 Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 1999 թվականի նոյեմբերի 23-ի «Մի շարք մարզադպրոցներ Հայաստանի Հանրապետության մշակույթի, երիտասարդության հարցերի և սպորտի նախարարության ենթակայությանը հանձնելու մասին» N 710 որոշման մեջ կատարել հետևյալ փոփոխությունը`

որոշմամբ հաստատված մարզադպրոցների ցանկից հանել Հայաստանի Հանրապետության մշակույթի, երիտասարդության հարցերի և սպորտի նախարարության հրաձգության մասնագիտացված հանրապետական մարզադպրոցը և այն հանձնել Հայաստանի Հանրապետության կրթության և գիտության նախարարության ենթակայությանը:

2. Հայաստանի Հանրապետության կրթության և գիտության նախարարությանը` Հայաստանի Հանրապետության մշակույթի, երիտասարդության հարցերի և սպորտի նախարարության հետ համատեղ երկշաբաթյա ժամկետում` սահմանված կարգով ավարտել նշված մարզադպրոցի գույքի հանձնման-ընդունման աշխատանքները:

3. Հայաստանի Հանրապետության ֆինանսների և էկոնոմիկայի նախարարությանը` «Հայաստանի Հանրապետության 2000 թվականի պետական բյուջեի մասին» Հայաստանի Հանրապետության օրենքի 7 հոդվածով հաստատված բյուջետային ծախսերի գործառական դասակարգման N 1 հավելվածի 04 խմբի 05 ենթախմբի «1. Արտադպրոցական հիմնարկների պահպանում» (ՀՀ մշակույթի, երիտասարդության հարցերի և սպորտի նախարարություն) տողով նախատեսված ծախսերը պակասեցնել 5668,0 հազ. դրամով` նույն չափով ավելացնելով 04 խմբի 05 ենթախմբի «1. Արտադպրոցական հիմնարկների պահպանում» (ՀՀ կրթության և գիտության նախարարություն) տողով նախատեսված ծախսերը:

4. Սույն որոշման 3-րդ կետին համապատասխան հաստատել ծախսերի վերաբաշխումն ըստ տնտեսագիտական դասակարգման` համաձայն հավելվածի:

5. Սույն որոշումն ուժի մեջ է մտնում 2000 թվականի մայիսի 3-ից:

Հավելված  ՀՀ կառավարության 2000 թ.  մայիսի 3-ի N 219 որոշման

«Հայաստանի Հանրապետության 2000 թվականի պետական բյուջեի մասին» Հայաստանի Հանրապետության օրենքի N 1 հավելվածի 04 խմբի 05 ենթախմբի ծախսերի վերաբաշխումն ըստ տնտեսագիտական դասակարգման

հազ. դրամ

Հոդվածների անվանումները	Պակասեցում	Ավելացում
	ՀՀ մշակույթի, երիտասարդության հարցերի և սպորտի նախարարություն	ՀՀ կրթության և գիտության նախարարություն

ԸՆԴԱՄԵՆԸ` ԾԱԽՍԵՐ այդ թվում`	5668.0	5668.0
ՊԵՏԱԿԱՆ ՄԱՐՄԻՆՆԵՐԻ, ԴՐԱՆՑ ԵՆԹԱԿԱ ԲՅՈՒՋԵՏԱՅԻՆ  ՀԻՄՆԱՐԿՆԵՐԻ ԱՇԽԱՏՈՂՆԵՐԻ ԱՇԽԱՏԱՎԱՐՁ	3780.0	3780.0
- պարտադիր սոցիալական ապահովագրության վճարներ	1058.0	1058.0
ԱՊՐԱՆՔՆԵՐԻ ԳՆՄԱՆ ԵՎ ԾԱՌԱՅՈՒԹՅՈՒՆՆԵՐԻ ՎՃԱՐՄԱՆ ԾԱԽՍԵՐ	830.0	830.0
այդ թվում`  Ապրանքների ձեռքբերում	280.0	280.0
այդ թվում` Այլ ծախսեր	280.0	280.0
Կապի ծառայությունների վճարներ	50.0	50.0
Այլ ծախսեր	500.0	500.0
այդ թվում`  Այլ ծառայությունների ձեռքբերման ծախսեր	500.0	500.0