ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

 6 մարտի 1992 թվականի N 146

քաղ. Երևան

ՏՆՏԵՍԱԿԱՆ ՈՒ ԱՅԼ ԱՌԵՎՏՐԱՅԻՆ ԳՈՐԾՈՒՆԵՈՒԹՅԱՆ ՄԻ ՔԱՆԻ ՏԵՍԱԿ ԻՐԱԿԱՆԱՑՆՈՂ ՁԵՌՆԱՐԿՈՒԹՅՈՒՆՆԵՐԻ ՇԱՀՈՒՅԹԻ ՀԱՐԿՄԱՆ ԿԱՐԳԻ ՄԱՍԻՆ

Ի կատարումն «Շահութահարկի մասին» Հայաստանի Հանրապետության օրենքի 18 հոդվածի 4-րդ մասի, Հայաստանի Հանրապետության կառավարությունը որոշում է`

1. Տնտեսական ու այլ առևտրային գործունեության մի քանի տեսակ իրականացնող ձեռնարկությունները շահութահարկ են վճարում գործունեության առանձին տեսակների համար սահմանված դրույքաչափերով: Այդ նպատակով ըստ գործունեության առանձին տեսակների պետք է տարվի շահույթի հաշվառում: Ընդ որում, նման ձեռնարկությունների կողմից շահութահարկի հաշվարկման ժամանակ հաշվեկշռային շահույթը պակասեցվում է հաստատագրված վճարումների ենթակա գործունեության գծով ստացված շահույթի գումարի չափով:

2. Ըստ առանձին գործունեության տեսակների շահույթի հաշվարկի բացակայության դեպքում ամբողջ շահույթը, անկախ բյուջեին հասանելիք հաստատագրված գումարից, հարկվում է «Շահութահարկի մասին» Հայաստանի Հանրապետության օրենքի 17 հոդվածով սահմանված կարգով:

3. Ըստ գործունեության առանձին տեսակների շահույթի ոչ ճիշտ հաշվարկը դիտվում է որպես շահույթի թաքցնում (նվազեցում), որի դեպքում ձեռնարկությունը պատասխանատվություն է կրում սահմանված կարգով:

ՀԱՅԱՍՏԱՆի հանրապետության փոխնախագահ, վարչապետ

Գ. ՀԱՐՈՒԹՅՈՒՆՅԱՆ

ՀԱՅԱՍՏԱՆի հանրապետության կԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐՉԻ ՊԱՇՏՈՆԱԿԱՏԱՐ

Հ. ՔՈԹԱՆՅԱՆ