«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Լ. ՏԵՐ-ՊԵՏՐՈՍՅԱՆ
16 ԱՊՐԻԼԻ 1997 Թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

16 ապրիլի 1997 թվականի N 81
քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ԿՈՂՄԻՑ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻՆ ՏԵՂԵԿՈՒԹՅՈՒՆՆԵՐ ՏՐԱՄԱԴՐԵԼՈՒ ԿԱՐԳԸ ՀԱՍՏԱՏԵԼՈՒ ՄԱՍԻՆ

«Հայաստանի Հանրապետության կենտրոնական բանկի մասին» Հայաստանի Հանրապետության օրենքի 33 հոդվածին համապատասխան և հաշվի առնելով Հայաստանի Հանրապետության կենտրոնական բանկի համաձայնությունը, Հայաստանի Հանրապետության կառավարությունը որոշում է.

1. Հաստատել Հայաստանի Հանրապետության կառավարության կողմից Հայաստանի Հանրապետության կենտրոնական բանկին տեղեկություններ տրամադրելու կարգը (կցվում է):

2. Հայաստանի Հանրապետության ֆինանսների նախարարությանը և Հայաստանի Հանրապետության վիճակագրության, պետական ռեգիստրի և վերլուծության վարչությանը` սահմանված ժամկետներում ապահովել սույն որոշմամբ հաստատված կարգում նշված տեղեկությունների տրամադրումը Հայաստանի Հանրապետության կենտրոնական բանկին:

Հայաստանի Հանրապետության վարչապետ

Ռ. Քոչարյան

ՀԱՍՏԱՏՎԱԾ Է ՀՀ ԿԱՌԱՎԱՐՈՒԹՅԱՆ 1997 ԹՎԱԿԱՆԻ ԱՊՐԻԼԻ 16-Ի N 81 ՈՐՈՇՄԱՄԲ

Կ Ա Ր Գ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ԿՈՂՄԻՑ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻՆ ՏԵՂԵԿՈՒԹՅՈՒՆՆԵՐ ՏՐԱՄԱԴՐԵԼՈՒ

1. Հայաստանի Հանրապետության պետական բյուջեի կատարման, ընթացիկ ծախսերի և եկամուտների վերաբերյալ օրական տեղեկատվությունը (գանձապետական համակարգի անցնելուց հետո) Հայաստանի Հանրապետության կենտրոնական բանկին է տրամադրում Հայաստանի Հանրապետության ֆինանսների նախարարությունը:

2. Արտաքին պետական փոխառությունների (ստացման պայմաններ, օգտագործման ուղղություններ և նպատակներ) վերաբերյալ տեղեկատվությունը Հայաստանի Հանրապետության ֆինանսների նախարարությունը Հայաստանի Հանրապետության կենտրոնական բանկին է տրամադրում եռամսյակային կտրվածքով` եռամսյակի ավարտից հետո մինչև հաջորդ ամսվա 15-ը:

3. Պետական երաշխիքով ստացված վարկերի ծավալների և պայմանների վերաբերյալ տեղեկատվությունը Հայաստանի Հանրապետության ֆինանսների նախարարությունը Հայաստանի Հանրապետության կենտրոնական բանկին է տրամադրում եռամսյակային կտրվածքով` եռամսյակի ավարտից հետո մինչև հաջորդ ամսվա 30-ը:

4. Վճարային հաշվեկշիռը Հայաստանի Հանրապետության վիճակագրության, պետական ռեգիստրի և վերլուծության վարչությունը Հայաստանի Հանրապետության կենտրոնական բանկին է տրամադրում եռամսյակային (հաշվետու ժամանակահատվածից հետո մինչև 90-րդ օրը) և տարեկան կտրվածքով (հաշվետու ժամանակահատվածից հետո մինչև 180-րդ օրը), իսկ ըստ երկրների, ապրանքատեսակների և ապրանքատեսակներն ըստ երկրների արտահանման ու ներմուծման վերաբերյալ տեղեկատվությունը` ամսական կտրվածքով:

5. Համախառն ներքին արդյունքի (աճի տեմպը և բացարձակ տվյալները, համախառն ներքին արդյունքի աճի իրական տեմպը) վերաբերյալ տեղեկատվությունը Հայաստանի Հանրապետության վիճակագրության, պետական ռեգիստրի և վերլուծության վարչությունը Հայաստանի Հանրապետության կենտրոնական բանկին է տրամադրում ամսական, եռամսյակային և տարեկան կտրվածքով (հաշվետու ժամանակահատվածից հետո IV եռամսյակում):

6. Ձեռնարկությունների (կազմակերպությունների) հաշվարկների վիճակի վերաբերյալ ամփոփ տեղեկատվությունը Հայաստանի Հանրապետության վիճակագրության, պետական ռեգիստրի և վերլուծության վարչությունը Հայաստանի Հանրապետության կենտրոնական բանկին է տրամադրում եռամսյակային և տարեկան կտրվածքով (հաշվետու ժամանակահատվածի ավարտից հետո մինչև 75-րդ օրը):

7. Ձեռնարկությունների միջոցների կազմի և դրանց գոյացման աղբյուրների վերաբերյալ ամփոփ տեղեկատվությունը Հայաստանի Հանրապետության վիճակագրության, պետական ռեգիստրի և վերլուծության վարչությունը Հայաստանի Հանրապետության կենտրոնական բանկին է տրամադրում եռամսյակային և տարեկան կտրվածքով (հաշվետու ժամանակահատվածի ավարտից հետո մինչև 75-րդ օրը):

8. Ձեռնարկությունների (կազմակերպությունների) ֆինանսական գործունեության ամփոփ ցուցանիշները Հայաստանի Հանրապետության վիճակագրության, պետական ռեգիստրի և վերլուծության վարչությունը Հայաստանի Հանրապետության կենտրոնական բանկին է տրամադրում եռամսյակային և տարեկան կտրվածքով (հաշվետու ժամանակահատվածի ավարտից հետո մինչև 75-րդ օրը):

9. Ընթացիկ ծախսերի վերաբերյալ ամփոփ տեղեկատվությունը Հայաստանի Հանրապետության վիճակագրության, պետական ռեգիստրի և վերլուծության վարչությունը Հայաստանի Հանրապետության կենտրոնական բանկին է տրամադրում եռամսյակային և տարեկան կտրվածքով (հաշվետու ժամանակահատվածի ավարտից հետո մինչև 75-րդ օրը):

10. «Հայաստանի Հանրապետության սպառողական գների ինդեքս» տեղեկագիրը Հայաստանի Հանրապետության վիճակագրության, պետական ռեգիստրի և վերլուծության վարչությունը Հայաստանի Հանրապետության կենտրոնական բանկին է տրամադրում ամսական կտրվածքով` մինչև հաջորդ ամսվա 10-ը: