ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

11 փետրվարի 1995 թվականի N 71

քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 1993 ԹՎԱԿԱՆԻ ՄԱՅԻՍԻ 26-Ի N 277 ՈՐՈՇՄԱՆ ՄԵՋ ԼՐԱՑՈՒՄ ԿԱՏԱՐԵԼՈՒ ՄԱՍԻՆ

Հայաստանի Հանրապետության կառավարությունը որոշում է`

1. Ընդունել Հայաստանի Հանրապետության պաշտպանության նախարարության առաջարկությունը` համաձայնեցված Հայաստանի Հանրապետության առողջապահության նախարարության ու աշխատանքի և սոցիալական ապահովության նախարարության հետ, և Հայաստանի Հանրապետության կառավարության 1993 թվականի մայիսի 26-ի «Զինծառայողների և նրանց ընտանիքների անդամների կենսաթոշակների նշանակման կարգի և նրանց սոցիալական ապահովության ու արտոնությունների մասին» N 277 որոշման 8-րդ կետը լրացնել հետևյալ պարբերությամբ`

«Սույն կետը Հայաստանի Հանրապետության պաշտպանության նախարարության մասով կիրարկել 1996 թվականի հունվարի 1-ից»:

2. Հայաստանի Հանրապետության պաշտպանության նախարարությանը և ֆինանսների նախարարությանը` Հայաստանի Հանրապետության 1995 թվականի պետական բյուջեում Հայաստանի Հանրապետության պաշտպանության նախարարությանը հատկացված գումարներից զինծառայողների` այլ բուժհիմնարկներում պրոթեզաօրթոպեդիկ բուժման համար նախատեսված գումարները փոխանցել Հայաստանի Հանրապետության աշխատանքի և սոցիալական ապահովության նախարարությանը:

Հայաստանի Հանրապետության վարչապետ

Հ. ԲԱԳՐԱՏյան

Հայաստանի Հանրապետության ԿԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐԻՉ

Ս. ՄԱՆԱՍԱՐՅԱՆ