|
«ՎԱՎԵՐԱՑՆՈՒՄ ԵՄ» |
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
22 հունվարի 1996 թվականի N 14
քաղ. Երևան
Հայաստանի Հանրապետության բանկերին վարձակալության տրված պետական սեփականություն հանդիսացող շենքերի, շինությունների ԵՎ այլ գույքի գնահատման ու վաճառքի մասին
Հայաստանի Հանրապետության կառավարությունը որոշում է.
1. Սահմանել, որ Հայաստանի Հանրապետության բանկերին վարձակալության տրված պետական սեփականություն հանդիսացող շենքերի, շինությունների և այլ գույքի գնումն իրականացվում է Հայաստանի Հանրապետության կառավարության որոշմամբ:
Նշված շենքերի, շինությունների և այլ գույքի գնահատումն իրականացվում է «փոքր» օբյեկտների համար նախատեսված կարգին համապատասխան, իսկ վաճառքի կարգը սահմանվում է Հայաստանի Հանրապետության կառավարության կողմից:
2. Սույն որոշման 1-ին կետում նշված շենքերի, շինությունների և այլ գույքի վաճառքից գոյացած միջոցները մուտքագրվում են Հայաստանի Հանրապետության հանրապետական բյուջե:
3. Սույն որոշումն ուժի մեջ է մտնում 1996 թվականի հունվարի 22-ից:
|
Հայաստանի Հանրապետության վարչապետ |
Հ. ԲԱԳՐԱՏյան |