ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

13 դեկտեմբերի 1993 թվականի N 626

քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԱՌԵՎՏՐԱՅԻՆ ԲԱՆԿԻ ԿԱՆՈՆԱԴՐԱԿԱՆ ԿԱՊԻՏԱԼՈՒՄ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՄԱՍՆԱԲԱԺՆԻ ՉԱՓԸ ԱՎԵԼԱՑՆԵԼՈՒ ՄԱՍԻՆ

«Բանկերի և բանկային գործունեության մասին» Հայաստանի Հանրապետության օրենքի 7 հոդվածին համապատասխան Հայաստանի Հանրապետության կառավարությունը որոշում է`

Հաշվի առնելով, որ Հայաստանի Հանրապետության պետական առևտրային բանկի բաժնետերերի ընդհանուր ժողովի կողմից հայտարարված կանոնադրական կապիտալի չափը հասել է 1 մլրդ ռուբլու, ընդունել Հայաստանի Հանրապետության ֆինանսների նախարարության առաջարկությունը և Հայպետառբանկի կանոնադրական կապիտալում Հայաստանի Հանրապետության կառավարության մասնաբաժնի չափը մինչև 35 տոկոս բարձրացնելու նպատակով ֆինանսների նախարարությանը հատկացնել 329 մլն ռուբլի` 1993 թվականի հանրապետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին:

Այդ կապակցությամբ Հայաստանի Հանրապետության Նախարարների խորհրդի 1991 թվականի օգոստոսի 9-ի «Հայաստանի Հանրապետության պետական առևտրային բանկը սահմանափակ պատասխանատվությամբ ընկերության Հայաստանի Հանրապետության պետական առևտրային բանկի վերակազմավորելու մասին» N 509 որոշման 2-րդ կետում «21 մլն ռուբլի» բառերը փոխարինել «350 մլն ռուբլի» բառերով:

Հայաստանի Հանրապետության վարչապետ

Հ. ԲԱԳՐԱՏյան

Հայաստանի Հանրապետության ԿԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐԻՉ

Ա. ԽԱՉԱՏՐՅԱՆ