«Վավերացնում եմ»
Հայաստանի Հանրապետության
Նախագահ Լ. Տեր-Պետրոսյան
«24» սեպտեմբերի 1996 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
 

Ո Ր Ո Շ ՈՒ Մ

24 սեպտեմբերի 1996 թվականի N 309
քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ՍԵՎ ԵՎ ԳՈՒՆԱՎՈՐ ՄԵՏԱՂՆԵՐԻ ՋԱՐԴՈՆԻ ՈՒ ԹԱՓՈՆԻ, ՍԵՎ ԵՎ ԳՈՒՆԱՎՈՐ ՄԵՏԱՂՆԵՐԻՑ ՊԱՏՐԱՍՏՎԱԾ ԻՐԵՐԻ (ՏՆԱՅԻՆ ՕԳՏԱԳՈՐԾՄԱՆ) ԱՌՈՒԾԱԽԻ ԿԱՐԳԻ ՄԱՍԻՆ

Հայաստանի Հանրապետությունում սև և գունավոր մետաղների ջարդոնի ու թափոնի, սև և գունավոր մետաղներից պատրաստված իրերի (տնային օգտագործման) առուծախով զբաղվող ձեռնարկությունների, անհատ ձեռներեցների և քաղաքացիների գործունեությունը կանոնակարգելու նպատակով Հայաստանի Հանրապետության կառավարությունը որոշում է.

1. Հայաստանի Հանրապետությունում սև և գունավոր մետաղների ջարդոնի ու թափոնի, համաձայն N 1 հավելվածի, ինչպես նաև սև և գունավոր մետաղներից պատրաստված իրերի (տնային օգտագործման) առուծախով կարող են զբաղվել «Ձեռնարկությունների և ձեռնարկատիրական գործունեության մասին» Հայաստանի Հանրապետության օրենքով սահմանված կազմակերպական-իրավական բոլոր տեսակի ձեռնարկություններն ու անհատ ձեռներեցները, եթե Հայաստանի Հանրապետության օրենսդրությամբ այլ բան չի սահմանված:

2. Սահմանել, որ Հայաստանի Հանրապետությունում սև և գունավոր մետաղների ջարդոնի ու թափոնի առուծախով զբաղվող ձեռնարկությունները և անհատ ձեռներեցները սև և գունավոր մետաղների ջարդոն ու թափոն գնում են միայն դրանց ձեռքբերման աղբյուրը հաստատող փաստաթղթերի, այն է` պայմանագրի, դրանց ներմուծման դեպքում` մաքսային հայտարարագրի, հաշիվ-ապրանքագրի կամ սույն որոշմամբ սահմանված կարգով կազմված երկկողմանի գնման ակտի առկայության դեպքում:

3. Քաղաքացիներից սև և գունավոր մետաղներից պատրաստված իրերի (տնային օգտագործման), համաձայն N 2 հավելվածի, գնման ժամանակ ձեռնարկության կամ անհատ ձեռներեցի և քաղաքացու միջև պարտադիր կարգով պետք է կազմվի երկկողմանի գնման ակտ (ձևը կցվում է)` երկու օրինակից: Գնման ակտի մեկ օրինակը պահվում է ձեռնարկության կամ անհատ ձեռներեցի, իսկ մյուսը` քաղաքացու մոտ:

4. Սույն որոշման 2-րդ և 3-րդ կետերի պահանջները խախտող ձեռնարկությունները, անհատ ձեռներեցներն ու քաղաքացիները կրում են պատասխանատվություն` Հայաստանի Հանրապետության օրենսդրությամբ սահմանված կարգով:

5. Հայաստանի Հանրապետության վիճակագրության, պետական ռեգիստրի և վերլուծության վարչությանը` 15-օրյա ժամկետում Հայաստանի Հանրապետության էկոնոմիկայի նախարարության և Հայաստանի Հանրապետության արդյունաբերության նախարարության հետ համատեղ հաստատել հաշվետվության ձև, որով ձեռնարկություններն ու անհատ ձեռներեցները պետք է ներկայացնեն սև և գունավոր մետաղների ջարդոնի ու թափոնի առուծախի գործարքների մասին եռամսյակային հաշվետվություն:

6. Սույն որոշման կատարման վերահսկողությունը դնել Հայաստանի Հանրապետության հարկային տեսչության վրա:

7. Սույն որոշումն ուժի մեջ է մտնում 1996 թվականի սեպտեմբերի 24-ից:

Հայաստանի Հանրապետության վարչապետ

Հ. ԲԱԳՐԱՏյան

Հավելված N 1 ՀՀ կառավարության 1996 թվականի սեպտեմբերի 24-ի N 309 որոշման

Ց Ա Ն Կ

սեվ եվ գունավոր մետաղների ջարդոնի եվ թափոնի

Հայաստանի Հանրապետության ԿԱՌԱՎԱՐՈՒԹՅԱՆ ՔԱՐՏՈՒՂԱՐ-ՆԱԽԱՐԱՐ

Ս. ՄԱՆԱՍԱՐՅԱՆ

Հավելված N 2 ՀՀ կառավարության 1996 թվականի սեպտեմբերի 24-ի N 309 որոշման

Ց Ա Ն Կ

այն սեվ եվ գունավոր մետաղներից պատրաստված իրերի (տնային օգտագործման), որոնց գնման ժամանակ ձեռնարկության կամ անհատ ձեռներեցի եվ քաղաքացու միջեվ պարտադիր կարգով պետք է կազմվի երկկողմանի գնման ակտ

