ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

28 հուլիսի 1993 թվականի N 393

քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԷՆԵՐԳԵՏԻԿԱՅԻ ԵՎ ՎԱՌԵԼԻՔԻ ՆԱԽԱՐԱՐՈՒԹՅԱՆ ԷՆԵՐԳԻԱՅԻ ՊԵՏԱԿԱՆ ՀՍԿՈՂՈՒԹՅԱՆ ԵՎ ԽՆԱՅՈՂՈՒԹՅԱՆ ԳԼԽԱՎՈՐ ՎԱՐՉՈՒԹՅԱՆ ԿԱՐԳԱՎԻՃԱԿԻ ՄԱՍԻՆ

Հաշվի առնելով էներգիայի և վառելիքի օգտագործման նկատմամբ հսկողության սահմանման անհրաժեշտությունն ու այդ բնագավառում միասնական պետական քաղաքականության իրագործման կարևորությունը, Հայաստանի Հանրապետության կառավարությունը որոշում է`

1. Հայաստանի Հանրապետության էներգետիկայի և վառելիքի նախարարության էներգիայի պետական հսկողության և խնայողության գլխավոր վարչությանը («Էներգապետհսկողություն» գլխավոր վարչություն) տալ պետական հսկողական մարմնի կարգավիճակ:

«Էներգապետհսկողություն» գլխավոր վարչության կարգագրերը, հրահանգները, ցուցումները, իր իրավասության սահմաններում, պարտադիր են հանրապետությունում էներգիա և վառելիք սպառող ու մատակարարող բոլոր կազմակերպությունների համար:

2. Հայաստանի Հանրապետության ֆինանսների նախարարությանը` 1993 թվականի ապրիլի 1-ից ապահովել Հայաստանի Հանրապետության էներգետիկայի և վառելիքի նախարարության «Էներգապետհսկողություն» գլխավոր վարչության պահպանման ծախսերը:

3. Հայաստանի Հանրապետության էներգետիկայի և վառելիքի նախարարությանը` Հայաստանի Հանրապետության կառավարության հաստատմանը ներկայացնել`

ա) 10-օրյա ժամկետում «Էներգապետհսկողություն» գլխավոր վարչության կանոնադրության նախագիծը.

բ) մինչև 1993 թվականի դեկտեմբերի 31-ը էներգիայից և վառելիքից օգտվելու կանոնների նախագիծը:

4. Սահմանել Հայաստանի Հանրապետության էներգետիկայի և վառելիքի նախարարության «Էներգապետհսկողություն» գլխավոր վարչության կենտրոնական ապարատի համար ծառայողական մարդատար ավտոմեքենայի սահմանաքանակ` 2 միավոր:

Հայաստանի Հանրապետության վարչապետ

Հ. ԲԱԳՐԱՏյան

Հայաստանի Հանրապետության ԿԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐԻՉ

Ա. ԽԱՉԱՏՐՅԱՆ