ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

22 դեկտեմբերի 1993 թվականի N 641

քաղ. Երևան

ԱՊՀ ԱՆԴԱՄ ՊԵՏՈՒԹՅՈՒՆՆԵՐԻ ՌԱԶՄԱՈՒՍՈՒՄՆԱԿԱՆ ՀԱՍՏԱՏՈՒԹՅՈՒՆՆԵՐ ՍՈՎՈՐԵԼՈՒ ԳՈՐԾՈՒՂՎՈՂ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԶԻՆԾԱՌԱՅՈՂՆԵՐԻ ԵՎ ԿՈՒՐՍԱՆՏՆԵՐԻ ՊԱՇՏՈՆԱՅԻՆ ԴՐՈՒՅՔԱՉԱՓԵՐԻ ԵՎ ԿՐԹԱԹՈՇԱԿՆԵՐԻ ՄԱՍԻՆ

Հայաստանի Հանրապետության կառավարությունը որոշում է`

1. ԱՊՀ անդամ պետությունների ռազմաուսումնական հաստատություններ սովորելու գործուղվող Հայաստանի Հանրապետության զինծառայողների պաշտոնային դրույքաչափի հաշվարկման բազմապատիկ գործակիցը կիրառել այդ պետություններում սահմանված նվազագույն աշխատավարձի չափի նկատմամբ:

2. ԱՊՀ անդամ պետությունների ռազմաուսումնական հաստատություններում սովորող Հայաստանի Հանրապետության կուրսանտների կրթաթոշակը սահմանել այդ պետությունում սահմանված նվազագույն աշխատավարձի չափով:

3. ԱՊՀ անդամ պետությունների ռազմաուսումնական հաստատություններում սովորող զինծառայողներին և առանձին դեպքերում նրանց ընտանիքների անդամներին ռազմաուսումնական հաստատությունների կողմից հատկացված բնակտարածության համար վճարումը կատարել միջազգային պայմանագրերին (համաձայնագրերին) համապատասխան:

Հայաստանի Հանրապետության վարչապետ

Հ. ԲԱԳՐԱՏյան

Հայաստանի Հանրապետության ԿԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐԻՉ

Ա. ԽԱՉԱՏՐՅԱՆ