«ՎԱՎԵՐԱՑՆՈՒՄ ԵՄ»

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՆԱԽԱԳԱՀ Ռ. ՔՈՉԱՐՅԱՆ

25 օգոստոսի 1998 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

25 օգոստոսի 1998 թվականի N 515

քաղ. Երևան

ՊԱՇՏՈՆԵԱԿԱՆ (ԾԱՌԱՅՈՂԱԿԱՆ) ԲՆԱԿԵԼԻ ՏԱՐԱԾՈՒԹՅՈՒՆԸ ՍԵՓԱԿԱՆՈՒԹՅԱՆ ԻՐԱՎՈՒՆՔՈՎ ՀԱՏԿԱՑՆԵԼՈՒ ՄԱՍԻՆ

Հայաստանի Հանրապետության կառավարությունը որոշում է`

1. Հաշվի առնելով Հայաստանի Հանրապետության արդյունաբերության և առևտրի նախարարության համաձայնությունը` ընդունել Հայաստանի Հանրապետության գիտությունների ազգային ակադեմիայի առաջարկությունն ակադեմիկոս Գրիգոր Գուրզադյանին` որպես պաշտոնեական (ծառայողական) բնակելի տարածություն հատկացված Կոտայքի մարզի Գառնի գյուղի տիեզերական աստղագիտության ինստիտուտի գիտավանի տարածքում գտնվող առանձնատունը սեփականաշնորհելու վերաբերյալ:

2. Առաջարկել Կոտայքի մարզի Գառնիի գյուղական համայնքի ղեկավարին իրականացնել նշված առանձնատան սեփականաշնորհումը` Հայաստանի Հանրապետության օրենսդրությամբ սահմանված կարգով:

3. Սույն որոշումն ուժի մեջ է մտնում 1998 թվականի օգոստոսի 25-ից:

Հայաստանի Հանրապետության վարչապետ

Ա. Դարբինյան