Արտաքին տնտեսական գործունեության ապրանքային ծածկագիրը	Արտադրանքի անվանումը
1	2
73.21.00.000-73.25.00.000, 73.26.20.500, 73.26.20.900, 73.26.90	Սև մետաղից պատրաստված ջեռուցման վառարաններ, խոհանոցային վառարաններ և սալօջախ, ոչ էլեկտրական կենցաղային սարքեր, ջեռուցման սարքեր (ռադիատորներ), օդաջեռուցիչներ, օդ մատակարարող բաշխիչ սարքեր, խոհանոցային և այլ կենցաղային արտադրանք, սանիտարատեխնիկական սարքավորումներ և դրանց մասեր ու այլ ձուլվածքներ, մետաղալարից պատրաստված զամբյուղներ և սև մետաղից պատրաստված այլ արտադրանք
74.08.00.000-74.12.00.000, 74.17.00.000-74.19.00.000	Պղնձից պատրաստված արտադրանք` մետաղալարեր, մալուխներ, սալիկներ, թիթեղներ, շերտաձողեր, ժապավեններ, նրբաթիթեղ, խողովակներ, կցամասեր (ֆիթինգներ), կենցաղային սարքեր, խոհանոցային և այլ կենցաղային արտադրանք ու պղնձից պատրաստված այլ արտադրանք
75.07.00.000-75.08.00.000	Նիկելից պատրաստված արտադրանք` խողովակներ, կցամասեր և այլ արտադրանք
76.05.00.000-76.15.00.000	Ալյումինից պատրաստված արտադրանք` մետաղալարեր, մալուխներ, սալիկներ, թիթեղներ, շերտաձողեր, ժապավեններ, նրբաթիթեղ, խողովակներ, կցամասեր, կառուցվածքներ, պահեստարաններ (ռեզերվուարներ), ցիստեռններ, բաքեր և նմանատիպ տարաներ, կենցաղային սարքեր, խոհանոցային և այլ կենցաղային արտադրանք ու ալյումինից պատրաստված այլ արտադրանք
78.03.00.000-78.05.00.000	Կապարից պատրաստված արտադրանք` ձողեր, տրամատներ, նրբաթիթեղ, փոշիներ, խողովակներ, կցամասեր և կապարից պատրաստված այլ արտադրանք
79.04.00.000-79.07.00.000	Ցինկից պատրաստված արտադրանք` ձողեր, տրամատներ, մետաղալարեր, սալիկներ, թիթեղներ, ժապավեններ, նրբաթիթեղ, խողովակներ, կցամասեր և ցինկից պատրաստված այլ արտադրանք
80.03.00.000-80.06.00.000	Անագից պատրաստված արտադրանք` ձողեր, տրամատներ, մետաղալարեր, սալիկներ, թիթեղներ, ժապավեններ, նրբաթիթեղ, խողովակներ, կցամասեր և անագից պատրաստված այլ արտադրանք
82.01.00.000-82.15.00.000	Ոչ թանկարժեք մետաղներից պատրաստված գործիքներ, դանակներ, գդալներ, պատառաքաղներ` և դրանց մասեր
83.01.00.000-83.07.00.000, 83.10.00000-83.11.00000	Ոչ թանկարժեք մետաղներից պատրաստված այլ իրեր` կողպեքներ, մղլակներ, բանալիներ, ամրաններ, ամրակներ, բարձակներ, կախիչներ, գլանիկներ, զրահապատ, չհրկիզվող պահարաններ (սեյֆեր), պահարաններ, արկղեր և նմանատիպ արտադրանք, գրասենյակային պիտույքներ, զանգեր, դեկորատիվ և նմանատիպ արտադրանք, ցուցանակներ, մետաղաձողեր, թիթեղներ, էլեկտրոդներ և այլ տեղերում չհիշատակված արտադրանք

Հայաստանի Հանրապետության ԿԱՌԱՎԱՐՈՒԹՅԱՆ ՔԱՐՏՈՒՂԱՐ-ՆԱԽԱՐԱՐ

Ս. ՄԱՆԱՍԱՐՅԱՆ

Ձև

ԳՆՄԱՆ ԱԿՏ N

«   »______________199  թ.

Գնորդ ___________________________________________________________________________

(ձեռնարկության կամ անհատ ձեռներեցի անվանումը, գնորդի

 _________________________________________________________________________________ 

անունը, հայրանունը, ազգանունը,

 _________________________________________________________________________________ 

անձնագրի տվյալները)

Քաղաքացի  ______________________________________________________________________

(վաճառողի անունը, հայրանունը, ազգանունը, հասցեն,

 _________________________________________________________________________________ 

անձնագրի տվյալները)

Գնված ապրանքի անվանումը	Չափի միավորը	Քանակը	Գնման գինը	Գումարը

   

Գնորդ____________________________ (ստորագրությունը)   Կ.Տ.

Քաղաքացի____________________________ (ստորագրությունը)