«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Լ. ՏԵՐ-ՊԵՏՐՈՍՅԱՆ
1 հունիսի 1996 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

1 հունիսի 1996 թվականի N 165

քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՄԻ ՇԱՐՔ ՈՐՈՇՈՒՄՆԵՐ ԵՎ ԿԱՐԳԱԴՐՈՒԹՅՈՒՆՆԵՐ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1. Ուժը կորցրած ճանաչել Հայաստանի Հանրապետության կառավարության մի շարք որոշումներ և կարգադրություններ` համաձայն հավելվածի:

2. Հայաստանի Հանրապետության տարածքում դադարեցնել նախկին ՍՍՌՄ Մինիստրների սովետի 1949 թվականի հուլիսի 24-ի N 11433 կ կարգադրության գործողությունը:

3. Սահմանել, որ գյուղական բնակավայրերում բնակվող և աշխատող ուսուցիչների, բժիշկների և միջին բուժաշխատողների ձմեռվա վառելիքի և կոմունալ ծառայությունների արտոնությունների գծով գումարները փոխհատուցվում են տեղական բյուջեների միջոցների հաշվին` դրանց առկայության դեպքում:

4. Սույն որոշումն ուժի մեջ է մտնում 1996 թվականի հունիսի 1-ից:

Հայաստանի Հանրապետության վարչապետ

Հ. ԲԱԳՐԱՏյան

ՀԱՎԵԼՎԱԾ ՀՀ կԱՌԱՎԱՐՈՒԹՅԱՆ 1996 ԹՎԱԿԱՆԻ ՀՈՒՆԻՍԻ 1-Ի N 165 ՈՐՈՇՄԱՆ

Ց Ա Ն Կ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՈՒԺԸ ԿՈՐՑՐԱԾ ՈՐՈՇՈՒՄՆԵՐԻ ԵՎ ԿԱՐԳԱԴՐՈՒԹՅՈՒՆՆԵՐԻ

1. Հայկական ՍՍՌ Մինիստրների սովետի 1948 թվականի մարտի 1-ի «Տարրական և յոթնամյա դպրոցների ուսուցիչների արտոնությունների և առավելությունների մասին» N 195 որոշումը:

2. Հայկական ՍՍՌ Մինիստրների սովետի 1951 թվականի հոկտեմբերի 12-ի N 802 կարգադրությունը:

3. Հայկական ՍՍՌ Մինիստրների սովետի 1955 թվականի դեկտեմբերի 16-ի N 746 կարգադրությունը:

4. Հայկական ՍՍՌ Մինիստրների սովետի 1959 թվականի մայիսի 13-ի «Հայկական ՍՍՌ գյուղական վայրերում և բանվորական ավաններում բնակվող բժիշկների և միջին բուժաշխատողների արտոնությունների մասին» N 168 որոշումը:

5. ՀԿԿ Կենտկոմի և Հայկական ՍՍՌ Մինիստրների սովետի 1960 թվականի ապրիլի 29-ի «Երկարօրյա դպրոցների կազմակերպման մասին» N 20 /203 որոշման 7-րդ կետի երրորդ պարբերությունը:

6. Հայկական ՍՍՌ Մինիստրների սովետի 1960 թվականի նոյեմբերի 26-ի «Հայկական ՍՍՌ հանրակրթական դպրոցների առանձին կատեգորիայի աշխատողների աշխատանքի վարձատրության մասին» N 504 որոշման 1-ին կետի երկրորդ պարբերությունը:

7. Հայկական ՍՍՌ Մինիստրների սովետի 1961 թվականի հունիսի 28-ի N 464 կ կարգադրության 2-րդ կետը:

8. Հայկական ՍՍՀ Մինիստրների սովետի 1969 թվականի մարտի 3-ի «Գյուղական վայրերի և բանվորական ավանների կուլտուր-լուսավորական հիմնարկների աշխատողների կոմունալ արտոնությունների մասին» N 133 որոշումը:

9. Հայկական ՍՍՀ Մինիստրների սովետի 1971 թվականի հունիսի 9-ի «ՍՍՀՄ Մինիստրների սովետի 1971 թվականի մայիսի 4-ի N 255 որոշումը «Գյուղական վայրերի հանրակրթական դպրոցների ուսումնանյութական բազայի ամրապնդման մի քանի միջոցառումների մասին» N 336 որոշման 6-րդ կետի «գ» ենթակետը:

10. Հայկական ՍՍՀ Մինիստրների սովետի 1974 թվականի սեպտեմբերի 17-ի «Գյուղական վայրերում ու բանվորական ավաններում բնակվող` ժողովրդական ինքնագործ թատրոնների և կոլեկտիվների հաստիքային աշխատողների վրա կոմունալ արտոնություններ տարածելու մասին» N 575 որոշումը:

11. ՀԿԿ Կենտկոմի և Հայկական ՍՍՀ Մինիստրների խորհրդի 1982 թվականի օգոստոսի 9-ի «ՍՄԿԿ Կենտկոմի և ՍՍՀՄ Մինիստրների Խորհրդի 1982 թվականի մայիսի 24-ի «Գյուղական բնակչության բնակարանային, կոմունալ-կենցաղային, սոցիալ-կուլտուրական կենսապայմանների հետագա բարելավման միջոցառումների մասին» N 437 որոշումը» N 509 որոշման 18-րդ կետի «ի» ենթակետի հինգերորդ պարբերությունը:

12. Հայկական ՍՍՀ Մինիստրների խորհրդի 1987 թվականի փետրվարի 13-ի N 75 կարգադրությունը:

Հայաստանի Հանրապետության ԿԱՌԱՎԱՐՈՒԹՅԱՆ ՔԱՐՏՈՒՂԱՐ-ՆԱԽԱՐԱՐ

Ս. ՄԱՆԱՍԱՐՅԱՆ